સોનુ સૂદની ફિલ્મ ‘ફતેહ’ 10 જાન્યુઆરીએ સિનેમાઘરોમાં રિલીઝ થવા જઈ રહી છે. રિલીઝ પહેલા સોનુ સૂદે જાહેરાત કરી છે કે ઓપનિંગ ડે પર ફિલ્મની ટિકિટની કિંમત માત્ર 99 રૂપિયા હશે. તે જ સમયે, અભિનેતા કમાણીની સંપૂર્ણ રકમ દાન કરશે. પોતાના ઈન્સ્ટાગ્રામ હેન્ડલ પર વીડિયો શેર કરતા સોનુ સૂદે કહ્યું- ‘2020માં જ્યારે અમને કોવિડની અસર થઈ, ત્યારે મારી પાસે મદદ માટે આવેલા ઘણા લોકો સાઈબર ક્રાઈમનો શિકાર બન્યા. તેઓ છેતરપિંડીનો સામનો કરી રહ્યા હતા અને તેમના ખાતામાંથી પૈસા ઉપાડી ગયા હતા. આ મારા હૃદયને સ્પર્શી ગયું અને હું સામાન્ય માણસની વાર્તા કહેવા માગતો હતો’. ‘ફતેહ સામાન્ય માણસ માટે બનેલી ફિલ્મ છે અને હું ઇચ્છું છું કે તે ભારતભરના દરેક લોકો સુધી સૌથી વધુ સુલભ રીતે પહોંચે. આ માટે અમે ઓપનિંગ ડેની ટિકિટની કિંમત માત્ર 99 રૂપિયા રાખવાનો નિર્ણય કર્યો છે. વધુમાં, હું લોકોને પરત આપવાની મારી રીત તરીકે ફિલ્મનો તમામ નફો દાન કરીશ.’ સોનુ ફિલ્મ ‘ફતેહ’થી ડિરેક્શનમાં ડેબ્યૂ કરી રહ્યો છે
સોનુ સૂદ ફિલ્મ ‘ફતેહ’ દ્વારા ડિરેક્શનમાં ડેબ્યૂ કરી રહ્યો છે. આ ફિલ્મમાં સોનુ સૂદ સાથે જેકલીન ફર્નાન્ડિસ, નસીરુદ્દીન શાહ, શિવ જ્યોતિ રાજપૂત અને વિજય રાજ જેવા કલાકારો જોવા મળશે. આ ફિલ્મ ‘શક્તિ સાગર પ્રોડક્શન’ના બેનર હેઠળ ઝી સ્ટુડિયો અને સોનાલી સૂદ દ્વારા સંયુક્ત રીતે બનાવવામાં આવી છે. ‘ફતેહ’ ફિલ્મમાં અનકટ એક્શન સિક્વન્સ, આ માટે બહારથી ટીમ બોલાવવામાં આવી હતી
આ ફિલ્મમાં જબરદસ્ત એક્શન સિક્વન્સ પણ છે. સોનુ સૂદે દિવ્ય ભાસ્કરને આપેલા ઈન્ટરવ્યૂમાં આ વાતનો ખુલાસો કર્યો હતો. તેણે કહ્યું હતું કે, ‘મેં ફતેહ માટે યોગ્ય એક્શન સીન ડિઝાઇન કર્યા છે. આ ઉપરાંત, દરેક એક્શન સીનનું ડિટેલિંગ પણ પેપર પર કરવામાં આવ્યું હતું. ફિલ્મમાં સાડા ત્રણ મિનિટની નોનસ્ટોપ એક્શન જોવા મળશે. તેમાં એક પણ કટ દેખાશે નહીં. ‘જુરાસિક પાર્ક’, ‘ફાસ્ટ એન્ડ ફ્યુરિયસ’ અને કેપ્ટન માર્વેલ’ જેવી મોટી હોલીવૂડ ફિલ્મોની એક્શન ડિઝાઇનિંગ ટીમને બોલાવવામાં આવી છે અને તેમને કામે લગાડવામાં આવી હતી. એક્શન સીન શૂટ કરવા માટે દક્ષિણ આફ્રિકા અને મેક્સિકોથી ટીમો આવી હતી. મને લાગે છે કે ‘ફતેહ’ની એક્શન બેન્ચમાર્ક સાબિત થશે.
ઓપનિંગ ડે પર ‘ફતેહ’ની ટિકિટ ₹99માં વેચાશે:ફિલ્મ રીલિઝ પહેલા સોનુ સૂદની મોટી જાહેરાત, કહ્યું- કમાણીની રકમ દાન કરશે
