જમ્મુ-કાશ્મીર અને હિમાચલ પ્રદેશના પહાડી રાજ્યોમાં હિમવર્ષાના કારણે મેદાની વિસ્તારોમાં ઠંડી વધી છે. દેશના 15 રાજ્યોમાં ધુમ્મસનું એલર્ટ જાહેર કરવામાં આવ્યું છે. જેમાં દિલ્હી, પંજાબ, હરિયાણા, ચંદીગઢ, હિમાચલ પ્રદેશ, ઉત્તર પ્રદેશ, મધ્ય પ્રદેશ, બિહાર, ઓડિશા, આસામ, મેઘાલય, ત્રિપુરા, મિઝોરમ, નાગાલેન્ડ અને મણિપુરનો સમાવેશ થાય છે. આગામી બે દિવસમાં યુપી, રાજસ્થાન અને બિહારમાં વરસાદની સંભાવના છે. 12 જાન્યુઆરીથી જયપુર, બિકાનેર સહિત 4 જિલ્લામાં ગાઢ ધુમ્મસ રહેશે. ગુરુવારે MPના 9 જિલ્લામાં કોલ્ડ ડેનું એલર્ટ છે. પંચમઢીમાં પારો 0.2 નોંધાયો હતો. જ્યારે મંગળવાર-બુધવારની રાત્રે ભોપાલમાં તાપમાન 3.6 ડિગ્રી હતું. હવામાન વિભાગે ગુરુવાર માટે હિમાચલ પ્રદેશના 12માંથી 5 જિલ્લા – ઉના, બિલાસપુર, હમીરપુર, કાંગડા અને મંડીમાં કોલ્ડવેવ, કરા અને ગાઢ ધુમ્મસ માટે યલો એલર્ટ જાહેર કર્યું હતું. હિમાચલ પ્રદેશના લાહૌલ અને સ્પીતિના તાબોમાં સૌથી ઠંડું તાપમાન નોંધાયું હતું, જ્યાં રાત્રે તાપમાન ઘટીને -13.6 ડિગ્રી સેલ્સિયસ થઈ ગયું હતું. રાજ્યોમાં હિમવર્ષા અને ઠંડીની તસવીરો… આગામી 2 દિવસમાં કેવું રહેશે હવામાન… 10 જાન્યુઆરી: 4 રાજ્યોમાં કોલ્ડ વેવની શક્યતા બિહાર, હિમાચલ, ઉત્તર પ્રદેશ, આસામ, મેઘાલય, નાગાલેન્ડ, મણિપુર, મિઝોરમ, ત્રિપુરામાં ગાઢ ધુમ્મસનું એલર્ટ.
દક્ષિણ ભારતના કેટલાક રાજ્યોમાં વરસાદની શક્યતા.
એમપી-રાજસ્થાન, પંજાબ, હરિયાણામાં કોલ્ડવેવનું એલર્ટ. 11 જાન્યુઆરી: 3 રાજ્યોમાં કોલ્ડવેવનું એલર્ટ હરિયાણા, ચંદીગઢ, દિલ્હી, આસામ, મેઘાલય, નાગાલેન્ડ, મણિપુર, મિઝોરમ, ત્રિપુરા, બિહાર, ઉત્તર પ્રદેશ, હિમાચલ પ્રદેશના ભાગોમાં ધુમ્મસનું એલર્ટ.
રાજસ્થાનમાં કેટલાક સ્થળોએ વાવાઝોડાનું એલર્ટ.
જમ્મુ-કાશ્મીર, લદ્દાખ અને ઉત્તર પ્રદેશના ભાગોમાં કોલ્ડવેવનું એલર્ટ. રાજ્યોમાં હવામાનના સમાચાર… રાજસ્થાનના 6 જિલ્લામાં વરસાદ અને કરાનું ઓરેન્જ એલર્ટઃ 12 જાન્યુઆરીથી ગાઢ ધુમ્મસ છવાશે રાજસ્થાનમાં શુક્રવારથી વરસાદી સિઝન શરૂ થશે. 10 અને 11 જાન્યુઆરીએ બીકાનેર, જયપુર, ભરતપુર ડિવિઝનની સાથે અજમેર વિભાગના કેટલાક ભાગોમાં હળવાથી મધ્યમ વરસાદ પડશે. આ સિવાય 11 જાન્યુઆરીએ સીકર, ચુરુ, ઝુનઝુનુ અને અલવરના વિસ્તારોમાં છૂટાછવાયા સ્થળોએ ભારે વરસાદ અને કરા પડવાની સંભાવના છે. મધ્યપ્રદેશના 9 જિલ્લામાં આજે કોલ્ડ ડેનું એલર્ટઃ નવેમ્બર-ડિસેમ્બર બાદ જાન્યુઆરીમાં પણ ઠંડી જાન્યુઆરીમાં મધ્યપ્રદેશમાં ઠંડીમાં વધારો થયો છે. આ વર્ષે જાન્યુઆરીમાં પહેલીવાર આટલી ઠંડી પડી રહી છે. રાજ્યના એકમાત્ર હિલ સ્ટેશન પચમઢીમાં તાપમાનનો પારો રેકોર્ડ 0.2 ડિગ્રીએ પહોંચી ગયો છે. આ સાથે જ ભોપાલમાં 10 વર્ષનો રેકોર્ડ તૂટી ગયો છે. મંગળવાર-બુધવારની રાત્રે અહીંનું તાપમાન 3.6 ડિગ્રી હતું.
દેશના 15 રાજ્યોમાં ધુમ્મસ:UP-રાજસ્થાન સહિત 3 રાજ્યોમાં 2 દિવસ બાદ વરસાદની શક્યતા; હિમાચલમાં તાપમાન -13.6 ડિગ્રીએ પહોંચ્યું
