સલમાન ખાનના પિતા સલીમ ખાનનો એક જૂનો વીડિયો સોશિયલ મીડિયા પર ઝડપથી વાયરલ થઈ રહ્યો છે. આ વીડિયોમાં તે સલમાનના લગ્ન ન કરવા પાછળનું કારણ જણાવી રહ્યા છે. તેમણે કહ્યું કે સલમાન તેની ગર્લફ્રેન્ડને તેની માતા જેવી બનાવવાનો પ્રયાસ કરે છે. આ જ કારણ છે કે તેઓ લગ્ન નથી કરી રહ્યા. સલમાનની વિચારસરણી ઘણી અલગ છે- સલીમ
સલીમ ખાને ઘણા વર્ષો પહેલા એક ઈન્ટરવ્યૂમાં સલમાન ખાનના લગ્ન ન કરવાનું કારણ શેર કર્યું હતું. ‘સલીમ ખાને કોમલ નાહટા સાથેની વાતચીતમાં કહ્યું હતું કે સલમાનનું કંઈક અલગ જ છે, મને ખબર નથી કે તે શું છે, સલમાનની વિચારસરણી તદ્દન અલગ છે. તે લગ્ન ન કરી શક્યો તેનું આ એક કારણ છે.’ સલીમ ખાને આગળ કહ્યું- ‘સલમાનને જેની સાથે કામ કરવાની તક મળે છે, તે લોકો સાથે ખૂબ જ ઝડપથી જોડાઈ જાય છે. કામ કરતી વખતે તેમની વચ્ચેની નિકટતા વધે છે. પરંતુ પછી તે તેની માતાને શોધવાનું શરૂ કરે છે. સલમાન વર્કિંગ વુમન સાથે લગ્ન કરવા નથી માંગતો.’ ‘સલમાન તેની માતા જેવી છોકરી સાથે લગ્ન કરવા માગે છે’
સલીમ ખાને કહ્યું- ‘ઘણી વખત એવું બને છે કે સલમાનને ફિલ્મની હિરોઈન પસંદ હોય. અને જ્યારે સલમાન એક એક્ટ્રેસ સાથે રિલેશનશિપમાં હોય છે, ત્યારે તેને તે છોકરીમાં તેની માતાના ગુણો દેખાવા લાગે છે. મને લાગે છે કે સલમાન માટે કરિયર-ઓરિએન્ટેડ મહિલા તેની કરિયર છોડીને ઘર સંભાળે તેવી અપેક્ષા રાખવી ખોટું છે. તે ઈચ્છે છે કે જે સ્ત્રી તેના જીવનમાં આવે છે તે તેની માતા જેવી બને, જેમ તેની માતાએ ઘર અને બાળકોની સંભાળ રાખી હતી. પરંતુ મને લાગે છે કે આજના સમયમાં આવું થવું ઘણું મુશ્કેલ છે. કામ કરતી એક્ટ્રેસે બાળકોને શાળાએ લઈ જવા, તેમના હોમવર્કમાં મદદ કરવી અને જમવાનું બનાવવા જેવી બાબતો કરી શકતી નથી.’ સલમાને 59મો જન્મદિવસ ઉજવ્યો
તાજેતરમાં જ સલમાન ખાને તેનો 59મો જન્મદિવસ ઉજવ્યો હતો. અભિનેતાએ હજુ સુધી લગ્ન કર્યા નથી. સોશિયલ મીડિયા પર અવારનવાર આની ચર્ચા થાય છે. અભિનેતાના ચાહકો તેને હંમેશા આ સવાલ પૂછે છે કે તે ક્યારે લગ્ન કરશે? નોંધનીય છે કે,સલમાનનું નામ ઈન્ડસ્ટ્રીની ઘણી અભિનેત્રીઓ સાથે જોડાયેલું છે. સલમાનનું નામ ઐશ્વર્યા રાયથી લઈને કેટરીના કૈફ, સોમી અલી અને સંગીતા બિજલાની સુધીની ઘણી અભિનેત્રીઓ સાથે જોડાયેલું છે. સલમાન ખાન જલ્દી જ ફિલ્મ ‘સિકંદર’માં જોવા મળશે
સલમાન ખાનના આગામી પ્રોજેક્ટની વાત કરીએ તો તે ટૂંક સમયમાં ફિલ્મ ‘સિકંદર’માં જોવા મળશે. આ ફિલ્મમાં તેની સાથે રશ્મિકા મંદન્ના પણ જોવા મળશે. ‘સિકંદર’ ફિલ્મ વર્ષ 2025માં ઈદના અવસર પર રિલીઝ થશે. પ્રખ્યાત નિર્દેશક એઆર મુરુગાદોસ આ ફિલ્મનું નિર્દેશન કરી રહ્યા છે. આ પહેલા મુરુગાદોસે ‘ગજની’, ‘હોલીડે’ અને ‘અકીરા’ જેવી હિન્દી ફિલ્મોનું નિર્દેશન કર્યું છે. આ ફિલ્મનું નિર્માણ સાજિદ નડિયાદવાલાએ કર્યું છે. ફિલ્મનું સ્ટ્રીમિંગ પાર્ટનર નેટફ્લિક્સ છે.
સલીમ ખાને સલમાનના કુંવારા રહેવાનું કારણ જણાવ્યું:કહ્યું- એક્ટર પોતાની માતા જેવી છોકરી સાથે લગ્ન કરવા માગે છે, જૂનો વીડિયો થયો વાયરલ
