મોદીએ સંભળાવ્યો અમદાવાદી ચુટકુલા:જ્યારે સ્કૂટરવાળા પાસેથી શીખ્યા PM, રાજકારણમાં આવવા માગતા યુવાનોને આપી સલાહ

વડાપ્રધાન નરેન્દ્ર મોદીએ ઝેરોધાના સહ-સ્થાપક નિખિલ કામથ સાથે પોડકાસ્ટ કર્યું છે. પીએમએ કહ્યું હતું કે આ તેમનો પહેલો પોડકાસ્ટ છે. લગભગ બે કલાક ચાલેલા આ ઇન્ટરવ્યૂમાં પ્રધાનમંત્રીએ ઘણા મુદ્દાઓ પર ખૂલીને વાત કરી. આ દરમિયાન નિખિલ કામથે પ્રશ્ન પૂછ્યો કે સોશિયલ મીડિયા પહેલાંના રાજકારણમાં તમે મુખ્યમંત્રી હતા અને સોશિયલ મીડિયા પછીના રાજકારણમાં તમે વડાપ્રધાન છો. રાજકારણમાં જોડાવા માગતા યુવાનોને સોશિયલ મીડિયાનો ઉપયોગ કેવી રીતે કરવો એ અંગે તમે શું સલાહ આપશો? આ અંગે વડાપ્રધાન નરેન્દ્ર મોદીએ અમદાવાદના એક સ્કૂટરવાળાનો કિસ્સો સંભળાવ્યો અને કહ્યું કે જાડી ચામડી હોવા વિશે વધારે વિચારવું જોઈએ નહીં. પીએમ મોદીએ કહ્યું, “નાનાં બાળકો મને પૂછે છે કે જ્યારે તમે ટીવી પર તમારી જાતને જુઓ છો ત્યારે તમને કેવું લાગે છે. ઘણાં બાળકો મને પૂછે છે કે તમને દિવસ-રાત આટલી બધી ગાળો મળે છે, તમને કેવું લાગે છે? પછી હું તેમને એક ચુટકુલો સંભળાવું છું. હું કહું છું કે હું અમદાવાદી છું અને અમદાવાદી લોકોની એક અલગ ઓળખ છે, તેમની પાસે ઘણા ચુટકુલા છે.” તેમણે આગળ જણાવ્યું- મેં કહ્યું, એક અમદાવાદી સ્કૂટર ચલાવી રહ્યો હતો અને તે કોઈને ટક્કર મારવાની ખૂબ નજીક આવી ગયો. સામેની વ્યક્તિ ગુસ્સે થઈ. તુ તુ-મેં મેં શરૂ થઈ. તેણે ગાળો આપવાનું શરૂ કર્યું. આ અમદાવાદી તે પોતાનું સ્કૂટર લઈને શાંતિથી ઊભો હતો. પછી કોઈ આવીને કહ્યું, ભાઈ, તું કેવો માણસ છે, એ ગાળો આપી રહ્યો છે અને તું આમ ઊભો છે. એ (સ્કૂટરચાલક) કહી રહ્યો છે- ભાઈ, ગાળો આપી જ રહ્યો છે ને. કંઈ લઈ તો નથી રહ્યોને, તેથી મેં પણ મન બનાવી લીધું કે ઠીક છે ભાઈ, આપી રહ્યા છે ગાળો. તેમની પાસે જે છે એ આપશે, મારી પાસે જ હશે હું આપીશ, પરંતુ તમે સત્ય સાથે હોવા જોઈએ. તમારા દિલમાં પાપ ન હોવું જોઈએ. ‘સંવેદનશીલતા વિના લોકોનું ભલું ન કરી શકો’
પીએમએ કહ્યું, “જો કોઈ રાજકારણમાં ન હોય અને ઓફિસમાં કામ કરે, તો શું ત્યાં આવું નથી થતું? જો કોઈ મોટો પરિવાર હોય અને બે ભાઈ વચ્ચે ઝઘડો થાય, તો શું ત્યાં આવું થાય છે કે નહીં? જીવનમાં આવું થાય છે.” દરેક ક્ષેત્રમાં વધુ કે ઓછા પ્રમાણમાં, તેથી વ્યક્તિએ તેના આધારે જાડી ચામડી હોવા વિશે વધુ વિચારવું જોઈએ નહીં. વ્યક્તિએ અત્યંત સંવેદનશીલ હોવું જોઈએ. જાહેર જીવનમાં સંવેદનશીલતા વિના, તમે લોકોનું ભલું કરી શકતા નથી. મારું માનવું છે કે સોશિયલ મીડિયા લોકશાહીની એક મહાન શક્તિ છે. પહેલાં ફક્ત થોડા લોકો જ તમને સમાચાર આપતા હતા. તમે એને સત્ય માનતા હતા. ત્યારે પણ તમે ફસાયેલા જ હતા. સત્ય શોધવા માટે તમારી પાસે કોઈ વિકલ્પ નહોતો. કોઈએ કહ્યું કે જો એક લાખ લોકો મૃત્યુ પામે તો તમે સ્વીકારશો કે તેઓ મૃત્યુ પામ્યા છે.” ‘આજે સત્ય શોધવાના ઘણા રસ્તાઓ છે’
તેમણે કહ્યું હતું કે આજે તમારી પાસે માહિતીની પુષ્ટિ કરવા માટે ઘણા વિકલ્પો છે. તમારા મોબાઇલમાં બધું જ ઉપલબ્ધ છે. થોડું ધ્યાન આપો અને તમે સત્ય સુધી પહોંચી શકો છો, તેથી લોકશાહીને મજબૂત બનાવવાનું કામ સોશિયલ મીડિયા દ્વારા કરી શકાય છે. મને યાદ છે કે પહેલાં જ્યારે હું સંગઠન માટે કામ કરતો હતો ત્યારે હું રાજકારણમાં નહોતો. કોઈ વાત ન હોય તોપણ અમારા જનસંઘના લોકોને ગાળો પડતી હતી. દુકાળ પડ્યો ત્યારે પણ અમને ગાળો પડતી હતી. તો એ સમયમાં પણ આવું જ થતું હતું, પણ એ સમયે પ્રિન્ટ મીડિયા હતું, તેથી તેની પાસે ફક્ત આટલી જ શક્તિ હતી. સોશિયલ મીડિયા થોડા સમય પહેલાં પણ અસ્તિત્વમાં હતું અને આજે પણ છે, પરંતુ આજે તમારી પાસે સત્ય શોધવાની ઘણી રીતો છે. આજના યુવાનો મોટા ભાગની બાબતોની ચકાસણી કરે છે.