અંડર-19 મહિલા T-20 વર્લ્ડ કપ આજથી શરૂ થઈ રહ્યો છે. આ ICC ટુર્નામેન્ટની પ્રથમ મેચ ઓસ્ટ્રેલિયા અને સ્કોટલેન્ડ વચ્ચે સવારે 8 વાગ્યે શરૂ થઈ. ભારતે 2023માં આ ટુર્નામેન્ટનું પ્રથમ ટાઇટલ જીત્યું હતું. મલેશિયામાં 16 દિવસીય સ્પર્ધામાં 16 ટીમ ભાગ લઈ રહી છે. આ સિઝનમાં ટુર્નામેન્ટની 41 મેચ 4 સ્થળો પર રમાશે. ભારતની પ્રથમ મેચ 19 જાન્યુઆરીએ વેસ્ટ ઈન્ડિઝ સામે થશે. ફાઈનલ 2 ફેબ્રુઆરીએ રમાશે. 10 સવાલોમાં ટુર્નામેન્ટ વિશે બધું જાણો… સવાલ-1: શું આ ટુર્નામેન્ટનું આયોજન પહેલા કરવામાં આવ્યું છે?
હા, આ ટુર્નામેન્ટનું આયોજન પણ 2023માં કરવામાં આવ્યું હતું. ત્યારે સાઉથ આફ્રિકામાં યોજાયેલી આ ટુર્નામેન્ટમાં 16 ટીમે ભાગ લીધો હતો. ભારતે ફાઈનલમાં ઇંગ્લેન્ડને 7 વિકેટે હરાવીને પ્રથમ ટાઇટલ જીત્યું હતું. સવાલ-2: આ વખતે ભારતને કયા ગ્રૂપમાં મૂકવામાં આવ્યું છે?
ટીમ ઈન્ડિયાને ગ્રૂપ-Aમાં રાખવામાં આવી છે. આ ગ્રૂપની તમામ મેચ સેલંગોરના બ્યુમસ ઓવલ મેદાન પર રમાશે. ફાઈનલ પણ અહીં રમાશે. ગ્રૂપ-A ઉપરાંત ગ્રૂપ-Bની મેચ દાતો સ્ટેડિયમ ખાતે, ગ્રૂપ-Cની મેચ સારાવાકના બોર્નિયો ક્રિકેટ ગ્રાઉન્ડ ખાતે અને ગ્રૂપ-Dની મેચ સેલાંગોરના UKM VSD ઓવલ સ્ટેડિયમ ખાતે યોજાશે. સવાલ-3: આ ટુર્નામેન્ટ કયા ફોર્મેટમાં યોજાશે?
આ ટુર્નામેન્ટ લીગ કમ સુપર-6 ફોર્મેટમાં રમાશે. આ માટે 16 ટીમને 4 ગ્રૂપમાં વહેંચવામાં આવી છે. દરેક લીગ ગ્રૂપમાં 4-4 ટીમ છે, તમામ ટીમ ગ્રૂપ સ્ટેજમાં 3-3 મેચ રમશે. ગત વખતની જેમ આ વખતે પણ સુપર-6 સ્ટેજ હશે, દરેક ગ્રૂપની ટૉપ-3 ટીમ સુપર-6 સ્ટેજમાં પ્રવેશ કરશે. સુપર-6 સ્ટેજ 25 જાન્યુઆરીથી શરૂ થશે. 2 ગ્રૂપમાં કુલ 12 ટીમ હશે. દરેક ગ્રૂપની ટોચની બે ટીમ વચ્ચે 30 અને 31 જાન્યુઆરીએ બે સેમિફાઈનલ રમાશે અને વિજેતા ટીમ વચ્ચે 2 ફેબ્રુઆરીએ ફાઈનલ રમાશે. સવાલ-4: શું આ વખતે કોઈ નવી ટીમને વર્લ્ડ કપ રમવાની તક મળી છે?
હા, સમોઆની ટીમ પહેલીવાર વર્લ્ડ કપ રમી રહી છે. તેને ન્યૂઝીલેન્ડ, સાઉથ આફ્રિકા અને આફ્રિકન ક્વોલિફાયર ટીમની સાથે ગ્રૂપ-Cમાં રાખવામાં આવી છે. મલેશિયા પણ તેનો પહેલો વર્લ્ડ કપ રમી રહ્યું છે. સવાલ-5: આ વખતે ભારતીય ટીમનો કેપ્ટન કોણ છે?
નિક્કી પ્રસાદને ભારતની અંડર-19 મહિલા ટીમની કેપ્ટન બનાવવામાં આવી છે. નિક્કીને દિલ્હી કેપિટલ્સે મહિલા પ્રીમિયર લીગ માટે સામેલ કરી છે. સવાલ-6: આ વખતે ભારતીય ટીમમાં કોણ છે?
અંડર-19 મહિલા T-20 વર્લ્ડ કપ માટે પસંદ કરાયેલી ભારતીય ટીમ આ પ્રમાણે છે- નિક્કી પ્રસાદ (કેપ્ટન), સાનિકા ચાલકે (વાઈસ-કેપ્ટન), જી ત્રિશા, કમલિની જી (વિકેટકીપર), ભાવિકા આહિરે (વિકેટકીપર), ઈશ્વરી અવસરે, મિથિલા વિનોદ , જોશિતા વીજે, સોનમ યાદવ, પારુણિકા સિસોદિયા, કેસરી દ્રિથી, આયુષી શુક્લા, આનંદિતા કિશોર, એમ.ડી. શબનમ, વૈષ્ણવી એસ. સ્ટેન્ડબાય: નંદના એસ, ઇરા જે, અનાડી ટી. સવાલ-7: તમે મેચ ક્યાં જોઈ શકો છો?
અંડર-19 મહિલા T20 વર્લ્ડ કપ 2025ની મેચો JioStar ડિજિટલ પ્લેટફોર્મ પર જોઈ શકાય છે. આટલું જ નહીં, સેમિફાઈનલ અને ફાઈનલ મેચ સ્ટાર સ્પોર્ટ્સ-2 પર ટેલિકાસ્ટ કરવામાં આવશે. સવાલ-8: છેલ્લા અંડર-19 વર્લ્ડ કપમાંથી ભારતીય ટીમમાં કયા ખેલાડીઓ આવ્યા છે?
હા, છેલ્લો અંડર-19 વર્લ્ડ કપ રમીને ઘણા ખેલાડીઓ ટીમ ઈન્ડિયા પહોંચ્યા છે. આમાં ઓપનર શેફાલી વર્મા, રિચા ઘોષ, તિતાસ સાધુ જેવા નામો ભારતીય મહિલા ટીમનો ભાગ છે. સવાલ-9: ભારતીય મહિલા ટીમમાં છેલ્લી વખતની વર્લ્ડ ચેમ્પિયન ટીમની સભ્ય છે?
રિચા ઘોષ અને તિતાસ સાધુ હાલમાં ભારતીય મહિલા ટીમનો ભાગ છે. આ બંનેએ તાજેતરમાં આયર્લેન્ડ સામેની વન-ડે સિરીઝમાં ભારત માટે ભાગ લીધો હતો. સવાલ-10: કયા ખેલાડીઓ પર નજર રાખવામાં આવશે?
નજર કેપ્ટન નિક્કી પ્રસાદ, વૈષ્ણવી શર્મા, ત્રિશા ગાંગુલી પર રહેશે.
આજથી અંડર-19 વુમન્સ વર્લ્ડ કપ:ભારતે પ્રથમ ટાઇટલ જીત્યું હતું, આ વખતે 16 ટીમ રમી રહી છે; 10 સવાલોમાં બધું જાણો
