ભારતીય ફીમેલ સિંગરે કોલ્ડપ્લેમાં ઈતિહાસ રચ્યો:ક્રિસ માર્ટિને ‘જય શ્રીરામ’ અને ‘બુમરાહ’નું નામ લઈ ફેન્સનું દિલ જીત્યું; કોન્સર્ટમાં ચાહકોથી ખીચોખીચ ભરાયું સ્ટેડિયમ

કોલ્ડપ્લે વર્લ્ડ ટૂર 2025નો પ્રથમ કોન્સર્ટ શનિવારે મુંબઈના ડીવાય પાટિલ સ્પોર્ટ્સ સ્ટેડિયમમાં થયો હતો. આ કોન્સર્ટ રાત્રે 8 વાગ્યાથી 10 વાગ્યા સુધી બે કલાક સુધી ચાલ્યો હતો. આ દરમિયાન સ્ટેડિયમ ભરચક હતું. કોન્સર્ટમાં 40 હજારથી વધુ લોકો જોવા મળ્યા હતા. ભારતની જસલીન રોયલે આ શોની શરૂઆત કરી હતી. તેણે ‘ખો ગયે હમ કહાં’, ‘રાંઝા અને લવ યુ ઝિંદગી’ જેવા ગીતો ગાયાં. બ્રિટિશ રોક બેન્ડ માટે ઓપનિંગ કરનાર જસલીન પ્રથમ ભારતીય કલાકાર છે. કોન્સર્ટના વીડિયો અને ફોટા સોશિયલ મીડિયા પર ઝડપથી વાયરલ થઈ રહ્યા છે. કોન્સર્ટમાં, ક્રિસ માર્ટિને યલો, પેરેડાઇઝ, મેજિક અને ઘણા પ્રખ્યાત ગીતો ગાયાં. કોન્સર્ટ દરમિયાન ક્રિસ માર્ટિને જસપ્રિત બુમરાહને યાદ કર્યો
કોલ્ડપ્લેના પોપ્યુલર સિંગર ક્રિસ માર્ટિને 18 જાન્યુઆરીના રોજ મુંબઈમાં તેમના કોન્સર્ટ દરમિયાન એક અનોખી ક્ષણ શેર કરી. આ દરમિયાન તેણે ભારતના ફાસ્ટ બોલર જસપ્રીત બુમરાહનું નામ લીધું, જેના કારણે કોન્સર્ટમાં હાજર ચાહકો ખૂબ જ ઉત્સાહિત થઈ ગયા. જ્યારે માર્ટિન પોતાનું પ્રખ્યાત ગીત ‘અ સ્કાય ફુલ ઓફ સ્ટાર્સ’ રજૂ કરી રહ્યો હતો, ત્યારે તેણે માઈક ઉપાડ્યું અને કહ્યું કે શો વહેલો સમાપ્ત કરવો પડશે કારણ કે બુમરાહ બેકસ્ટેજ પર આવીને તેની સાથે ક્રિકેટ રમવા માંગે છે. ક્રિસ માર્ટિને મજાકમાં કહ્યું, “રાહ જુઓ, આપણે શો સમાપ્ત કરવો પડશે કારણ કે જસપ્રીત બુમરાહ બેકસ્ટેજ પર આવીને ક્રિકેટ રમવા માગે છે. તે મારા માટે બોલિંગ કરવા માગે છે.” આ સાંભળીને શ્રોતાઓ ઉત્સાહિત થઈ ગયા અને તાળીઓના ગડગડાટથી વાતાવરણ વધુ રોમાંચક બની ગયું. કેટલાક ચાહકોએ તો એવું પણ વિચાર્યું હતું કે બુમરાહ સ્ટેજ પર આવશે, પરંતુ એવું બન્યું નહીં. 19 અને 21 જાન્યુઆરીએ પણ મુંબઈના આ જ સ્ટેડિયમમાં કોલ્ડપ્લે કોન્સર્ટ યોજાશે. મીડિયા રિપોર્ટ્સ અનુસાર, આ 3 દિવસીય કોન્સર્ટમાં લગભગ 70 હજાર દર્શકો આવવાની આશા છે. શનિવારના કોલ્ડપ્લે કોન્સર્ટને લગતી 6 તસવીરો મુંબઈ પછી કોલ્ડપ્લે અમદાવાદમાં વધુ 2 કોન્સર્ટ કરશે. આ શો 25 અને 26 જાન્યુઆરીએ નરેન્દ્ર મોદી સ્ટેડિયમમાં યોજાશે. કોન્સર્ટના થોડા દિવસો પહેલા બુક માય શોમાં અમદાવાદની વધારાની ટિકિટો ઉમેરવામાં આવી છે. બુક માય શોના ઓફિશિયલ પેજ પર 15 જાન્યુઆરીએ સોશિયલ મીડિયા પર આ માહિતી શેર કરવામાં આવી છે. પોસ્ટમાં લખ્યું છે- કોલ્ડપ્લે મ્યુઝિક ઓફ ધ સ્પિયર્સ વર્લ્ડ ટૂર 2025 – ભારત, અમદાવાદના તમામ શો માટે લિમિટેડ ટિકિટો ઉમેરવામાં આવી છે. અમદાવાદમાં બંને શોની લિમિટેડ ટિકિટ આજે સાંજે 6 વાગ્યાથી લાઈવ થશે. અગાઉ, જ્યારે વર્ષ 2024માં અમદાવાદ કોન્સર્ટ માટે બુક માય શોમાં ટિકિટનું વેચાણ શરૂ થયું હતું, ત્યારે થોડીવારમાં તમામ ટિકિટો વેચાઈ ગઈ હતી અને બુકિંગ ફુલ થઈ ગયું હતું. આ કારણે નારાજ ચાહકોનું કહેવું છે કે જ્યારે કોન્સર્ટના આયોજકો ટિકિટો બ્લેકમાં વેચી ન શક્યા તો તેમણે વધારાની ટિકિટો ઉમેરી. ભાસ્કરે સ્ટિંગ કરીને ખુલાસો કર્યો હતો કે 3500 રૂપિયાની ટિકિટ 70 હજાર રૂપિયામાં વેચાઈ હતી. ટિકિટોના આ કાળા બજારને સમજવા માટે દિવ્ય ભાસ્કરની ટીમે સ્ટિંગ ઓપરેશન હાથ ધર્યું હતું. સ્ટિંગમાં ખુલાસો થયો હતો કે ટિકિટોની છેડછાડ મોટા પાયે થઈ હતી. જે ટિકિટો સાઇટ પર ઉપલબ્ધ ન હતી તે 10 થી 15 ગણા વધુ ભાવે બહાર સરળતાથી વેચાતી હતી. સ્થિતિ એવી હતી કે 3500 રૂપિયાની ટિકિટ 70 હજાર રૂપિયામાં મળતી હતી. મુંબઈમાં કેટલીક ગેંગ હતી જે બ્લેકમાં ટિકિટ વેચતી હતી. ભાસ્કરના સ્ટિંગ બાદ બુક માય શોએ ફરિયાદ નોંધાવી હતી ભાસ્કરના આ સ્ટિંગ પછી, બુક માય શો એપ દ્વારા ઘણા લોકો સામે ફરિયાદ દાખલ કરવામાં આવી છે જેઓ ઇન્સ્ટાગ્રામ અને નકલી વેબસાઇટ્સ દ્વારા ગેરકાયદેસર રીતે ઊંચા ભાવે ટિકિટ વેચી રહ્યા હતા. એપના કાયદા વિભાગના જનરલ મેનેજરે આરોપ લગાવ્યો કે ઘણા દિવસોથી તેને ઈ-મેલ દ્વારા ફરિયાદો મળી રહી હતી કે કોલ્ડપ્લે કોન્સર્ટની ટિકિટ નકલી વેબસાઈટ દ્વારા મનસ્વી રકમમાં વેચવામાં આવી રહી છે. તેની પાસે કેટલાક સ્ક્રીનશોટ પણ હતા, જેમાં ટિકિટ વેચતા લગભગ 27 લોકોના નંબર અને ચેટનો સમાવેશ થતો હતો. બુક માય શો એપ પર પણ 500 કરોડ રૂપિયાની છેતરપિંડીનો આરોપ છે BYJM (ભારતીય જનતા યુવા મોરચા) એ પણ બુક માય શો પર છેતરપિંડીનો આરોપ લગાવતા EOWમાં ફરિયાદ નોંધાવી હતી. બુક માય શો પર મની લોન્ડરિંગ અને ટિકિટના વેચાણના નામે 500 કરોડ રૂપિયાની છેતરપિંડીનો આરોપ હતો. આરોપ હતો કે બુક માય શો એપ પર પહેલા આવનાર લોકોને પહેલા ટિકિટ આપવામાં આવતી હતી. એપએ બ્લેકમાર્કેટિંગ એજન્ટો માટે એક ખાસ લિંક બનાવી છે, જેના દ્વારા તેઓ ટિકિટ ખરીદી શકે છે અને ઊંચા ભાવે વેચી શકે છે. ટિકિટ ખરીદનારાઓને વર્ચ્યુઅલ કતારમાં ઊભા રાખવામાં આવ્યા હતા, જેના કારણે તેઓ ટિકિટ બુક કરી શક્યા ન હતા. બુક માય શો એપને આ હેરાફેરીથી 500 કરોડ રૂપિયાની કમાણી થઈ છે. કોલ્ડપ્લેના કોન્સર્ટ ટિકિટ કૌભાંડ પર EDની કાર્યવાહી 25 ઓક્ટોબર, 2024ના રોજ એન્ફોર્સમેન્ટ ડિરેક્ટોરેટ (ED) એ 5 રાજ્યો દિલ્હી, મહારાષ્ટ્ર, રાજસ્થાન, કર્ણાટક અને પંજાબમાં કોલ્ડપ્લે ટિકિટના બ્લેક માર્કેટિંગ પર 13 સ્થળોએ સર્ચ હાથ ધર્યું હતું. આ તપાસ બાદ એજન્સીએ મની લોન્ડરિંગ એક્ટની વિવિધ કલમો હેઠળ ફોજદારી કેસ નોંધ્યો હતો. EDએ દરોડા દરમિયાન મોબાઈલ ફોન, લેપટોપ અને સિમ કાર્ડ જપ્ત કર્યા છે. ભારતમાં 9 વર્ષ પછી કોલ્ડપ્લેનું પરફોર્મન્સ કોલ્ડપ્લે બેન્ડે 2016માં મુંબઈમાં યોજાયેલા ગોલ્ડન સિટીઝન ફેસ્ટિવલમાં પરફોર્મ કર્યું હતું. 80 હજાર લોકો આ શોનો હિસ્સો બન્યા, જેમાં બોલિવૂડના ઘણા સેલેબ્સ સામેલ હતા. હવે 9 વર્ષ પછી બેન્ડ ફરી ભારતમાં આવ્યુંછે. કોલ્ડપ્લેના ગીતો Hymn for the Weekend, Yellow, Fix You ભારતમાં ખૂબ જ લોકપ્રિય છે. લંડનમાં શરૂઆત કરી, 7 ગ્રેમી એવોર્ડ જીત્યા કોલ્ડપ્લે બેન્ડની શરૂઆત વર્ષ 1997માં લંડનમાં થઈ હતી. ક્રિસ માર્ટિન, જોની બકલેન્ડ, ગાય બેરીમેન, વિલ ચેમ્પિયન અને ફિલ હાર્વે આ બેન્ડના સભ્યો છે. કોલ્ડપ્લેને 39 નોમિનેશનમાં 7 વખત ગ્રેમી એવોર્ડ મળ્યો છે.