નબળા ત્રિમાસિક પરિણામો પછી, ઝોમેટોના શેર આજે એટલે કે 21 જાન્યુઆરીએ 9%થી વધુ ઘટાડો જોવા મળી રહ્યો છે. અગાઉ ગઈકાલે પણ તેના શેરમાં 7.27%નો ઘટાડો થયો હતો. ગઈકાલે જાહેર થયેલા પરિણામો અનુસાર, નાણાકીય વર્ષ 2024-25 ના ત્રીજા ક્વાર્ટરમાં કંપનીનો નફો વાર્ષિક ધોરણે 57% ઘટીને રૂ. 59 કરોડ થયો છે. કંપનીએ એક વર્ષ અગાઉના સમાન ક્વાર્ટરમાં રૂ. 138 કરોડનો નફો કર્યો હતો. બીજા ક્વાર્ટરની સરખામણીમાં નફો 66% ઘટ્યો કંપનીના નફામાં બીજા ક્વાર્ટરની સરખામણીમાં 66.47%નો ઘટાડો થયો છે. કંપનીએ જુલાઈ-સપ્ટેમ્બર 2024માં રૂ. 176 કરોડનો નફો કર્યો હતો. આ દરમિયાન આવકની વાત કરીએ તો 12.63%ની તેજી જોવા મળી હતી. છેલ્લા ક્વાર્ટરમાં કંપનીએ રૂ. 4799 કરોડની આવક મેળવી હતી. કોન્સોલિડેટેડ નફો એટલે સમગ્ર ગ્રુપની કામગીરી
કંપનીઓના પરિણામો બે ભાગમાં આવે છે – સ્ટેન્ડઅલોન અને કોન્સોલિડેટેડ. સ્ટેન્ડઅલોન રિપોર્ટ્સ માત્ર એક યુનિટની નાણાકીય કામગીરી દર્શાવે છે, જ્યારે કોન્સોલિડેટેડ નાણાકીય અહેવાલો સમગ્ર કંપની પર અહેવાલ આપે છે. અહીં, Zomato પાસે Blinkit સહિત 28 પેટાકંપનીઓ, 1 ટ્રસ્ટ અને 1 એસોસિએટેડ કંપની છે. આ તમામના નાણાકીય અહેવાલોને કોન્સોલિડેટેડ કહેવામાં આવશે. જ્યારે, જો બ્લિંકિટનું અલગ પરિણામ આવે તો તેને સ્ટેન્ડઅલોન કહેવામાં આવશે. ઝોમેટોના શેર એક મહિનામાં 18%થી વધુ ઘટ્યા છે
એક મહિનામાં 18% અને આ વર્ષે 1 જાન્યુઆરીથી 19%થી વધુ ઘટ્યો છે. જ્યારે છેલ્લા એક વર્ષમાં કંપનીએ 70% નું પોઝિટિવ રિટર્ન આપ્યું છે. કંપનીનું માર્કેટ કેપ 1.96 લાખ કરોડ રૂપિયા છે. બ્લિંકિટને 103 કરોડની ખોટ, આવકમાં 117%નો વધારો
ઝોમેટોના ક્વિક કોમર્સ બિઝનેસ બ્લિંકિટને ત્રીજા ક્વાર્ટરમાં રૂ. 103 કરોડનું નુકસાન થયું છે. જોકે, કંપનીની આવક ગયા વર્ષની સરખામણીમાં 117% અને જુલાઈ-સપ્ટેમ્બર ક્વાર્ટરની સરખામણીમાં 21% વધી છે. તેમજ, જો આપણે EBITDA વિશે વાત કરીએ, તો ગયા વર્ષના રૂ. 48 કરોડના પોઝિટિવ EBITDAની સરખામણીએ, તે ચાલુ નાણાકીય વર્ષના સમાન ત્રિમાસિક ગાળામાં રૂ. 30 કરોડ નેગેટિવ રહ્યા છે. પરિણામો પર, બ્લિંકિટે કહ્યું કે ઓક્ટોબર-ડિસેમ્બર દરમિયાન કંપનીએ બિઝનેસ ગ્રોથ માટે રોકાણ કર્યું છે. કંપની 2025ના અંત સુધીમાં 2000 સ્ટોરનો આંકડો પાર કરશે. બ્લિંકિટે આ ક્વાર્ટરમાં 1,000 સ્ટોરનો આંકડો પાર કર્યો છે.
ઝોમેટોના શેરમાં 9%થી વધુનો ઘટાડો:નબળા ત્રિમાસિક પરિણામોની અસર, ગઈકાલે પણ શેર 7.27% તુટ્યો હતો
