ગુકેશ FIDE રેન્કિંગમાં ચોથા ક્રમે આવ્યો:અર્જુન ઇરિગાસીનું સ્થાન લીધું, હવે ભારતના સર્વોચ્ચ ક્રમાંકિત ખેલાડી

ભારતના ડી ગુકેશ ગુરુવારે FIDE (ઇન્ટરનેશનલ ચેસ ફેડરેશન)ની તાજેતરની રેન્કિંગમાં ચોથા સ્થાને આવી ગયો છે. તે હવે ભારતનો સર્વોચ્ચ ક્રમાંકિત ખેલાડી બની ગયો છે. ગુકેશ અર્જુન ઇરિગાસીનું સ્થાન લીધું છે. 18 વર્ષના ગુકેશે નેધરલેન્ડ્સમાં ચાલી રહેલી ટાટા સ્ટીલ ચેસ ટુર્નામેન્ટમાં જર્મનીના વિન્સેન્ટ કીમરને હરાવીને આ સિદ્ધિ મેળવી છે. ટુર્નામેન્ટમાં આ તેની બીજી જીત હતી. ગુકેશ પાસે હવે 2784 રેટિંગ પોઈન્ટ્સ છે, જ્યારે ઇરિગાસી, જે કેટલાક સમયથી ભારતનો નંબર વન ખેલાડી છે, તે 2779.5 રેટિંગ પોઈન્ટ સાથે પાંચમાં સ્થાને સરકી ગયો છે. નોર્વેનો મેગ્નસ કાર્લસન 2832.5 પોઈન્ટ સાથે FIDE વર્લ્ડ ચેસ રેન્કિંગમાં ટોચ પર છે. અમેરિકન ગ્રાન્ડમાસ્ટર હિકારુ નાકામુરા (2802) બીજા સ્થાને છે અને તેનો દેશબંધુ ફેબિયાનો કારુઆના (2798) ત્રીજા સ્થાને છે. હવે ગુકેશ ચોથા સ્થાને અને અર્જુન ઇરિગાસી પાંચમા સ્થાને છે. ગુકેશ ડિસેમ્બરમાં વર્લ્ડ ચેસ ચેમ્પિયન બન્યો હતો
18 વર્ષીય ગુકેશે ગયા વર્ષે ડિસેમ્બરમાં વર્લ્ડ ચેસ ચેમ્પિયનશિપનો ખિતાબ જીત્યો હતો. તેણે ફાઇનલમાં ડિફેન્ડિંગ ચેમ્પિયન ચીનના ડીંગ લિરેનને 7.5-6.5થી હરાવ્યો. ગુકેશ આટલી નાની ઉંમરમાં ટાઈટલ જીતનાર વિશ્વનો પ્રથમ ખેલાડી છે. આ પહેલા 1985માં રશિયાના ગેરી કાસ્પારોવે 22 વર્ષની ઉંમરમાં આ ખિતાબ જીત્યો હતો. ગુકેશ ચેસ ઓલિમ્પિયાડ પણ જીત્યો હતો
આ વર્ષે 10 થી 23 સપ્ટેમ્બર સુધી બુડાપેસ્ટમાં ચેસ ઓલિમ્પિયાડનું આયોજન કરવામાં આવ્યું હતું. ભારત ઓપન અને મહિલા બંને કેટેગરીમાં ચેમ્પિયન બન્યું હતું. ઓપન કેટેગરીમાં, ગુકેશ જ હતો જેણે ફાઈનલ ગેમ જીતીને ભારતને જીત અપાવી હતી. કોણ છે ડી ગુકેશ?
ગુકેશ ડીનું પૂરું નામ ડોમ્મારાજુ ગુકેશ છે. તે ચેન્નઈનો રહેવાસી છે. ગુકેશનો જન્મ 7 મે 2006ના રોજ ચેન્નઈમાં થયો હતો. તેણે 7 વર્ષની ઉંમરે ચેસ રમવાનું શરૂ કર્યું. તેને શરૂઆતમાં ભાસ્કર નગૈયાએ કોચિંગ આપ્યું હતું. નગૈયા આંતરરાષ્ટ્રીય ચેસ ખેલાડી રહી ચુક્યા છે અને ચેન્નઈમાં હોમ ચેસ ટ્યુટર છે. આ પછી વિશ્વનાથન આનંદે ગુકેશને રમત વિશે માહિતી આપવાની સાથે કોચિંગ પણ આપ્યું. ગુકેશના પિતા ડોક્ટર છે અને માતા વ્યવસાયે માઇક્રોબાયોલોજીસ્ટ છે.