મહારાષ્ટ્રના ભંડારામાં ઓર્ડિનન્સ ફેક્ટરીમાં વિસ્ફોટ થયો હતો. આ અકસ્માતમાં 5 લોકોના મોત થયા છે. બ્લાસ્ટનું કારણ જાણી શકાયું નથી. મળતી માહિતી મુજબ વિસ્ફોટના કારણે છત પડી ગઈ હતી જેને જેસીબીની મદદથી દૂર કરવામાં આવી રહી છે. તેની નીચે 12 લોકો દટાયા હોવાની આશંકા છે. 2 લોકોને બહાર કાઢવામાં આવ્યા છે. એમ્બ્યુલન્સ અને ફાયર બ્રિગેડ ફેક્ટરીમાં પહોંચી ગઈ છે. બચાવ કાર્ય ચાલુ છે. ઓર્ડનન્સ ફેક્ટરીમાં થયેલા વિસ્ફોટનો અવાજ 4-5 કિલોમીટર દૂર સુધી સંભળાયો હતો. આકાશમાં ઉડતો ધુમાડો પણ ઘણા કિલોમીટર દૂરથી દેખાતો હતો. RDX બનાવનારી બ્રાન્ચમાં વિસ્ફોટ જવાહર નગર સ્થિત ઓર્ડનન્સ ફેક્ટરીના RKR બ્રાન્ચ વિભાગમાં આ વિસ્ફોટ થયો હતો. RDX અહીં બનાવવામાં આવે છે. તેમાં જ વિસ્ફોટ થયો હતો. મૃત્યુઆંક વધવાની આશંકા છે. જે ઇમારતમાં વિસ્ફોટ થયો હતો તે સંપૂર્ણપણે નાશ પામી છે. ઘટનાસ્થળની તસવીરો… બિલ્ડિંગની છત પડી, 12 લોકો દટાયા
સંરક્ષણ પીઆરઓ અનુસાર, ફેક્ટરીના એક ભાગની છત પડી ગઈ છે અને તેને જેસીબીની મદદથી દૂર કરવામાં આવી રહી છે. ત્યાં કુલ 12 લોકો દટાયા હતા. જેમાંથી 2 લોકોને બચાવી લેવાયા છે. કલેક્ટર ભંડારા સંજય કોલતેના જણાવ્યા અનુસાર, ઓર્ડનન્સ ફેક્ટરી જવાહર નગર ભંડારામાં વિસ્ફોટ બાદ ફાયર બ્રિગેડ અને એમ્બ્યુલન્સને ઘટનાસ્થળે મોકલવામાં આવી છે. બચાવ કાર્ય ચાલુ છે. અહીં ટેસ્ટિંગ ફેસિલિટીઝ અને અત્યાધુનિક લેબોરેટરી પણ
ભંડારાની આ ફેક્ટરીમાં સેના માટે અનેક પ્રકારની આવશ્યક ચીજવસ્તુઓ બનાવવામાં આવે છે. જેમાં એસિડથી લઇને અનેક પ્રકારના વિસ્ફોટકોનો સમાવેશ થાય છે. અહીં ટેસ્ટિંગ ફેસિલિટીઝ અને અત્યાધુનિક લેબોરેટરી પણ છે.
મહારાષ્ટ્રના ભંડારામાં ઓર્ડનન્સ ફેક્ટરીમાં વિસ્ફોટ, 5ના મોત:છત ધરાશાયી થવાથી 12 લોકો કાટમાળ નીચે દટાયા, 2ને બચાવી લેવાયા; બચાવ કામગીરી ચાલુ
