આયર્લેન્ડ અને સ્કોટલેન્ડના 28 શહેરોમાં ‘ઇઓવિન’ તોફાન તબાહી મચાવી રહ્યું છે. આ દરમિયાન ઘણી જગ્યાએ 190 કિમી પ્રતિ કલાકની ઝડપે પવન ફૂંકાઈ રહ્યો છે. હવામાન વિભાગે તોફાનને લઈને સૌથી ખતરનાક ‘રેડ એલર્ટ’ જારી કર્યું છે અને લોકોને પોતાના ઘરમાં રહેવાની અપીલ કરી છે. હવામાન વિભાગે 2011 પછી પહેલીવાર રેડ એલર્ટ જાહેર કર્યું છે. વાવાઝોડાને કારણે દેશભરમાં ટ્રેન અને ટ્રાફિક સેવા બંધ કરી દેવામાં આવી છે. આ સિવાય હવાઈ સેવાને પણ અસર થઈ છે. ખતરાને જોતા શાળા-કોલેજો પણ બંધ કરી દેવામાં આવી છે. બીબીસીના જણાવ્યા અનુસાર તોફાનથી આયર્લેન્ડ સૌથી વધુ પ્રભાવિત થયું છે. અહીંના 7.25 લાખ ઘરો અને દુકાનોમાં વીજળી નથી. જ્યારે, ઉત્તરી આયરલેન્ડમાં 2.80 લાખ, સ્કોટલેન્ડમાં 1 લાખ અને વેલ્સમાં 5 હજાર ઘરોમાં વીજળી નથી. 5 તસવીરોમાં સ્ટોર્મ ઈઓવિનથી થયેલું નુકસાન જુઓ… હવામાન વિભાગે જુદા જુદા વિસ્તારો માટે એલર્ટ જાહેર કર્યું છે- શનિવાર સુધીમાં તોફાન બંધ થઈ જશે
હવામાન વિભાગે કહ્યું છે કે ‘ઇઓવિન’ વાવાઝોડું ઉષ્ણકટિબંધીય ચક્રવાત છે. એટલાન્ટિક મહાસાગરમાં સર્જાયેલું આ ચક્રવાત સતત તીવ્ર બની રહ્યું છે. હવામાન વિભાગે કહ્યું કે આગામી થોડા કલાકોમાં ભારે પવન, ભારે વરસાદ અને હિમવર્ષા થવાની સંભાવના છે. હવામાન વિભાગે આગાહી કરી છે કે શનિવાર સુધીમાં તોફાન મુખ્ય ભૂમિથી દૂર ખસી જશે.
ઇઓવિન તોફાનથી સ્કોટલેન્ડ અને આયર્લેન્ડમાં તબાહી:190 કિમી પ્રતિ કલાકની ઝડપે ફૂંકાયો પવન, 10 લાખથી વધુ ઘરો અને દુકાનોમાં વીજળી નથી
