ICCએ શનિવારે વર્ષ 2024 માટે T20 ટીમ ઓફ ધ યરની જાહેરાત કરી છે. આ ટીમમાં 4 ભારતીય ખેલાડીઓને સ્થાન મળ્યું છે. રોહિત શર્માને કેપ્ટન બનાવવામાં આવ્યો છે. તેના સિવાય ઓલરાઉન્ડર હાર્દિક પંડ્યા અને ફાસ્ટ બોલર જસપ્રીત બુમરાહ અને અર્શદીપ સિંહ પણ ટીમમાં સામેલ છે. ભારત સિવાય અન્ય કોઈ દેશના એકથી વધુ ખેલાડીઓને તક મળી નથી. પાકિસ્તાનના બાબર આઝમ, ઓસ્ટ્રેલિયાના ટ્રેવિસ હેડ અને અફઘાનિસ્તાનના રાશિદ ખાન પણ ટીમમાં સામેલ છે. એક દિવસ પહેલા શુક્રવારે ICCએ ટેસ્ટ ટીમ ઓફ ધ યર અને ODI ટીમ ઓફ ધ યરની જાહેરાત કરી હતી. ભારત તરફથી ત્રણ ખેલાડીઓને ટેસ્ટમાં સ્થાન મળ્યું છે. ઈન્ટરનેશનલ ક્રિકેટ કાઉન્સિલ દર વર્ષે ખેલાડીઓના પ્રદર્શનના આધારે ત્રણેય ફોર્મેટ માટે ટીમ જાહેર કરે છે. રોહિતની આગેવાનીમાં ભારતે T20 વર્લ્ડ કપ જીત્યો
ભારતીય ટીમે 29 જૂને રોહિત શર્માની કેપ્ટન્સીમાં T20 વર્લ્ડ કપ 2024 જીત્યો હતો. ભારતીય ટીમે બ્રિજટાઉન મેદાન પર દક્ષિણ આફ્રિકાને 7 રનથી હરાવ્યું હતું. કોહલી પ્લેયર ઓફ ધ મેચ અને બુમરાહ પ્લેયર ઓફ ધ ટુર્નામેન્ટ રહ્યો હતો
ફાઈનલ મેચમાં 76 રનની ઈનિંગ રમનાર વિરાટ કોહલીને પ્લેયર ઓફ ધ મેચ જાહેર કરવામાં આવ્યો હતો. જ્યારે ટુર્નામેન્ટમાં 15 વિકેટ લેનાર જસપ્રીત બુમરાહને પ્લેયર ઓફ ધ ટુર્નામેન્ટ પસંદ કરવામાં આવ્યો હતો. ટેસ્ટ અને ODI ટીમ ઓફ ધ યર ગઈકાલ જાહેર થઈ
ICC T-20 ટીમ ઓફ ધ યરનો કેપ્ટન રોહિત:પંડ્યા, બુમરાહ અને અર્શદીપને પણ સ્થાન મળ્યું, પાકિસ્તાનથી માત્ર બાબરનું નામ
