દ્વારકાના દરિયા કિનારે સર્કિટ હાઉસના પ્રાંગણમાં આવેલા બગીચામાં ગંભીર અકસ્માત સર્જાયો છે. બાજુમાં ચાલી રહેલા લગ્ન સમારંભમાં ફોડવામાં આવેલા ફટાકડાની ચિનગારીથી બગીચામાં આગ લાગવાની ઘટના બની છે. સદનસીબે કોઇ જાનહાનિ થઇ નથી. આકાશમાં ધુમાડાના ગોટેગોટા
પ્રાપ્ત માહિતી અનુસાર, લગ્ન સમારંભમાં ફટાકડા ફોડવામાં આવી રહ્યા હતા, જેમાંથી એક ચિનગારી સર્કિટ હાઉસના બગીચામાં પડતાં આગ ભભૂકી ઊઠી હતી. આગની જ્વાળાઓ અને ધુમાડાના ગોટેગોટા આકાશમાં જોવા મળ્યા હતા. ઘટનાને પગલે સ્થાનિક તંત્ર એક્શનમાં આવ્યું હતું અને તાત્કાલિક દ્વારકા નગરપાલિકાના ફાયર વિભાગને જાણ કરવામાં આવી હતી. બગીચો સંપૂર્ણપણે બળીને ખાક
ફાયર બ્રિગેડની ટીમે ઘટનાસ્થળે પહોંચીને તાત્કાલિક કાર્યવાહી શરૂ કરી હતી. ફાયર ફાઈટર્સે પાણીનો મારો ચલાવીને મહામહેનતે આગ પર કાબૂ મેળવ્યો હતો. જો કે, આગ કાબૂમાં આવે તે પહેલાં બગીચો સંપૂર્ણપણે બળીને ખાક થઈ ગયો હતો. આ ઘટનામાં સૌથી મોટી રાહતની વાત એ રહી કે, બગીચામાં કોઈ વ્યક્તિની હાજરી ન હોવાથી કોઈ જાનહાની થઈ નથી. ફટાકડા ફોડવા અંગે સાવચેતી રાખવા સૂચના
આ ઘટના બાદ સ્થાનિક તંત્ર દ્વારા લગ્ન સમારંભમાં ફટાકડા ફોડવા અંગે વધુ સાવચેતી રાખવા અને સલામતીના પગલાં લેવા અંગે સૂચના આપવામાં આવી છે.
આકાશમાં ધુમાડાના ગોટેગોટા:લગ્ન સમારંભના ફટાકડાની ચિનગારીથી દ્વારકા સર્કિટ હાઉસના બગીચામાં આગ લાગી; સદનસીબે મોટી દુર્ઘટના ટળી
