ભારતીય ફાસ્ટ બોલર જસપ્રીત બુમરાહને ICC ટેસ્ટ પ્લેયર ઓફ ધ યરનો ખિતાબ મળ્યો છે. ICCએ સોમવારે આની જાહેરાત કરી હતી. 2023ના અંતમાં પીઠની ઈજા બાદ ટેસ્ટ ક્રિકેટમાં પરત ફરેલા બુમરાહે ઈન્ડિયા અને બહાર બંને પરિસ્થિતિઓમાં શાનદાર બોલિંગ કરી છે. બુમરાહની બોલિંગથી ભારતે ઈંગ્લેન્ડ અને બાંગ્લાદેશ સામે શ્રેણી જીતી હતી. તેણે તાજેતરમાં જ બોર્ડર-ગાવસ્કર ટ્રોફીમાં ઓસ્ટ્રેલિયા સામે 32 વિકેટ ઝડપી હતી. 2024માં બુમરાહે ટેસ્ટમાં કુલ 71 વિકેટ ઝડપી છે, આથી તેને ICC ટેસ્ટ પ્લેયર ઓફ ધ યરનો ખિતાબ મળ્યો છે 2024માં મંધાનાની 4 ODI સદી
ભારતીય મહિલા ટીમની વાઇસ કેપ્ટન સ્મૃતિ મંધાનાને મહિલા વનડે ક્રિકેટર ઓફ યરનો ખિતાબ મળ્યો છે. તેણે ગયા વર્ષે વનડેમાં 4 સદી ફટકારી હતી. મંધાનાએ ઓસ્ટ્રેલિયા સામે 29 બોલમાં 29 રન બનાવીને વર્ષની શરૂઆત કરી હતી. આ પછી તેણે આગામી વનડે માટે છ મહિના રાહ જોવી પડી. મંધાનાએ 2024માં ત્રણ અડધી સદી પણ ફટકારી છે. આ દરમિયાન તેનો સર્વશ્રેષ્ઠ સ્કોર 136 રન હતો. સ્મૃતિના 747 રન તેના દ્વારા એક કેલેન્ડર વર્ષમાં બનાવેલા સૌથી વધુ રન છે. ગયા વર્ષે તેણે 57.86ની એવરેજ અને 95.15ના સ્ટ્રાઈક રેટથી બેટિંગ કરી હતી. મંધાનાએ 2024માં 95 ફોર અને 6 સિક્સર ફટકારી છે. ટેસ્ટ ક્રિકેટર ઓફ ધ યરમાં રૂટ અને બ્રુકને પાછળ છોડી દીધા
ટેસ્ટ ક્રિકેટર ઓફ ધ યરની રેસમાં બુમરાહનો મુકાબલો ઈંગ્લેન્ડના જો રૂટ, હેરી બ્રુક અને શ્રીલંકાના કામિન્દુ મેન્ડિસ સામે હતો. બુમરાહે ખિતાબની રેસમાં બધાને પાછળ છોડી દીધા. 2024માં 71 વિકેટ લીધી હતી
જસપ્રીત બુમરાહે વર્ષ 2024માં 13 ટેસ્ટ મેચમાં 71 વિકેટ ઝડપી છે. તેના પછી બીજા સ્થાને રહેલા ઈંગ્લેન્ડનો ગુસ એટકિન્સન (11 મેચમાં 52 વિકેટ) તેનાથી ઘણો પાછળ છે. બુમરાહે ગયા વર્ષે 357 ઓવર ફેંકી હતી. આ સમયગાળા દરમિયાન તેણે 14.92ની શાનદાર એવરેજ જાળવી રાખી હતી. બુમરાહ એક કેલેન્ડર વર્ષમાં 70થી વધુ વિકેટ લેનારો ભારતનો ચોથો બોલર છે. તેના પહેલા રવિચંદ્રન અશ્વિન, અનિલ કુંબલે અને કપિલ દેવ આ સિદ્ધિ મેળવી ચૂક્યા છે. ટેસ્ટ ક્રિકેટના એક કેલેન્ડર વર્ષમાં અત્યાર સુધી 17 બોલરોએ 70થી વધુ વિકેટ લીધી છે. પરંતુ કોઈની એવરેજ બુમરાહની 14.92ની બરાબર નથી. સા.આફ્રિકા સામે બંને ઈનિંગમાં 8-8 વિકેટ લીધી
2024માં બુમરાહની મેમોરેબલ મોમેન્ટ ભારતે કેપટાઉનમાં દક્ષિણ આફ્રિકાને હરાવ્યું હતું. બુમરાહે બંને ઇનિંગ્સમાં 8-8 વિકેટ ઝડપીને પ્રોટીયાઝને 8 વિકેટથી હરાવ્યું હતું. આ પછી બુમરાહે ઘરઆંગણે ઈંગ્લેન્ડ સામેની પાંચ ટેસ્ટ મેચની શ્રેણીમાં 19 વિકેટ ઝડપી હતી. જેના કારણે ભારતે 4-1થી જીત મેળવી હતી. બુમરાહે ઓસ્ટ્રેલિયામાં બોર્ડર-ગાવસ્કર શ્રેણીમાં શાનદાર પ્રદર્શન કર્યું હતું. તેણે 5 ટેસ્ટ મેચમાં 32 વિકેટ લીધી હતી. બુમરાહને પ્લેયર ઓફ ધ સિરીઝ પસંદ કરવામાં આવ્યો હતો. સિરીઝ દરમિયાન જ, બુમરાહે 200 ટેસ્ટ વિકેટનો આંકડો પાર કર્યો અને આવું કરનાર તે 12મો ભારતીય બોલર બન્યો. ટેસ્ટ ઈતિહાસમાં સૌથી ઓછી એવરેજ (19.4)થી 200 વિકેટ લેનાર 31 વર્ષીય એકમાત્ર બોલર છે.
બુમરાહે ઈતિહાસ રચ્યો, ICC ટેસ્ટ પ્લેયર ઓફ યર બન્યો:ખિતાબ જીતનારો પહેલો ઈન્ડિયન ફાસ્ટ બોલર, મંધાના ત્રીજી વખત મહિલા વન-ડે પ્લેયર ઓફ યર
