શપથના 8મા દિવસે મોદીએ ટ્રમ્પ સાથે ફોન પર વાત કરી:તેમના ઐતિહાસિક બીજા કાર્યકાળ માટે અભિનંદન પાઠવ્યા; બંને દેશો વચ્ચેના સંબંધો પર ચર્ચા થઈ

ભારતના વડાપ્રધાન નરેન્દ્ર મોદીએ સોમવારે અમેરિકી રાષ્ટ્રપતિ ડોનાલ્ડ ટ્રમ્પ સાથે ફોન પર વાત કરી હતી. ટ્રમ્પ રાષ્ટ્રપતિ બન્યા બાદ બંને વચ્ચે આ પ્રથમ વાતચીત છે. આ દરમિયાન ભારત-અમેરિકા સંબંધો અંગે ચર્ચા થઈ હતી. મોદીએ સોશિયલ મીડિયા પર લખ્યું- મારા પ્રિય મિત્ર રાષ્ટ્રપતિ ડોનાલ્ડ ટ્રમ્પ સાથે વાત કરીને આનંદ થયો. તેમના ઐતિહાસિક બીજા કાર્યકાળ માટે તેમને અભિનંદન. અમે પરસ્પર ફાયદાકારક અને વિશ્વસનીય ભાગીદારી માટે પ્રતિબદ્ધ છીએ. અમે અમારા લોકોના કલ્યાણ અને વૈશ્વિક શાંતિ, સમૃદ્ધિ અને સુરક્ષા માટે સાથે મળીને કામ કરીશું. 6 નવેમ્બરે ચૂંટણી જીત્યા બાદ પણ મોદીએ ટ્રમ્પને ફોન કરીને રાષ્ટ્રપતિ તરીકે ફરીથી ચૂંટાવા બદલ અભિનંદન પાઠવ્યા હતા. આ વાતચીતમાં ટ્રમ્પે મોદીની લોકપ્રિયતાના વખાણ કર્યા અને આશા વ્યક્ત કરી કે તેઓ ભવિષ્યમાં સાથે મળીને કામ કરશે. બંનેએ 2019માં હાઉડી મોદી કાર્યક્રમમાં સાથે ભાગ લીધો હતો
સપ્ટેમ્બર 2019માં જ્યારે મોદી અમેરિકા ગયા ત્યારે ટેક્સાસમાં મોદી માટે ‘હાઉડી મોદી’ કાર્યક્રમનું આયોજન કરવામાં આવ્યું હતું. જેમાં ટ્રમ્પ અને મોદીએ 50 હજારથી વધુ ભારતીય-અમેરિકનોને સંબોધિત કર્યા હતા. આ દરમિયાન બંને નેતાઓએ એકબીજાના ખૂબ વખાણ કર્યા હતા. આ પછી ટ્રમ્પે ફેબ્રુઆરી 2020માં ભારતની મુલાકાત લીધી હતી. ગુજરાતના અમદાવાદમાં ટ્રમ્પ માટે ‘નમસ્તે ટ્રમ્પ’ કાર્યક્રમનું આયોજન કરવામાં આવ્યું હતું. ટ્રમ્પની જાહેરાત, H1-B વિઝા બંધ નહીં થાય અમેરિકી રાષ્ટ્રપતિએ 20 જાન્યુઆરીએ શપથ લીધા બાદ 100થી વધુ એક્ઝિક્યુટિવ ઓર્ડર જારી કર્યા હતા. ઇમિગ્રેશન અને H1-B વિઝામાં સુધારા જેવા નિર્ણયો પણ લેવાયા હતા, જો કે બીજા જ દિવસે ટ્રમ્પે ભારતના હિતમાં નિર્ણય લીધો અને H1-B વિઝા બંધ ન કરવાનું કહ્યું. તેમણે કહ્યું કે, અમેરિકાને પ્રતિભાની જરૂર છે. અમને માત્ર એન્જિનિયરોની જરૂર નથી, અમને અન્ય નોકરીઓ માટે પણ શ્રેષ્ઠ વ્યાવસાયિકોની જરૂર છે. H-1B નોન-ઇમિગ્રન્ટ વિઝા છે, જે હેઠળ અમેરિકન કંપનીઓને વિશિષ્ટ ટેક્નિકલ કૌશલ્ય ધરાવતા હોદ્દા માટે વિદેશી વ્યાવસાયિકોને નોકરી પર રાખવાની છૂટ છે. આ વિઝા દ્વારા દર વર્ષે ભારત અને ચીન જેવા દેશોમાંથી હજારો કામદારો અમેરિકામાં નિયુક્ત થાય છે. 18,000 ગેરકાયદેસર ઇમિગ્રન્ટ્સને ભારત મોકલવામાં આવશે
આ સાથે અમેરિકામાં ગેરકાયદેસર રીતે રહેતા ભારતીયોને પરત મોકલવાની તૈયારીઓ કરવામાં આવી છે. ભારતે સંકેત આપ્યો છે કે સરકાર તેના તમામ નાગરિકોને ઓળખવા અને પરત લાવવા માટે ડોનાલ્ડ ટ્રમ્પ વહીવટીતંત્ર સાથે મળીને કામ કરશે. ગયા મહિને અમેરિકામાં ગેરકાયદેસર ઇમિગ્રન્ટ્સ સાથે કામ કરતી સરકારી એજન્સી (ICE)એ લગભગ 15 લાખ લોકોની યાદી બનાવી હતી, જેઓ અમેરિકામાં ગેરકાયદેસર રીતે રહે છે. આ યાદીમાં 18 હજાર ભારતીયો સામેલ છે. અંતે ટ્રમ્પે ભારતીયોને રાહત આપી:કહ્યું: H-1B વિઝા બંધ નહીં થાય, અમેરિકાને ટેલેન્ટની જરૂર; આવતા મહિને મોદી-ટ્રમ્પની મુલાકાત શક્ય યુએસ પ્રમુખ ડોનાલ્ડ ટ્રમ્પે 22 જાન્યુઆરીએ H-1B વિઝા પર ભારતીયો માટે મોટી રાહતની જાહેરાત કરી હતી. NYT અનુસાર ટ્રમ્પે કહ્યું કે, આ વિઝા બંધ કરવામાં આવશે નહીં. અમેરિકાને પ્રતિભાની જરૂર છે. તેમણે કહ્યું કે અમને માત્ર એન્જિનિયરોની જરૂર નથી, અન્ય નોકરીઓ માટે પણ શ્રેષ્ઠ વ્યાવસાયિકોની જરૂર છે. તેઓ અમેરિકનોને તાલીમ પણ આપશે. સંપૂર્ણ સમાચાર અહીં વાંચો…