ક્રિતિ સેનને માથે પેટ્રોલ રેડ્યું, ધનુષે ગામ સળગાવ્યું:‘રાંઝણા’ની સ્ફોટક સિક્વલ ‘તેરે ઇશ્ક મેં’નો ફર્સ્ટ લુક વાઇરલ

2013માં રિલીઝ થયેલી ફિલ્મ ‘રાંઝણા’માં એપિક લવસ્ટોરી બતાવવામાં આવી હતી. આ ફિલ્મ દરેક પ્રેમીઓના દિલ સુધી પહોંચી હતી. આ ફિલ્મ બોક્સ ઓફિસ પર હિટ રહી હતી અને તેના ગીતો પણ શાનદાર હતા. આ ફિલ્મના મેકર્સ તેની સિકવલ ‘તેરે ઇશ્ક મેં’ લઈને આવી રહ્યા છે. જેમાં ધનુષ લીડ એક્ટરમાં અને લીડ એક્ટ્રસ ક્રિતિ સેનન જોવા મળશે. ‘તેરે ઇશ્ક મેં’નો ફર્સ્ટલુક સામે આવ્યો
ફિલ્મ ‘તેરે ઇશ્ક મેં’ના લીડ એક્ટર-એક્ટ્રેસનો ફર્સ્ટ લુક સામે આવ્યો છે. આ ફિલ્મમાં એક દર્દનાક પ્રેમકથા બતાવવામાં આવશે કારણ કે આ બંને વીડિયોમાં એક સરખો સીન બતાવવામાં આવ્યો છે. ‘તેરે ઇશ્ક મેં’ના બે વીડિયો રિલીઝ થયા
કલર યલો ​​પ્રોડક્શન્સે અગાઉ એક વીડિયો શેર કર્યો હતો જેમાં લખ્યું હતું કે, ‘કેટલીક પ્રેમકથાઓ જ્વાળાઓથી શરૂ થાય છે.’ “તેરે ઇશ્ક મેં” ફિલ્મમાં શંકર અને મુક્તિની અવિસ્મરણીય સ્ટોરી. આ ફિલ્મનું ડિરેક્શન આનંદ એલ રાય દ્વારા કરવામાં આવ્યું છે, તેનું સંગીત એ.આર. રહેમાન દ્વારા આપવામાં આવ્યું છે અને સ્ટોરી હિમાંશુ શર્મા અને નીરજ યાદવે લખી છે. પહેલાં વીડિયોમાં એક પ્રેમી (ધનુષ) હાથમાં દારૂની બોટલ, મોઢામાં સિગારેટ સાથે તેની પ્રેમિકાને કંઈક કહે છે અને પછી આખું ગામ સળગાવી દે છે. અંતે એક છોકરીનો અવાજ સંભળાય છે. આજે ફિલ્મની લીડ એક્ટ્રેસ ક્રિતિ સેનનનો એક વીડિયો રિલીઝ કરાયો છે. ધનુષ ક્રિતિ સેનન સાથે જોવા મળશે
28 જાન્યુઆરીના રોજ, એક વીડિયો શેર કરવામાં આવ્યો હતો જેમાં કેપ્શન હતું, ‘જ્યાં પ્રેમનો જુસ્સો હોય છે, ત્યાં સ્ટોરી અલગ હોય છે.’ મુક્તિ તરીકે ‘રાંઝણા’ની દુનિયામાં ક્રિતિ સેનનનું સ્વાગત છે. આ વીડિયોમાં, ક્રિતિ સેનન, હાથમાં પેટ્રોલ લઈને, પોતાના પર પેટ્રોલ રેડે છે અને પછી સિગારેટ પીવે છે. આમાં તે કહેતી જોવા મળે છે કે, ‘મને ખબર છે કે તું મને પ્રેમ કરે છે, પણ એ જરૂરી નથી કે હું પણ તારા પ્રેમમાં પડી જાઉં.’ ‘તું આખા શહેરને તારા આતંકમાં સપડાવે છે, એ જરૂરી નથી કે હું પણ પીડાતી રહું’, ‘તું મને ડરાવે સ્વાભાવિક છે, પણ એ જરૂરી નથી કે હું ડરી જાઉં’, ‘તું શિવાયલ પર માથા પછાળે, પણ મુક્તિ મળે જ જરૂરી તો નથી ને…’ આ ફિલ્મમાં ક્રિતિ સેનન મુક્તિની ભૂમિકામાં જોવા મળશે અને ધનુષ શંકરની ભૂમિકામાં જોવા મળશે. ફિલ્મના બંને વીડિયો અદ્ભુત છે અને ફરી એકવાર તેનું ડિરેક્શન આનંદ એલ રાય કરશે. આ ફિલ્મ કલર યલો ​​પ્રોડક્શન અને ટી-સિરીઝ કંપની હેઠળ બનાવવામાં આવી રહી છે. આ ફિલ્મમાં એ.આર. રહેમાનનું સંગીત હશે અને તે 25 નવેમ્બર 2025 ના રોજ હિન્દી અને તમિલ ભાષાઓમાં રિલીઝ થશે.