‘ક્રિશ’ના સેટ પર હૃતિક મરતાં-મરતાં બચ્યો હતો!:પિતા રાકેશ રોશને કહ્યું- આ ફિલ્મના દરેક શોટ પહેલાં, હું ભગવાનને પ્રાર્થના કરતો

રાકેશ રોશને જણાવ્યું છે કે હૃતિક રોશન ફિલ્મ ‘ક્રિશ’ના સેટ પર મરતાં-મરતાં બચ્યો હતો. હૃતિકે નક્કી કર્યું હતું કે આ ફિલ્મના તમામ સ્ટંટ તે પોતે જ કરશે. એક દિવસ તેને 50 ફૂટ ઊંચા ઘડિયાળના ટાવર પરથી જમ્પ મારવાનો હતો. ટાવર જેવું તેને જમ્પ કર્યું કે તેનો સેફ્ટી કેબલ તૂટી ગયો. જો કે, નસીબ સારું હતું કે તે જમીન પર નહીં પરંતુ છજા પર પડ્યો હતો. જેના કારણે તેને ગંભીર ઈજા થઈ ન હતી. આ અકસ્માતથી રાકેશ રોશન ખૂબ જ ડરી ગયા હતા અને તે દિવસે શૂટિંગ રોકવા માગતા હતા. ત્યારે હૃતિકે કહ્યું હતું કે જો શૂટિંગ નહીં થાય તો આ ડર હંમેશા તેની સાથે રહેશે. ‘હૃતિક ખૂબ ઊંચાઈ પરથી પડ્યો હતો’ કનેક્ટ સિને સાથેની તાજેતરની વાતચીતમાં રાકેશ રોશને કહ્યું, ‘ક્રિશ’ના શૂટિંગ દરમિયાન, હૃતિકના દરેક શોટ પહેલાં, હું પ્રાર્થના કરતો હતો કે બધું સારું થાય. જ્યારે તે એક જગ્યાએથી બીજી જગ્યાએ જમ્પ કરતો. તેણે આગળ કહ્યું, એક દિવસ તે ખૂબ ઊંચાઈ પર ચઢી રહ્યો હતો. હું કેમેરા લઈને રસ્તાની બીજી બાજુ બેઠો હતો. પછી મને લાગ્યું કે હૃતિક કમ્ફર્ટેબલ નથી અને તે કંઈક એડજસ્ટ કરવાનો પ્રયાસ કરી રહ્યો છે. એક્શન ડિરેક્ટરને કહેવા માટે હું ખુરશી પરથી ઊભો થયો ત્યાં સુધીમાં કેબલ તૂટી જવાને કારણે તે નીચે પડ્યો. તે ઝાડની પાછળ પડ્યો હોવાથી, આખરે શું થયું તે હું જોઈ શક્યો નહીં. પછી અમે બધા ત્યાં પહોંચ્યા. તે નસીબદાર હતો કે તે છજા પર પડ્યો હતો. આ ઘટના બાદ પણ હૃતિકે શૂટિંગ બંધ ન કર્યું
રાકેશે કહ્યું કે આ બધું ભગવાનનો આશીર્વાદ છે. ઘટના બાદ હૃતિકે કહ્યું હતું- પાપા, હું ઠીક છું. ચિંતા કરશો નહીં. તેના પર તેણે કહ્યું હતું- અમે આજે શૂટિંગ નહીં કરીએ. પરંતુ હૃતિકે કહ્યું કે શૂટિંગ આજે જ થવું જોઈએ, નહીં તો આ ડર મારી સાથે રહેશે.