પ્રથમ વખત સુરત ઇન્ટરનેશનલ એરપોર્ટ પર માસિક મુસાફરોની સંખ્યામાં વધારો થયો છે. નવા જાહેર કરવામાં આવેલા આંકડા મુજબ, આ વર્ષે ડિસેમ્બરમાં 1300થી વધુ એરક્રાફ્ટ મૂવમેન્ટ થયા હતા, જેના દ્વારા 1,57,356 પેસેન્જરોએ મુસાફરી કરી હતી. જે અત્યાર સુધીની સૌથી વધુ છે. અગાઉ મે 2019માં 1,510 એરક્રાફ્ટ મૂવમેન્ટ અને 1,54,667 મુસાફરો હતા. સુરતમાં ડિસેમ્બર 2024માં સૌથી વધુ મુસાફરો નોંધાયા
ડિસેમ્બર 2024માં સ્થાનિક મુસાફરોની સંખ્યા 1,43,517 અને આંતરરાષ્ટ્રીય મુસાફરોની સંખ્યા 13,839 હતી. આ રીતે કુલ 1,57,356 મુસાફરોએ મુસાફરી કરી હતી. જે અત્યાર સુધીની સૌથી વધુ છે. કોરોના સમયગાળા પહેલા, મે 2019માં 1,54,607 મુસાફરોની અવર-જવર હતી. એક જ મહિનામાં 1.57 લાખ મુસાફરોએ મુસાફરી કરી હોય તેવો આ પ્રથમ પ્રસંગ હતો. ત્યાર બાદ હવે ડિસેમ્બર 2024માં આ આંકડો 1.57 લાખને પાર કરી ગયો છે. હવે ફેબ્રુઆરી 2025માં મુસાફરોની અવરજવર ઓછી થવાની શક્યતા છે. ફેબ્રુઆરી 2025માં મુસાફરોની અવરજવર ઓછી થવાની શક્યતા
વર્ષ 2024ની શરૂઆતથી ડિસેમ્બર સુધી મુસાફરોની વૃદ્ધિ પ્રોત્સાહક હતી. જાન્યુઆરીથી ડિસેમ્બર સુધીમાં સુરત ઇન્ટરનેશનલ એરપોર્ટ પર કુલ 16,46,798 મુસાફરોએ પરિવહન કર્યું હતું. નાણાકીય વર્ષ 2024-25 (એપ્રિલ 2024થી માર્ચ 2025)માં એરપોર્ટ પર પેસેન્જર ટ્રાફિકમાં પણ વધારો થવાની ધારણા છે. આ વર્ષે એપ્રિલથી ડિસેમ્બર સુધીમાં કુલ 12,62,817 મુસાફરોએ મુસાફરી કરી હતી. ફેબ્રુઆરીમાં લગભગ 10થી 15000 જેટલો ઘટાડો થઈ શકે
ફેબ્રુઆરીમાં બેંગ્લોરમાં યોજાનારા એર શોને કારણે, ઇન્ડિગોની સવારની ફ્લાઇટ રદ થવાની સંભાવના છે. તેની સાથે સ્ટાર એરની હૈદરાબાદ ફ્લાઇટ પણ રદ થવાની સંભાવના છે અને મહાકુંભનો અંતિમ તબક્કો અહીં યોજાવાનો હોવાથી પ્રયાગરાજમાં ઘણી ફ્લાઇટ્સ રદ થવાની સંભાવના છે. જો ફ્લાઇટને પ્રયાગરાજ તરફ વાળવામાં આવે તો ફ્લાઇટ્સ રદ થશે અને આ સંજોગોમાં, ફેબ્રુઆરીના 28 દિવસમાં 2/3 દિવસ ઓછી અવર-જવર રહેશે. ફેબ્રુઆરીમાં લગભગ 10થી 15000 જેટલો ઘટાડો થઈ શકે છે.
હવાઈ મુસાફરોમાં વધારો:પહેલીવાર સુરત એરપોર્ટ પરથી એક મહિનામાં 1.57 લાખ જેટલા પેસેન્જરોએ મુસાફરી કરી, 1300થી વધુ એરક્રાફ્ટ મૂવમેન્ટ થઈ
