હાલ શાહિદ કપૂર તેની આગામી ફિલ્મ ‘દેવા’ના પ્રમોશનમાં વ્યસ્ત જોવા મળી રહ્યો છે. આ દરમિયાન, તે તેના એક નિવેદનને કારણે ચર્ચામાં આવી ગયો છે, જેમાં તેણે કહ્યું હતું કે કેટલાક સ્ટાર્સ તેમના એટિટ્યુડ સાથે ઇવેન્ટ્સમાં આવે છે અને અન્ય લોકોને એવું લાગે છે કે તેમની હાજરી ખૂબ જ મહત્વપૂર્ણ છે. આ પછી લોકોએ આ નિવેદનને સલમાન ખાન સાથે જોડી દીધું. જો કે હવે શાહિદે પોતે આ મામલે પોતાનો ખુલાસો કર્યો છે. હિન્દુસ્તાન ટાઈમ્સ સાથે વાત કરતી વખતે, જ્યારે શાહિદને પૂછવામાં આવ્યું કે શું તેનું નિવેદન સલમાન માટે છે, તો એક્ટરે તરત જ ‘ના’ કહ્યું. શાહિદે કહ્યું, એક-બે લોકોએ મને મેસેજ કરીને આ વિશે પૂછ્યું હતું. સાચું કહું તો એ વખતે આવી વાતો થતી હતી એટલે મેં કંઈપણ વિચાર્યા વગર જ જવાબ આપ્યો. પરંતુ જો હું કોમેન્ટ કરવા માંગુ, તો તે ક્યારેય આટલા વરિષ્ઠ, આટલા પ્રસ્થાપિત અને જેનો હું ખૂબ આદર કરું છું તેના પર નહીં હોય. જાણો સમગ્ર મામલો
શાહિદ કપૂરે તાજેતરમાં રાજ શમનને આપેલા તેના એક ઈન્ટરવ્યૂમાં બોલિવૂડ સ્ટાર્સ વિશે વાત કરી હતી. કોઈનું નામ લીધા વિના તેણે કહ્યું હતું કે કેટલાક કલાકારો આવે છે અને તેમના ચહેરા પરથી દેખાઈ આવે છે કે તેઓ આવી રહ્યા છે. ફિલ્મ ‘દેવા’ 31 જાન્યુઆરીએ રિલીઝ થશે
ફિલ્મ દેવા એક એક્શન થ્રિલર ફિલ્મ છે, જેનું નિર્દેશન રોશન એન્ડ્ર્યુએ કર્યું છે. ફિલ્મમાં પૂજા હેગડે, શાહિદ કપૂર, કુબબ્રા સૈત, પાવેલ ગુલાટી મહત્વની ભૂમિકામાં છે. આ ફિલ્મ શરૂઆતમાં 11 ઑક્ટોબર 2024ના રોજ રિલીઝ થવાની હતી, જો કે તે પાછળથી મુલતવી રાખવામાં આવી હતી અને 14 ફેબ્રુઆરી 2025ના રોજ નિર્ધારિત કરવામાં આવી હતી. હવે તેને 31મી જાન્યુઆરીએ રજૂ કરવામાં આવી રહી છે. ફિલ્મના સ્ટ્રીમિંગ રાઇટ્સ નેટફ્લિક્સ પાસે છે.
‘કેટલાક સ્ટાર્સ તેમના એટિટ્યુડ સાથે ઇવેન્ટ્સમાં આવે છે’:શું શાહિદ કપૂરનો ઈશારો સલમાન ખાન તરફ હતો? એક્ટરે કરી સ્પષ્ટતા
