ઇન્ટરનેશનલ માસ્ટર્સ લીગ (IML)ની પ્રથમ સિઝન 22 ફેબ્રુઆરીથી શરૂ થશે. પ્રથમ મેચ સચિન તેંડુલકરની કપ્તાનીવાળી ભારતીય ટીમ અને કુમાર સંગાકારાના નેતૃત્વમાં શ્રીલંકાની ટીમ વચ્ચે થશે. આ સિઝનમાં 6 ટીમ ભાગ લઈ રહી છે, જેમાં ભારત, ઓસ્ટ્રેલિયા, ઇંગ્લેન્ડ, સાઉથ આફ્રિકા, શ્રીલંકા અને વેસ્ટ ઈન્ડિઝનો સમાવેશ થાય છે. આ તમામ ટીમની મેચ નવી મુંબઈ, રાજકોટ અને રાયપુરમાં રમાશે. મેચનું જીવંત પ્રસારણ Jio Starના Disney Plus Hotstar, Colors Cineplex (SD અને HD) અને Colors Cineplex Superhits પર કરવામાં આવશે. તમામ મેચ સાંજે 7.30 વાગ્યાથી શરૂ થશે. IML ક્રિકેટ માટે નવી ઉજવણી: તેંડુલકર
ટુર્નામેન્ટમાં ભારતની કેપ્ટનશુપ કરી રહેલા સચિન તેંડુલકરે કહ્યું કે આંતરરાષ્ટ્રીય માસ્ટર્સ લીગ ક્રિકેટના મહાન ખેલાડીઓ માટે નવા તહેવાર તરીકે ઉજવવામાં આવશે. હું લીગમાં મારા સાથી ખેલાડીઓ સાથે રમવા માટે રાહ જોઈ શકતો નથી. હું જાણું છું કે દિગ્ગજોથી ભરેલી આ ટીમ સખત મહેનત કરશે. લીગમાં જૂની રાઇવલરી જોવા મળશેઃ સંગાકારા
શ્રીલંકન ટીમના કેપ્ટન કુમાર સંગાકારાએ કહ્યું કે, IML જૂના ક્રિકેટરો માટે ફરી એકવાર પોતાની રમત બતાવવાની સારી તક છે. લીગમાં જુદી જુદી ટીમની જૂની હરીફાઈ જોવા મળશે. ઘણા મહાન ખેલાડીઓ સાથે આ ઐતિહાસિક લીગનો ભાગ બનવું ખૂબ જ સારું લાગે છે. Disney+Hotstar જીવંત પ્રસારણ કરશે
ડિઝની ગ્રૂપના ડાયરેક્ટર જહાન મહેતાએ જણાવ્યું હતું કે, ઇન્ટરનેશનલ માસ્ટર્સ લીગમાં જિયો સ્ટાર સાથે ભાગીદારી કરવા બદલ અમે સન્માનિત છીએ. અમને કોઈ શંકા નથી કે Jio Star, તેના ગેમ ટેલિકાસ્ટ અનુભવ સાથે, વિશ્વભરના દર્શકો માટે લીગને યાદગાર બનાવશે. IMLના લાઈવ ટેલિકાસ્ટ પર બોલતા, જિયો સ્ટારના હેડ રોહન લવસેએ જણાવ્યું હતું કે, ‘અમને અમારી લીનિયર ચેનલ્સ કલર્સ સિનેપ્લેક્સ અને કલર્સ સિનેપ્લેક્સ સુપરહિટ્સ તેમજ ડિઝની+હોટસ્ટાર પર ઈન્ટરનેશનલ માસ્ટર્સ લીગની પ્રથમ સિઝન ટેલિકાસ્ટ કરવામાં આનંદ થાય છે. IML માત્ર એક ક્રિકેટ ટુર્નામેન્ટ નથી. ચાહકો આવનારા અઠવાડિયામાં રોમાંચક મેચો, નિષ્ણાતો સાથે કોમેન્ટ્રી અને ઘણી જૂની યાદો જોઈ શકશે.’
22 ફેબ્રુઆરીથી ઇન્ટરનેશનલ માસ્ટર્સ લીગની પ્રથમ સિઝન:સચિન અને સંગાકારાની ટીમ વચ્ચે પહેલી મેચ; Disney+Hotstar મેચને સ્ટ્રીમ કરશે
