ગાલે ટેસ્ટમાં શ્રીલંકા સામે ખ્વાજાની ડબલ સેન્ચુરી:સ્મિથ-ઇંગ્લિસે સદી ફટકારી, ઓસ્ટ્રેલિયન ઇનિંગ્સ 654/6 પર ડિકલેર; શ્રીલંકા 44/3

ઓસ્ટ્રેલિયાના બેટર ઉસ્માન ખ્વાજાએ શ્રીલંકા સામેની ગાલે ટેસ્ટમાં બેવડી સદી ફટકારી હતી. તેણે પ્રથમ ટેસ્ટના બીજા દિવસે ગુરુવારે 352 બોલમાં 232 રનની ઇનિંગ રમી હતી. ખ્વાજા સિવાય સ્ટીવ સ્મિથે 141 રનની સદી અને જોશ ઇંગ્લિસ 102 રનની સદી ફટકારી હતી. ઓસ્ટ્રેલિયાએ ખ્વાજા, સ્મિથ અને ઇંગ્લિસની ઈનિંગ્સના આધારે પ્રથમ દાવ 654/6ના સ્કોર પર ડિકલેર કર્યો હતો. દિવસની રમતના અંતે શ્રીલંકાએ 3 વિકેટે 44 રન બનાવી લીધા હતા. ઓસ્ટ્રેલિયાએ સવારે 330/2ના સ્કોર સાથે રમવાની શરૂઆત કરી હતી. ટીમ વતી ટ્રેવિસ હેડે 52 રન અને એલેક્સ કેરીએ 46 અણનમ રનનું યોગદાન આપ્યું હતું. શ્રીલંકા તરફથી જેફ્રી વાન્ડરસેને બે અને પ્રબથ જયસૂર્યાને એક વિકેટ મળી હતી. હેડ-ખ્વાજા વચ્ચે 92 રનની ઓપનિંગ ભાગીદારી
ઓસ્ટ્રેલિયાએ ટોસ જીતીને બેટિંગ કરવાનો નિર્ણય લીધો હતો. ટીમે પ્રથમ દિવસે પ્રથમ દાવમાં 330/2 રન બનાવ્યા હતા. બંનેએ 92 રનની ભાગીદારી કરી હતી. આ ભાગીદારી પ્રબથ જયસૂર્યાએ તોડી હતી. તેણે ટ્રેવિસ હેડને ચંદીમલના હાથે કેચ કરાવ્યો. જે બાદ બેટિંગ કરવા આવેલા માર્નસ લાબુશેન 20 રન બનાવીને આઉટ થયો હતો. તે ડી સિલ્વાના હાથે જ્યોફ્રી વેન્ડરસેના હાથે કેચ થયો હતો. 10 હજાર રન બનાવનાર ચોથો ઓસ્ટ્રેલિયન
સ્મિથે મેચના પહેલા દિવસે 1 રન બનાવીને 10 હજાર રનનો આંકડો હાંસલ કર્યો હતો. સ્મિથે 205 ઇનિંગ્સમાં આ આંકડો હાંસલ કર્યો હતો. સ્મિથ ટેસ્ટ ક્રિકેટમાં 10,000 રન બનાવનાર વિશ્વનો 15મો બેટર બન્યો. આવું કરનાર તે ઓસ્ટ્રેલિયાનો ચોથો બેટર બની ગયો છે. તેના પહેલા પૂર્વ કેપ્ટન રિકી પોન્ટિંગ (13378 રન), એલન બોર્ડર (11174 રન) અને સ્ટીવ વો (10927 રન) આ સિદ્ધિ મેળવી ચૂક્યા છે.