શાહરુખ ખાનનો પુત્ર આર્યન ખાન બોલિવૂડમાં ડિરેક્ટર તરીકે ડેબ્યૂ કરવા જઈ રહ્યો છે. આર્યનની વેબ સિરીઝ ‘સ્ટારડમ’ના શૂટિંગ સેટ પરથી એક વીડિયો સામે આવ્યો છે. વીડિયોમાં આર્યન ક્રૂને સીન સમજાવતો જોવા મળી રહ્યો છે. આ સિરીઝ વર્ષના અંતમાં રિલીઝ થશે
શાહરુખ ખાન ફેન ક્લબે આર્યનનો આ વીડિયો સોશિયલ મીડિયા પ્લેટફોર્મ X પર શેર કર્યો છે. વીડિયોના કેપ્શનમાં લખવામાં આવ્યું છે કે – વેબ સિરીઝ આ વર્ષના અંતમાં નેટફ્લિક્સ પર સ્ટ્રીમ થશે. વીડિયોમાં આર્યન ખાન તેની પોતાની ફેશન બ્રાન્ડ D, YavoIXની ટી-શર્ટ અને બેજ ટ્રાઉઝર પહેરેલો જોવા મળે છે. ફેન્સનું વીડિયો પર રિએક્શન
ફેન્સ પણ આ વીડિયો પર રિએક્શન આપતા જોવા મળી રહ્યા છે. આર્યનના વીડિયો પર એક વ્યક્તિએ કહ્યું – શુભકામનાઓ. બીજા એક વ્યક્તિએ લખ્યું – તે ભવિષ્યમાં એક મોટો ડિરેક્ટર બનશે. આ ઉપરાંત, ફેન્સ આર્યનને આ સિરીઝ માટે શુભકામનાઓ આપતા પણ જોવા મળે છે. નેટફ્લિક્સે જાહેરાત કરી હતી
નેટફ્લિક્સે તેની લોસ એન્જલસ ઇવેન્ટમાં આ સિરીઝ અને રેડ ચિલીઝ એન્ટરટેઇનમેન્ટ સાથે ભાગીદારીની જાહેરાત કરી હતી. આ ઈવેન્ટમાં નેટફ્લિક્સની ચીફ કન્ટેન્ટ ઓફિસર બેલા બાજરિયાએ સિરીઝ વિશે માહિતી આપી હતી. તેણે કહ્યું કે આ સિરીઝ ફિલ્મ ઈન્ડસ્ટ્રી પર સેટ છે અને આ સિરીઝમાં આપણે એક બહારના વ્યક્તિનો સંઘર્ષ પણ જોઈશું, જે બોલિવૂડની ગ્લેમરસ અને મુશ્કેલ દુનિયામાં પોતાની ઓળખ બનાવવાનો પ્રયાસ કરે છે. વેબ સિરીઝની જાહેરાત નવેમ્બર 2024માં કરવામાં આવી હતી. શાહરુખ ખાને આ માહિતી પોસ્ટ કરી હતી
પોસ્ટ શેર કરતી વખતે શાહરુખ ખાને લખ્યું હતું – આ એક ખાસ દિવસ છે કારણ કે અમે દર્શકો સામે એક નવી સ્ટોરી લાવી રહ્યા છીએ. તેણે કહ્યું કે આ રેડ ચિલીઝ માટે ખૂબ જ ખાસ દિવસ છે કારણ કે આર્યન તેની નવી સફર શરૂ કરવાનો છે. તેની નવી વેબ સિરીઝ ટૂંક સમયમાં નેટફ્લિક્સ પર આવશે. શાહરુખે આર્યનને આગળ વધવાની શુભેચ્છા પાઠવી. 6 એપિસોડ સિરીઝ, મોટા કલાકારો શામેલ છે
આ સિરીઝ છ એપિસોડની હશે. જેમાં સલમાન ખાન, શાહરુખ ખાન, રણબીર કપૂર અને બોબી દેઓલનો કેમિયો જોવા મળશે. આર્યનએ ગયા વર્ષે મે મહિનામાં તેની સિરીઝનું શૂટિંગ પૂર્ણ કર્યું હતું અને હવે તે આ વર્ષે નેટફ્લિક્સ પર રિલીઝ થવા જઈ રહી છે.
‘ફ્યુચરનો મોટો ડિરેક્ટર…’:’સ્ટારડમ’ના સેટ પરથી આર્યન ખાનનો વીડિયો લીક, ક્રૂને સીન સમજાવતો જોવા મળ્યો; લોકોએ કર્યા વખાણ
