તેલુગુ, તમિલ અને હિન્દી ફિલ્મોમાં કામ કર્યા બાદ શ્રુતિ હાસન હવે હોલિવૂડમાં ડેબ્યૂ કરવા જઈ રહી છે. એક્ટ્રેસ ટૂંક સમયમાં આંતરરાષ્ટ્રીય ફિલ્મ ‘ધ આઈ’માં જોવા મળશે. હાલમાં જ શ્રુતિએ તેનો 39મો જન્મદિવસ ઉજવ્યો હતો. તેના જન્મદિવસના ખાસ અવસર પર ફિલ્મમેકર્સે ફર્સ્ટ લુક જાહેર કર્યો છે. ‘ધ આઈ’ ફિલ્મનો શ્રુતિનો ફર્સ્ટ લુક રિલીઝ
એક્ટ્રેસનો ફર્સ્ટ લુક શેર કરતા, ફિલ્મના ડિરેક્ટર ડેફને શ્મોને ઇન્સ્ટાગ્રામ હેન્ડલ પર લખ્યું – ‘હેપ્પી બર્થડે, અદભૂત અને બહાદુર શ્રુતિ હાસન, અમારી ડાયના. લંડન, ગ્રીસ, અમેરિકા અને ભારતમાં દરેક વ્યક્તિ તમને પ્રેમ કરે છે અને હંમેશા આ ખાસ દિવસે તમને ઉજવવા માગે છે. પોસ્ટ પર કોમેન્ટ કરતાં શ્રુતિ હાસને ડિરેક્ટરનો આભાર માન્યો હતો. આ ફિલ્મમાં હોલિવૂડ એક્ટર માર્ક રાઉલી પણ છે
શ્રુતિ હાસન ફિલ્મ ધ આઈમાં ડાયનાના રોલમાં જોવા મળશે. ફર્સ્ટ લુક પોસ્ટરમાં એક્ટ્રેસ વાદળી રંગના હાઈ-નેક સ્વેટરમાં ગંભીર પોઝ આપતી જોવા મળે છે. આ સાયકોલોજિકલ થ્રિલરમાં શ્રુતિની સાથે હોલિવૂડ એક્ટર માર્ક રાઉલી, હોલિવૂડ એક્ટ્રેસ લિન્ડા માર્લો અને પેરુ કેવેલેરી પણ મુખ્ય ભૂમિકામાં છે. શ્રુતિ એક યુવા વિધવાના રોલમાં જોવા મળશે
ફિલ્મની વાર્તા એક યુવા વિધવા પર આધારિત છે. જે તેના પતિની અસ્થીઓનું વિસર્જન કરવા તે જ ટાપુ પર પાછી આવે છે જ્યાં તેના પતિનુ મૃત્યુ થયું હતું. ફિલ્મ ‘ધ આઈ’ને પ્રશંસા મળી
આ ફિલ્મ 12 ઓક્ટોબર 2023ના રોજ લંડન ઈન્ડિપેન્ડન્ટ ફિલ્મ ફેસ્ટિવલ અને ગ્રીક ઈન્ટરનેશનલ ફિલ્મ ફેસ્ટિવલમાં દર્શાવવામાં આવી હતી. ફિલ્મને ઘણી પ્રશંસા મળી છે. ફિલ્મ ‘ધ આઈ’ સિવાય શ્રુતિ હાસન તેની આગામી ફિલ્મ કુલીમાં જોવા મળશે. આ ફિલ્મનું નિર્દેશન લોકેશ કનાગરાજે કર્યું છે. કુલી ફિલ્મમાં સુપરસ્ટાર રજનીકાંત, નાગાર્જુન, સૌબિન શાહીર, ઉપેન્દ્ર, સત્યરાજ, રેબા મોનિકા જોન અને જુનિયર એમજીઆર પણ મુખ્ય ભૂમિકામાં જોવા મળશે.
શ્રુતિ હાસનનું હોલિવૂડમાં ડેબ્યૂ:યંગ વિડોની ભૂમિકામાં દેખાશે, એક્ટર માર્ક રાઉલી સાથે સ્ક્રિન શેર કરશે
