સ્વાતિ માલીવાલે કેજરીવાલના ઘરની બહાર કચરો ફેંક્યો:પોલીસે અટકાયત કરી; તેણીએ કહ્યું- કેજરીવાલ સુધરી જાઓ, નહીં તો જનતા સુધારી દેશે

AAPની રાજ્યસભા સાંસદ સ્વાતિ માલીવાલને ગુરુવારે દિલ્હી પોલીસે કસ્ટડીમાં લીધી હતી. દિલ્હીમાં સ્વચ્છતા મુદ્દે માલીવાલ પૂર્વ મુખ્યમંત્રી અરવિંદ કેજરીવાલના ઘરે કચરો ફેંકવા ગઈ હતી. આ પહેલા માલીવાલ લોડીંગ ટોમ્પો લઈને વિકાસપુરી પહોંચી હતી. અહીં તે લોકો સાથે રસ્તા પરથી કચરો ઉપાડીને ટેમ્પોમાં ભરીને કેજરીવાલના ઘરે ગઈ. અહીં તેણે બધો કચરો રસ્તા પર ફેંકી દીધો. આ દરમિયાન દિલ્હી પોલીસ તેને વારંવાર ચેતવણી આપતી રહી કે રસ્તા પર કચરો ન ફેંકો, નહીં તો કાર્યવાહી કરવામાં આવશે. જો કે, માલીવાલ ન માની, ત્યાર બાદ પોલીસે તેને કસ્ટડીમાં લઈ લીધી. માલીવાલે કહ્યું- આખું શહેર કચરાપેટીમાં ફેરવાઈ ગયું છે. હું કેજરીવાલ સાથે વાત કરવા આવી છું. હું તેમને કહીશ કે પોતે સુધરી જાય, નહીં તો જનતા તેમને સુધારી દેશે. હું ન તો તેમના ગુંડાઓથી ડરું છું અને ન તો તેમની પોલીસથી. માલીવાલે સવારે વિરોધ પ્રદર્શન પહેલા કહ્યું હતું- હું કચરો ભરેલી 3 ટેમ્પો લઈને કેજરીવાલજીના ઘરે પહોંચવાની છું. કેજરીવાલ જી, ડરશો નહીં.. જનતા સમક્ષ આવો અને જુઓ કે દિલ્હીની શું હાલત થઈ ગઈ છે. સ્વાતિ માલીવાલના પ્રદર્શનની 5 તસવીરો… 2 નવેમ્બર: કેજરીવાલના ઘરની બહાર કાળું પાણી છાંટવામાં આવ્યું. સ્વાતિ માલીવાલ 2 નવેમ્બરે બોટલમાં કાળું પાણી લઈને કેજરીવાલના ઘરે પહોંચી હતી. તેણીએ ઘરની બહાર પાણી છાંટ્યું અને બોટલ ગેટ પાસે રાખી. માલીવાલે કહ્યું- આ એ જ કાળું પાણી છે જે દિલ્હીના લોકો પી રહ્યા છે. અરવિંદ કેજરીવાલને કોઈ શરમ નથી. તેમણે પૂછ્યું- શું દિલ્હીમાં રહેતા લોકો આ દૂષિત પાણી પીશે? આ દિલ્હી સરકારના નળમાંથી કોકા-કોલાની સ્કીમ છે. મેં મુખ્યમંત્રીને ચેતવણી આપી છે કે આ માત્ર એક નમૂનો હતો. જો તેઓ 15 દિવસમાં આખી દિલ્હીનો પાણી પુરવઠો ઠીક નહીં કરે તો હું પાણીથી ભરેલું ટેન્કર લાવીશ. કેજરીવાલના પીએ બિભવ પર મારપીટનો આરોપ
સ્વાતિ માલીવાલનો આમ આદમી પાર્ટી સાથેનો વિવાદ ગયા વર્ષે મે મહિનામાં સામે આવ્યો હતો. હકીકતમાં 13 મેના રોજ સ્વાતિ માલીવાલ કેજરીવાલને મળવા આવી હતી, જે તે સમયે સીએમ હતા. સીએમ આવાસ પર પીએ બિભવ કુમાર સાથે તેની દલીલ થઈ હતી. બહાર આવીને તેણે આરોપ લગાવ્યો કે બિભવે તેની પર હુમલો કર્યો. તપાસ બાદ 18 મેના રોજ બિભવની ધરપકડ કરવામાં આવી હતી. કેજરીવાલના પૂર્વ પીએ બિભવ કુમારને 100 દિવસ જેલમાં રહ્યા બાદ 3 સપ્ટેમ્બરે જામીન મળ્યા હતા. કોર્ટે કહ્યું હતું કે, માલીવાલને થયેલી ઈજા સામાન્ય છે. આ કેસમાં જામીન આપવા જોઈએ. આવા કેસમાં તમે વ્યક્તિને જેલમાં ન રાખી શકો. સ્વાતિ માલીવાલ હુમલો કેસ, 3 મુદ્દામાં સમજો…