ચેમ્પિયન્સ ટ્રોફીનો ઉદ્ઘાટન સમારોહ 16 ફેબ્રુઆરીએ લાહોરમાં યોજાશે. મહારાજા રણજીત સિંહ દ્વારા બનાવવામાં આવેલા હઝુરી બાગ કિલ્લામાં તેનું આયોજન કરવામાં આવશે. આટલું જ નહીં, ફોટોશૂટ પછી તમામ ટીમના કેપ્ટનની પ્રેસ કોન્ફરન્સ પણ થશે. જોકે, ભારતીય કેપ્ટન રોહિત શર્મા આમાં સામેલ છે કે નહીં તે અંગેની સ્થિતિ સ્પષ્ટ નથી. પીટીઆઈના જણાવ્યા અનુસાર, પાકિસ્તાન ક્રિકેટ બોર્ડ (PCB) અને ઈન્ટરનેશનલ ક્રિકેટ કાઉન્સિલ સંયુક્ત રીતે ટૂંક સમયમાં ઉદ્ઘાટન સમારોહની જાહેરાત કરશે. તેઓ રોહિત પાકિસ્તાન જાય કે નહીં તે અંગે પણ સ્થિતિ સ્પષ્ટ કરશે. સેરેમની માટે સેલિબ્રિટી, ક્રિકેટ દિગ્ગજ અને પાકિસ્તાન સરકારના અધિકારીઓને બોલાવવામાં આવી રહ્યા છે. હઝુરી બાગ પાકિસ્તાનના લાહોરમાં આવેલો બગીચો છે. તે મહારાજા રણજીત સિંહના શાસન દરમિયાન બાંધવામાં આવ્યું હતું. તેના કેન્દ્રમાં હઝુરી બાગ બરાદરી છે, જે મહારાજાએ 1813માં શુજા શાહ દુરાની પાસેથી કોહિનૂર હીરા મેળવ્યા બાદ 1818માં બંધાવ્યું હતું. પાકિસ્તાની વડાપ્રધાન 7 ફેબ્રુઆરીએ ગદ્દાફી સ્ટેડિયમ ફરી ઓપન કરશે
પાકિસ્તાનના વડા પ્રધાન શાહબાઝ શફિર 7 ફેબ્રુઆરીએ ગદ્દાફી સ્ટેડિયમ ફરીથી ખોલશે. અહીં 11 ફેબ્રુઆરીએ રાષ્ટ્રપતિ આસિફ અલી ઝરદારી પીસીબી નેશનલ સ્ટેડિયમ કરાચીનું ઉદ્ઘાટન કરશે. ચેમ્પિયન્સ ટ્રોફીની પ્રથમ મેચ અહીં 19 ફેબ્રુઆરીએ પાકિસ્તાન અને ન્યૂઝીલેન્ડ વચ્ચે રમાશે. હાલમાં બંને સ્ટેડિયમમાં નવીનીકરણનું કામ ચાલી રહ્યું છે. ભારત ચેમ્પિયન્સ ટ્રોફીની મેચ દુબઈમાં રમશે
ભારતીય ટીમ ચેમ્પિયન્સ ટ્રોફીમાં તેની તમામ મેચ દુબઈ ઈન્ટરનેશનલ સ્ટેડિયમમાં રમશે. BCCIએ ટીમ ઈન્ડિયાને પાકિસ્તાન મોકલવાનો ઈન્કાર કરી દીધો હતો. આવી સ્થિતિમાં ભારતની તમામ મેચ દુબઈમાં યોજવાનો નિર્ણય લેવામાં આવ્યો છે. પાકિસ્તાન ડિફેન્ડિંગ ચેમ્પિયન તરીકે પ્રવેશ કરશે, 2017માં જીત્યું હતું
આ વખતે પાકિસ્તાનની ટીમ ડિફેન્ડિંગ ચેમ્પિયન તરીકે પ્રવેશ કરી રહી છે. પાકિસ્તાનની ટીમે સરફરાઝ અહેમદની કેપ્ટન્સીમાં 2017માં છેલ્લું ટાઇટલ જીત્યું હતું. પાકિસ્તાનની ટીમે ફાઇનલમાં ભારતને 180 રનથી હરાવ્યું હતું.
16 ફેબ્રુઆરીએ લાહોરમાં ચેમ્પિયન્સ ટ્રોફીનો ઉદ્ઘાટન સમારોહ:સેરેમની મહારાજા રણજીત સિંહે બાંધેલા કિલ્લામાં યોજાશે; રોહિતનું જવાનું નક્કી નથી
