કાલે શેરબજાર પર સૌની નજર:માર્કેટ પર શોર્ટ, મીડિયમ અને લોન્ગ ટર્મમાં શું અસર થશે? કયાં સેક્ટરમાં રોકાણ ફાયદો કરાવશે?

આગામી કેન્દ્રીય બજેટમાં 2024-25 રૂપિયાનો ખર્ચ અને વ્યાપક આર્થિક સ્થિરતા પર ફોકસ કરવામાં આવશે એવી અપેક્ષા છે. આના આધારે સ્ટોક માર્કેટમાં ઉતાર-ચઢાવ આવશે, જે બજારનાં વલણોને પ્રભાવિત કરશે. એમકે ગ્લોબલનું એનાલિસિસ છે કે શોર્ટ ટર્મમાં તેજી રહેશે, જેમાં ફાર્મા ઇન્ડેક્સ અગ્રણી છે, જ્યારે રિયલ્ટી અને પીએસયુ બેન્ક જેવાં સેક્ટરે લાંબા ગાળાના પડકારોનો સામનો કરવો પડી શકે છે. ધ મિન્ટના એક અહેવાલ અનુસાર, ભારતમાં બજારના ટ્રેન્ડને દિશા આપવામાં કેન્દ્રીય બજેટ ઐતિહાસિક રીતે મહત્ત્વપૂર્ણ ભૂમિકા ભજવે છે. નાણાકીય વર્ષ 2025-26 માટે આગામી કેન્દ્રીય બજેટ મૂડીખર્ચ, મેન્યુફેક્ચરિંગ સેક્ટરના ગ્રોથને વેગ આપવા અને અર્થ વ્યવસ્થામાં વ્યાપક સ્થિરતા જાળવવા પર ધ્યાન કેન્દ્રિત કરશે એવી અપેક્ષા છે. બજેટની જાહેરાતોનો શેરબજાર પર મોટો પ્રભાવ પડે છે. બ્રોકરેજ હાઉસ એમકે ગ્લોબલે શોર્ટ, મીડિયમ અને લોન્ગ ટર્મના વિવિધ ઈન્ડેક્સમાં બજેટ પછીનું સ્ટોક માર્કેટ કેવું રહેશે એનું વિશ્લેષણ કર્યું છે. આ અભ્યાસ વિવિધ ક્ષેત્રોમાં અલગ અલગ ટ્રેન્ડ દર્શાવે છે, જે ટ્રેડર્સ અને ઈન્વેસ્ટર્સને ચોક્કસ દિશા આપે છે. શોર્ટ ટર્મ પર્ફોર્મન્સ
બજેટના એક સપ્તાહ પછી મોટા ભાગના ઈન્ડેક્સ ટૂંકા ગાળામાં તેજીનું વલણ દર્શાવે છે, જેમાં પોઝિટિવ ક્લોઝની ટકાવારી ઊંચી રહેશે. એ 55 ટકાથી 91 ટકા રહેવાની ધારણા છે. NSE ફાર્મા ઇન્ડેક્સ બેસ્ટ પર્ફોર્મર રહેશે. એ 91 ટકા પોઝિટિવ ક્લોઝ રહેશે અને એકંદરે 3 ટકા રિટર્ન થશે. NSE મીડિયા પણ 82 ટકા પોઝિટિવ ક્લોઝ રેટ અને 2 ટકા રિટર્ન સાથે મજબૂતાઈ દર્શાવે છે,
જોકે શોર્ટ ટર્મના બધા ઈન્ડેક્સ સારા અને મજબૂત જ હોય એ જરૂરી નથી. એમકે ગ્લોબલ નોંધે છે કે નિફ્ટી રિયલ્ટી અને નિફ્ટી ઓઇલ એન્ડ ગેસ ઈન્ડેક્સમાં નબળા મોમેન્ટમ છે, જેમાં અનુક્રમે 55 ટકા અને 45 ટકાના પોઝિટિવ ક્લોઝ રેટ છે. આ સૂચવે છે કે જ્યારે વ્યાપક તેજીની સંભાવના હોય છે ત્યારે કેટલાંક સેક્ટર પ્રેશરમાં રહે છે. મિડ ટર્મ પર્ફોર્મન્સ
ધ મિન્ટના અહેવાલમાં એમકે ગ્લોબલનું એનાલિસિસ છે કે બે અઠવાડિયાં પછી મોટા ભાગના મિડ ટર્મ ઈન્ડેક્સમાં પોઝિટિવ ક્લોઝની ટકાવારીમાં ઘટાડો થશે. તેજીના આડે મોટું સ્પીડબ્રેકર આવશે. ખાસ કરીને પીએસયુ બેન્ક ઇન્ડેક્સમાં પોઝિટિવ ક્લોઝમાં 73 ટકાથી 36 ટકાનો નોંધપાત્ર ઘટાડો થવાની પ્રબળ સંભાવના છે, જેમાં એકંદર વળતર પણ ઝીરો છે.
વ્યાપક મંદી છતાં NSE ફાર્મા ઇન્ડેક્સ સારો દેખાવ કરી શકે છે. અત્યારે પણ 73 ટકા પોઝિટિવ ક્લોઝ રેટ અને 2 ટકા રિટર્ન જાળવી રાખ્યો છે. NSE મેટલ અને નિફ્ટી રિયલ્ટી ઇન્ડેક્સનું મિક્સ પર્ફોર્મન્સ છે, જેમાં સરેરાશ પોઝિટિવ રિટર્ન ઊંચું છે, પરંતુ પોઝિટિવ ક્લોઝ ટકાવારી ઓછી છે. આ ટ્રેન્ડ સૂચવે છે કે જ્યારે કેટલાંક સેક્ટર તેમનો વિકાસ ટકાવી રાખે છે, ત્યારે બીજાં સેક્ટર પ્રવાહી સ્થિતિ કે અસ્થિરતા અનુભવે છે. લોન્ગ ટર્મ પર્ફોર્મન્સ
બજેટ રજૂ થયા પછીના એક મહિનામાં લોન્ગ ટર્મ પર્ફોર્મન્સમાં એની અસર દેખાય છે. એમકે ગ્લોબલનાં તારણો દર્શાવે છે કે મોટા ભાગના ઈન્ડેક્સ એક મહિનાના સમયગાળા દરમિયાન પોઝિટિવ ક્લોઝમાં વધારે ઘટાડો અનુભવે છે, જેમાં ઘણા પોઝિટીવ કરતાં નેગેટિવ ક્લોઝ વધારે છે. NSE મેટલ સૌથી વધુ એવરેજ પોઝિટિવ 11 ટકા રિટર્ન આપે છે, પરંતુ એનો માત્ર 45 ટકા પોઝિટિવ ક્લોઝ રેટ છે. આવું વધેલી પ્રવાહી સ્થિતિના કારણે થયું છે.
પીએસયુ બેન્ક હજુ પણ સંઘર્ષ કરે છે, તેણે ફક્ત 27 ટકા પોઝિટિવ ક્લોઝ રેટ અને સરેરાશ 11 ટકા નેગેટિવ રિટર્ન નોંધાવ્યું છે, જેના કારણે એકંદરે માઈનસ 3 ટકા વળતર મળ્યું છે. તેનાથી ઊલટું, NSE IT ઇન્ડેક્સ એક અપવાદ તરીકે ઊભો રહ્યો છે, જેણે 45 ટકા પોઝિટિવ ક્લોઝ રેટ અને 2 ટકા એકંદર વળતર જાળવી રાખ્યું છે, જેને 7 ટકાના ઊંચા એવરેજ પોઝિટિવ રિટર્નથી ટેકો મળ્યો છે. સેક્ટર મુજબ શું ટ્રેન્ડ રહેશે?
ફાર્મા અને IT સેક્ટર: એમકે ગ્લોબલ નોંધે છે કે આ સેક્ટરમાં તમામ સમયગાળા દરમિયાન સ્થિતિ સ્થાપકતા દર્શાવે છે, સતત મજબૂત રીતે પોઝિટિવ ક્લોઝ અને ઓવરઓલ રિટર્ન આપે છે. ખાસ કરીને NSE ફાર્મા ઇન્ડેક્સ એની સ્થિરતા અને ગ્રોથના કારણે અલગ પડે છે. બેંકિંગ અને ફાઇનાન્સ સેકટર: બેંક નિફ્ટી અને પ્રાઈવેટ બેંક ઈન્ડેક્સ શોર્ટટર્મમાં ઠીકઠાક પર્ફોર્મન્સ બતાવે છે, પણ લોન્ગ ટર્મમાં પર્ફોર્મન્સ નબળું પડે છે. ખાસ કરીને
પીએસયુ બેન્ક મિડ ટર્મ અને લોન્ગ ટર્મ બંનેમાં નબળું પર્ફોર્મ કરે છે, જે નેગેટિવ રિટર્ન આપે છે. રિયલ્ટી અને મેટલ સેક્ટર: આ સેક્ટરો ઉચ્ચ પ્રવાહી સ્થિતિ દર્શાવે છે, જેમાં એવરેજ પોઝિટિવ અને નેગેટિવ વળતરમાં નોંધપાત્ર ફેરફાર થાય છે. એમકે ગ્લોબલે ભાર મૂક્યો છે કે નિફ્ટી રિયલ્ટીમાં પોઝિટિવ ક્લોઝમાં ભારે ઘટાડો જોવા મળી રહ્યો છે, એક અઠવાડિયા પછી 55 ટકા અને એક મહિના પછી 36 ટકા પોઝિટિવ ક્લોઝ થવાની ધારણા છે. FMCG અને ગ્રાહક આધીન સેક્ટર: આ સેક્ટરમાં પ્રમાણમાં સ્થિર કામગીરી રહેતી હોય છે, પરંતુ વળતર એકંદર ઓછું હોય છે. લાંબા ગાળા પછી નકારાત્મક કામગીરી તરફ ઝુકાવ કરે છે. ઓવરઓલ માર્કેટ ટ્રેન્ડ રોકાણકારોએ શું કરવું જોઈએ?
શોર્ટ ટર્મ ટ્રેડર્સ : શોર્ટ ટર્મમાં લાભ પર ધ્યાન કેન્દ્રિત કરતાં રોકાણકારોને ફાર્મા, મીડિયા અને આઇટીક્ષેત્રોમાં તકો મળી શકે છે, જે સતત પોઝિટિવ પર્ફોર્મન્સ બતાવે છે. લોન્ગ ટર્મ ટ્રેડર્સ : સાવચેતી રાખવાની સલાહ આપવામાં આવે છે, કારણ કે મોટા ભાગના ઈન્ડેક્સ એક મહિનાના સમયગાળા દરમિયાન નબળા દેખાવ કરે એવી પૂરેપૂરી સંભાવના છે. જોકે ફાર્મા અને આઇટી જેવા પસંદગીના સેક્ટર હજુ પણ લાંબાગાળાના રોકાણકારો માટે સારી તક પૂરી પાડી શકે છે. રિસ્ક મેનેજમેન્ટ : રિયલ્ટી અને મેટલ જેવાં વધારે અસ્થિરતાવાળાં સેક્ટરમાં પોટેન્શિયલ ખૂબ સારું છે, પણ એની સામે લાંબાગાળાનું જોખમ પણ એટલું જ છે. (નોંધ : આ રિપોર્ટ ધ મિન્ટમાં પ્રકાશિત એમકે ગ્લોબલ ફર્મનું વિશ્લેષણ છે. રોકાણકારોએ રોકાણ કરતાં પહેલાં તજજ્ઞોની સલાહ લેવી)