ભારત અને ઇંગ્લેન્ડ વચ્ચે પાંચ મેચની T-20 સિરીઝની ચોથી મેચ આજે પુણેમાં રમાશે. મહારાષ્ટ્ર ક્રિકેટ એસોસિયેશન સ્ટેડિયમમાં આજની મેચ ઇંગ્લેન્ડ માટે કરો યા મરો છે. જો ભારત આજની મેચ જીતશે તો ઇંગ્લિશ ટીમ સિરીઝ હારી જશે. ટીમ ઈન્ડિયા 5 મેચની શ્રેણીમાં 2-1થી આગળ છે. આ મેદાન પર બંને ટીમ બીજી વખત આમને-સામને થશે. આ પહેલા 2012માં ભારતે ઇંગ્લેન્ડને 5 વિકેટે હરાવ્યું હતું. ભારતીય ટીમની બોલિંગમાં અર્શદીપ સિંહ પરત ફરી શકે છે, જ્યારે બેટિંગમાં ધ્રુવ જુરેલની જગ્યાએ શિવમ દુબે રમી શકે છે. ચોથી T20, મેચની ડિટેઇલ્સ
ટૉસ: સાંજે 6.30 કલાકે
મેચની શરૂઆત: સાંજે 7
વેન્યૂ: મહારાષ્ટ્ર ક્રિકેટ એસોસિયેશન સ્ટેડિયમ, પુણે ભારત હેડ ટુ હેડમાં આગળ
ભારત અને ઈંગ્લેન્ડ વચ્ચે T-20માં અત્યાર સુધીમાં 27 મેચ રમાઈ છે. ભારત 15માં જીત્યું અને ઈંગ્લેન્ડ માત્ર 12માં જીત્યું. ઇંગ્લેન્ડે છેલ્લે 2014માં ભારત સામે T20 સિરીઝ જીતી હતી. જો આજે પણ ઇંગ્લિશ ટીમ હારી જશે તો તે ભારત સામેની સતત પાંચમી T20 શ્રેણી ગુમાવશે. ચક્રવર્તી સિરીઝનો હાઇએસ્ટ વિકેટ-ટેકર બોલર
સિરીઝમાં સૌથી વધુ વિકેટ મિસ્ટ્રી ઓફ સ્પિનર વરુણ ચક્રવર્તીએ લીધી છે. તેના નામે 3 T20માં 10 વિકેટ છે. તેણે ત્રીજી મેચમાં પાંચ વિકેટ ઝડપી હતી. અભિષેક શર્મા ટીમનો ટોપ સ્કોરર છે. તેણે 3 મેચમાં 115 રન બનાવ્યા છે. બટલર સિરીઝનો ટૉપ રન સ્કોરર
સિરીઝમાં ઇંગ્લેન્ડ તરફથી બેટિંગમાં એકમાત્ર કેપ્ટન જોસ બટલર જ પ્રદર્શન કરી શક્યો છે. તે સિરીઝનો ટોપ સ્કોરર છે, તેણે 3 મેચમાં 137 રન બનાવ્યા છે. સિરીઝમાં તેના નામે એક ફિફ્ટી છે. ફાસ્ટ બોલર બ્રાડન કાર્સ ટીમનો ટોપ વિકેટ લેનાર બોલર છે, તેણે 5 વિકેટ લીધી છે. પિચ રિપોર્ટ
મહારાષ્ટ્ર ક્રિકેટ એસોસિયેશન સ્ટેડિયમની પિચ સ્પિન ફ્રેન્ડલી માનવામાં આવે છે. સ્પિનરોને અહીં ઘણીવાર સારો ટર્ન મળે છે. 2012 થી 2023 દરમિયાન પુણેમાં 4 T-20 આંતરરાષ્ટ્રીય મેચ રમાઈ હતી. બેમાં પ્રથમ બેટિંગ અને બેમાં પ્રથમ બોલિંગ કરનાર ટીમે જીત મેળવી હતી. ભારત અહીં બે મેચ હારી ચૂક્યું છે, ટીમ 2016 અને 2023માં શ્રીલંકાની સામે હાર્યું હતું. શ્રીલંકાએ 2023માં ભારત સામે 206 રન બનાવ્યા હતા, જે આ મેદાન પરનો સર્વોચ્ચ સ્કોર પણ છે. હવામાન સ્થિતિ
શુક્રવારે પુણેમાં વરસાદની કોઈ શક્યતા નથી. દિવસભર વાદળો રહેશે અને થોડી ગરમી પણ રહેશે. તાપમાન 12 થી 34 ડિગ્રી સેલ્સિયસ વચ્ચે રહેશે. બન્ને ટીમ-
ભારત: સૂર્યકુમાર યાદવ (કેપ્ટન), અભિષેક શર્મા, સંજુ સેમસન (વિકેટકીપર), તિલક વર્મા, હાર્દિક પંડ્યા, ધ્રુવ જુરેલ/શિવમ દુબે, અક્ષર પટેલ, વોશિંગ્ટન સુંદર, રવિ બિશ્નોઈ, મોહમ્મદ શમી/અર્શદીપ સિંહ અને વરુણ ચક્રવર્તી. ઇંગ્લેન્ડ: જોસ બટલર (કેપ્ટન), ફિલ સોલ્ટ (વિકેટકીપર), બેન ડકેટ, હેરી બ્રુક, જેમી સ્મિથ, લિયામ લિવિંગ્સ્ટન, જેમી ઓવરટોન, બ્રાઈડન કાર્સ, જોફ્રા આર્ચર, આદિલ રશીદ અને માર્ક વુડ.
પુણેમાં આજે IND Vs ENG વચ્ચે ચોથી T20:ભારત સિરીઝમાં 2-1થી આગળ, ઇંગ્લેન્ડ માટે કરો યા મરો મેચ
