ફાસ્ટ બોલર જસપ્રીત બુમરાહ 19 ફેબ્રુઆરીથી શરૂ થઈ રહેલી ચેમ્પિયન્સ ટ્રોફીમાંથી બહાર થઈ શકે છે. ઓસ્ટ્રેલિયા પ્રવાસની છેલ્લી ટેસ્ટમાં તેને પીઠમાં ખેંચ આવી હતી. તે પીડાથી પરેશાન હતો. એક સિલેક્ટરે ભાસ્કરને જણાવ્યું કે, બુમરાહ માટે ચેમ્પિયન્સ ટ્રોફી સુધી તેની પીઠની ઈજામાંથી બહાર આવવું મુશ્કેલ છે. તે ઈંગ્લેન્ડ સામેની વનડે શ્રેણીની એક પણ મેચ રમી શકશે નહીં. જો તે ફિટ ન હોય તો તેના સ્થાને હર્ષિત રાણાને ટીમમાં સામેલ કરી શકાય છે. વાસ્તવમાં બુમરાહને ઇંગ્લેન્ડ સામેની છેલ્લી વનડે મેચ માટે ટીમમાં રાખવામાં આવ્યો હતો. આ મેચ 12 ફેબ્રુઆરીએ અમદાવાદના નરેન્દ્ર મોદી સ્ટેડિયમમાં રમાશે. અહીં, બુમરાહ સોમવારે તેની પીઠની ઈજાની તપાસ કરાવવા બેંગલુરુ પહોંચ્યો છે. તે BCCIના સેન્ટર ઓફ એક્સેલન્સમાં 2-3 દિવસ સુધી મેડિકલ ટીમના નિરીક્ષણ હેઠળ રહેશે. બુમરાહની ફિટનેસ પર કામ ચાલી રહ્યું છે, જો તે સમયસર ફિટ થઈ જશે તો તે ટીમમાં રહેશે. ICCએ ટીમમાં ફેરફાર માટે 11મી ફેબ્રુઆરી સુધી સમયમર્યાદા નક્કી કરી છે. ચેમ્પિયન્સ ટ્રોફીમાં ભારતની પ્રથમ મેચ બાંગ્લાદેશ સામે 20 ફેબ્રુઆરીએ રમાશે. બુમરાહ ચેમ્પિયન્સ ટ્રોફીની ટીમમાં સામેલ છે
ભારતની પસંદગી સમિતિએ 18 જાન્યુઆરીએ ચેમ્પિયન્સ ટ્રોફી માટે ભારતીય ટીમની જાહેરાત કરી હતી. ઓસ્ટ્રેલિયા પ્રવાસ દરમિયાન ઈજાગ્રસ્ત થયેલા જસપ્રિત બુમરાહને પણ ટીમમાં સામેલ કરવામાં આવ્યો હતો. પસંદગી સમિતિએ બુમરાહના બેકઅપ તરીકે અર્શદીપ સિંહને રાખ્યો હતો. બુમરાહ T20 વર્લ્ડ કપ 2024માં પ્લેયર ઓફ ધ ટૂર્નામેન્ટ હતો
બુમરાહ 2023 ODI વર્લ્ડ કપમાં ઈજામાંથી પરત ફર્યો હતો. તે 2024માં T20 વર્લ્ડ કપ જીતનાર ભારતીય ટીમનો ભાગ હતો. તેણે ટૂર્નામેન્ટની 8 મેચમાં કુલ 15 વિકેટ લીધી હતી. ફાઇનલમાં પણ તેણે રીઝા હેન્ડ્રીક્સ અને માર્કો યેન્સનની મહત્વની વિકેટ લીધી હતી. આ પ્રદર્શન માટે તેને પ્લેયર ઓફ ધ ટુર્નામેન્ટનો એવોર્ડ પણ મળ્યો હતો.
બુમરાહ ચેમ્પિયન્સ ટ્રોફીમાંથી થઈ શકે બહાર:જસપ્રીતની પીઠમાં ખેંચનો આંચકો ઈન્ડિયાને લાગ્યો, ટૂર્નામેન્ટ પહેલા રિકવરી મુશ્કેલ; 11 ફેબ્રુઆરી ડેડલાઈન
