ભારતીય સેનાએ 7 પાકિસ્તાની ઘુસણખોરોને ઠાર માર્યા છે. આમાં 2-3 પાકિસ્તાની સેનાના સૈનિકો પણ સામેલ છે. મીડિયા રિપોર્ટ્સમાં સૂત્રોના હવાલાથી કહેવામાં આવ્યું છે કે આ ઘટના 4 ફેબ્રુઆરીની રાત્રે બની હતી, જ્યારે LoC નજીક ઘૂસણખોરીનો પ્રયાસ કરવામાં આવ્યો હતો. સૂત્રોએ જણાવ્યું હતું કે આ ઘટના પૂંછ જિલ્લાના કૃષ્ણા ખીણ નજીક બની હતી. ઘુસણખોરોનો ઉદ્દેશ્ય ભારતીય ચોકીને નિશાન બનાવવાનો હતો. ભારતીય સેનાના સૈનિકોએ પાકિસ્તાનની બોર્ડર એક્શન ટીમ (BAT) પર હુમલો કર્યો, આ ટીમ સરહદ પારની કામગીરીમાં નિષ્ણાત છે. આતંકવાદીઓ અલબદ્ર ગ્રૂપના હોઈ શકે છે
સૂત્રોએ જણાવ્યું હતું કે આ કાર્યવાહીમાં માર્યા ગયેલા આતંકવાદીઓ અલબદ્ર ગ્રૂપના હોઈ શકે છે. ઘૂસણખોરીનો આ પ્રયાસ એવા સમયે કરવામાં આવ્યો છે જ્યારે પાકિસ્તાનના વડાપ્રધાન શાહબાઝ શરીફ પહેલાથી જ કહી ચૂક્યા છે કે અમે ભારત સાથેના તમામ મુદ્દાઓ વાતચીતથી ઉકેલીશું. પાકિસ્તાની PMએ કહ્યું- વાતચીત દ્વારા મુદ્દાઓનું નિરાકરણ આવશે
ઘૂસણખોરીનો આ પ્રયાસ એવા સમયે કરવામાં આવ્યો છે જ્યારે એક દિવસ પહેલા 6 ફેબ્રુઆરીએ પાકિસ્તાનના વડા પ્રધાન શાહબાઝ શરીફે કહ્યું હતું કે અમે ભારત સાથેના તમામ મુદ્દાઓ વાતચીત દ્વારા ઉકેલીશું. POKમાં જૈશ-લશ્કરની બેઠક થઈ, સરકારે આપી મંજૂરી
પાકિસ્તાની પીએમના નિવેદન પછી જ સરકારે જૈશ-એ-મોહમ્મદ અને લશ્કર-એ-તૈયબાને પીઓકેના રાવલકોટમાં રેલી યોજવાની પરવાનગી આપી. બંદૂકો અને AK-47 લહેરાતા હતા. આ રેલીમાં ભારત વિરોધી નારા લગાવવામાં આવ્યા હતા. આમાં હમાસના નેતાઓ પણ હાજર હતા. આતંકવાદીઓ સામે ભારતના છેલ્લા બે મોટા હુમલા 2016: પહેલી સર્જિકલ સ્ટ્રાઈક 2019: બાલાકોટમાં હવાઈ હુમલો
ઈન્ડિયન આર્મીએ 7 પાકિસ્તાની ઘુસણખોરોને ઠાર કર્યા:2 થી 3 પાકિસ્તાની સૈનિકો હતા, ભારતીય પોસ્ટ પર BAT ટીમના હુમલાનું કાવતરું નિષ્ફળ
