ઈસ્ટર્ન કેપ ત્રીજીવાર SA20 ફાઈનલમાં:ક્વોલિફાયર-2માં પાર્લ રોયલ્સને 8 વિકેટથી હરાવ્યું; ટ્રોફી માટે MI કેપટાઉન સાથે સામનો થશે

સનરાઇઝર્સ ઇસ્ટર્ન કેપે સતત ત્રીજી વખત સાઉથ આફ્રિકાની T20 લીગ SA20ની ફાઈનલમાં જગ્યા બનાવી છે. ગુરુવારે સેન્ચુરિયનના સુપરસ્પોર્ટ પાર્ક ખાતે રમાયેલી ક્વોલિફાયર-2 મેચમાં ઇસ્ટન કેપે પાર્લ રોયલ્સને 8 વિકેટથી હરાવ્યું છે. સનરાઇઝર્સ સતત બે સિઝનના વિનર છે. હવે શનિવારે ફાઈનલમાં મુકાબલો MI કેપટાઉન સામે થશે. પાર્લ રોયલ્સે ટૉસ જીતીને પહેલા બેટિંગ પસંદ કરી. પહેલી બેટિંગ કરતા, પાર્લ રોયલ્સની ટીમે 4 વિકેટ ગુમાવીને 175 રન બનાવ્યા. 176 રનના ટાર્ગેટને ચેઝ કરતા, ઈસ્ટર્ન કેપે 2 વિકેટ ગુમાવીને 177 રન બનાવીને જીત મેળવી. પ્રિટોરિયસ અને હરમન વચ્ચે 99 રનની ભાગીદારી થઈ
પાર્લની શરૂઆત સારી નહોતી. મિચેલ ઓવેન ખાતું ખોલાવ્યા વિના જ આઉટ થઈ ગયો. ત્યારબાદ, ગિલ્બર્ટ પ્રિટોરિયસ અને રૂબિન હર્મન વચ્ચે બીજી વિકેટ માટે 99 રનની ભાગીદારી થઈ. ગિલ્બર્ટ પ્રિટોરિયસે 41 બોલમાં 59 રન બનાવ્યા. તેણે પોતાની ઇનિંગમાં 8 ચોગ્ગા અને 1 છગ્ગો ફટકાર્યો. રુબિન હર્મન પાર્લનો ટોપ સ્કોરર
રુબિન હર્મન પાર્લનો ટોપ સ્કોરર હતો. પ્રિટોરિયસ પેવેલિયન પરત ફર્યા પછી, ડેવિડ મિલર આવ્યો પરંતુ ફક્ત 6 રન બનાવીને આઉટ થઈ ગયો. દિનેશ કાર્તિક પણ 2 રન બનાવીને પેવેલિયન પાછો ફર્યો. હરમન એક છેડે મક્કમ ઉભો રહ્યો. અંતે એન્ડીલ ફેહુકવાયો તેની સાથે જોડાયો. બંને વચ્ચે પાંચમી વિકેટ માટે 24 બોલમાં 49 રનની ભાગીદારી થઈ. આ દરમિયાન હરમને પોતાની અડધી સદી પૂર્ણ કરી. રૂબિન હાર્મને 53 બોલમાં 81 રનની અણનમ ઇનિંગ રમી. જ્યારે ફેહુકવાયો 11 બોલમાં 22 રન બનાવી અણનમ રહ્યો. સનરાઇઝર્સ ઇસ્ટર્ન કેપ તરફથી ક્રેગ ઓવરટન, માર્કો યાન્સન, ઓટનીએલ બાર્ટમેન અને એડન માર્કરમે 1-1 વિકેટ લીધી. પૂર્વી કેપ માટે ડી જ્યોર્જી અને જોર્ડન હર્મને ઇનિંગ્સને આગળ ધપાવી
176 રનના ટાર્ગેટને ચેઝ કરતી વખતે સનરાઇઝર્સ ઇસ્ટર્ન કેપની શરૂઆત પણ સારી રહી ન હતી. ઓપનર ડેવિડ બેડિંગહામ 9 રન બનાવીને આઉટ થયો હતો. ત્યારબાદ ટોની ડી જ્યોર્જી અને જોર્ડન હાર્મને બીજી વિકેટ માટે 68 બોલમાં 111 રન જોડ્યા. ડી જ્યોર્જી અને જોર્ડન હર્મન વચ્ચેની 111 રનની ભાગીદારી સનરાઇઝર્સ ઇસ્ટર્ન કેપ માટે T20Iમાં બીજી વિકેટ માટે સૌથી મોટી ભાગીદારી છે, જેણે ટોમ એબેલ અને જોર્ડન હર્મન વચ્ચેની 90 રનની ભાગીદારીનો રેકોર્ડ તોડ્યો છે. જોર્ડન હાર્મને 48 બોલમાં અણનમ 69 રન બનાવ્યા. ડી જ્યોર્જી ઇસ્ટર્ન કેપનો ટોપ સ્કોરર
ટોની ડી જ્યોર્જી ઈસ્ટર્ન કપનો ટોપ સ્કોરર હતો. તેણે 49 બોલમાં 78 રન બનાવ્યા. તેણે પોતાની ઇનિંગમાં 11 ચોગ્ગા અને 2 છગ્ગા પણ ફટકાર્યા હતા. અંતે, કેપ્ટન માર્કરામે 11 રનનું યોગદાન આપ્યું. પાર્લ રોયલ્સ તરફથી ફક્ત બે બોલરોને સફળતા મળી. મફાકા અને વેલ્લાગેએ 1-1 વિકેટ લીધી. આ સાથે, સનરાઇઝર્સ ઇસ્ટર્ન કેપ ટીમ ત્રીજી વખત ટાઇટલની નજીક પહોંચી ગઈ છે.