બોલિવૂડના મેગાસ્ટાર અમિતાભ બચ્ચનની ફેન ફોલોઈંગ કોઈથી છુપાયેલી નથી. આવી સ્થિતિમાં, જ્યારે પણ અમિતાભ બચ્ચનના સ્વાસ્થ્યનો વિષય આવે છે, ત્યારે તેમના ચાહકો ચિંતિત થઈ જાય છે. તેવી જ રીતે, તાજેતરમાં જ્યારે ૮૨ વર્ષીય અમિતાભ બચ્ચને સોશિયલ મીડિયા પર એક પોસ્ટ લખી વિદાય લેવાનો ઉલ્લેખ કર્યો, તો તેમના ચાહકો ગભરાઈ ગયા અને તેમને પ્રશ્નો પૂછવા લાગ્યા. બિગ બીએ તાજેતરમાં જ ગઈકાલે રાત્રે લગભગ 8 વાગ્યે તેમના સત્તાવાર એક્સ હેન્ડલ પર એક પોસ્ટ શેર કરી. આમાં, તેમણે લખ્યું હતું કે,- ‘જવાનો સમય આવી ગયો છે’. તેમણે આ સાથે બીજું કંઈ લખ્યું નથી. તેમણે કયા સંદર્ભમાં પોસ્ટ કરી હતી તેનો ઉલ્લેખ કર્યો નહોતો, ન તો તેમણે કોઈ ફિલ્મ કે સ્થાનનો ઉલ્લેખ કર્યો હતો. અમિતાભ બચ્ચનની પોસ્ટ આવતાની સાથે જ તેમના ચિંતિત ચાહકોએ ઘણા પ્રશ્નો પૂછવાનું શરૂ કરી દીધું. એક તરફ ઘણા ચાહકો પૂછી રહ્યા છે કે ‘તે ક્યાં જવાની વાત કરી રહ્યા છે?,’ તો બીજી તરફ એક ચાહકે ગભરાટમાં લખ્યું, ‘ભાઈ આવી વાતો ના કરો’. બીજા એક ચાહકે લખ્યું, ‘મને આશ્ચર્ય થાય છે કે એવું શું થયું કે તમે અચાનક બોલી ગયા’. ક્યારેક વ્યક્તિને કોઈ વિચિત્ર વિચાર આવે છે અને જીભ અને કલમ બોલી ઊઠે છે. ભલે, ગમે તે થાય, આપણી આત્મશક્તિ ખૂબ જ મજબૂત છે.’ આ પોસ્ટ પછી, કેટલાક લોકો માને છે કે અમિતાભ બચ્ચન કદાચ તેમની એક્ટિંગ કરિયરમાંથી નિવૃત્તિ લેવાની વાત કરી રહ્યા હશે. તે જ સમયે, કેટલાક લોકો આ પોસ્ટને KBC 16 સાથે જોડી રહ્યા છે, જે થોડા સમયમાં સમાપ્ત થવાનો છે. આ પોસ્ટના થોડા સમય પહેલા પણ, બિગ બીએ લખ્યું હતું કે, જીવનના કોઈપણ તબક્કે, દર્શકો જ જીવન છે. નોંધનીય છે કે,આ દિવસોમાં બિગ બી કૌન બનેગા કરોડપતિ સિઝન 16 માં જોવા મળી રહ્યા છે. તાજેતરમાં આ શોએ 25 વર્ષ પૂર્ણ કર્યા. આ ખાસ પ્રસંગે, અગાઉની બધી સિઝનના વિજેતાઓને હોટ સીટ પર આમંત્રિત કરવામાં આવ્યા છે, જેમાં તેઓ કહી રહ્યા છે કે શોમાં આવ્યા પછી તેમનું જીવન કેટલું બદલાઈ ગયું છે. વર્ક ફ્રન્ટની વાત કરીએ તો, આગામી સમયમાં અમિતાભ બચ્ચન ‘બ્રહ્માસ્ત્ર 2: દેવ અને રામાયણ’ જેવી મોટી ફિલ્મોમાં જોવા મળશે. તેઓ છેલ્લે ફિલ્મ ‘કલ્કિ 2898AD’ માં જોવા મળ્યા હતા.
