આજે ભલે સલમાન ખાન બોલિવૂડનો સુપરસ્ટાર છે, પણ એક સમય હતો જ્યારે તેના પિતા સલીમ ખાનને તેની પ્રતિભા પર વિશ્વાસ નહોતો. જ્યારે સલમાને ફિલ્મોમાં એક્ટિંગ કરવાનું શરૂ કર્યું હતું, ત્યારે તેના પિતાએ તેને કહ્યું હતું કે તુ ન તો એક્શન કરી શકીશ કે ન તો ગેંગસ્ટરનો રોલ કરી શકીશ છે, તેથી તેને ફક્ત 1-2 લવ સ્ટોરી ફિલ્મો જ મળશે. સલમાન ખાને તાજેતરમાં જ તેના ભત્રીજા અરહાનના પોડકાસ્ટમાં આ ખુલાસો કર્યો હતો. અરબાઝ ખાન અને મલાઈકા અરોરાના દીકરા અરહાન ખાને તાજેતરમાં ‘ડમ્બ બિરયા’ની નામનો પોડકાસ્ટ શરૂ કર્યો છે. આ પોડકાસ્ટના છેલ્લા એપિસોડમાં, સલમાન ખાને નવી પેઢીને ઘણી સલાહ આપી. આ સાથે તેણે પોતાનું ઉદાહરણ આપતા કહ્યું કે,- ‘જ્યારે હું ઇન્ડસ્ટ્રીમાં આવ્યો ત્યારે મારા પિતાએ મને પૂછ્યું, શું તમે એક્શન કરી શકો છો? મેં તેને કહ્યું, હા, હું કરી શકું છું. તેમણે મને પૂછ્યું, શું તું 10 લોકોને મારીશ, શું તને ખાતરી છે? મેં આના માટે ના કહ્યું.’ ‘પછી તેમણે પૂછ્યું, શું તું વકીલ બની શકીશ? મેં કહ્યું ‘ના’. તેમણે કહ્યું, શું તું પોલીસ બની શકીશ? મેં કહ્યું ના. તેમણે પૂછ્યું, શું તું આખા મહોલ્લાનો દાદા બની શકે છે? મેં ફરીથી ‘ના’ કહ્યું. આ સાંભળીને તેમણે કહ્યું, ‘તો તને વધુમાં વધુ એક કે બે લવ સ્ટોરી જ મળશે.’ સલમાને આગળ કહ્યું, ‘મેં મોટા ભાગનો સમયમાં એક્શન ટ્રેનિંગ લીધી. મેં સ્થાનિક ગુંડાની ભૂમિકા ભજવી, પછી હું વકીલની ભૂમિકામાં દેખાયો. મેં પોલીસમેનની ભૂમિકા પણ ભજવી હતી અને સાથે સાથે રોમેન્ટિક ફિલ્મો પણ ચાલી રહી હતી. પણ તેમના શબ્દો મારા મનમાં ચોંટી ગયા.’ વધુમાં, સલમાને તેના ભત્રીજા અહરાનને કહ્યું, તો મારી સલાહ તમારા માટે એ છે કે જો તમે અથવા બીજું કોઈ ઇન્ડસ્ટ્રીમાં આવે છે, તો તેમણે સમજવું જોઈએ કે ઇન્ડસ્ટ્રીમાં ટાઇગર શ્રોફ, વરુણ ધવન, સિદ્ધાર્થ મલ્હોત્રા, રણબીર છે, તો શું તમે તેમના કરતા સારા છો? જો નહીં, તો તમારું લક્ષ્ય એ હોવું જોઈએ કે તમે તેમના કરતા વધારે સારા બનવા માગો, આ તમારું લક્ષ્ય હોવું જોઈએ.’ વાતચીત દરમિયાન, સલમાન ખાને એમ પણ કહ્યું કે તે અત્યાર સુધી ટકી શક્યો છે કારણ કે તેણે તેના સિનિયર્સ અને જુનિયર્સ પાસેથી શીખ્યા છે. નોંધનીય છે કે, સલમાન ખાન પહેલા, મલાઈકા અરોરા, ઓરી, અરબાઝ ખાન પણ અરહાન ખાનના પોડકાસ્ટમાં ગેસ્ટ બની ચૂક્યા છે.
