‘લોકો કહેતાં હતાં કે હું ફોરેનર જેવી દેખાઉં છું’:શ્રુતિ હાસને પહેલી ફિલ્મ તૂટેલા નાક સાથે કરી હતી, કહ્યું- સર્જરી કરાવી હતી, એમાં ખોટું શું છે

એક્ટ્રેસ શ્રુતિ હાસને ઘણીવાર પોતાના અંગત જીવન વિશે ખુલીને વાત કરે છે. એક ઇન્ટરવ્યૂમાં, તેણે તેના નાકની સર્જરી અને ફિલર્સ વિશે વાત કરી. એક્ટ્રેસે કહ્યું કે જો તેણે નાકની સર્જરી કરાવી છે, તો તેમાં શું ખોટું છે? તૂટેલા નાક સાથે કરી હતી પહેલી ફિલ્મ
હોટરફ્લાયના શો ધ મેલ ફેમિનિસ્ટમાં, શ્રુતિ હાસને ફિલર્સ અને નાકની સર્જરી સાથે પહેલી ફિલ્મ કરી હોવાની વાત સ્વીકારી હતી. તેણે જણાવ્યું કે જ્યારે તે ફિલ્મ ઈન્ડસ્ટ્રીમાં આવી ત્યારે તેનું નાક તૂટી ગયું હતું, પરંતુ ઘણા લોકો તેને બહાનું માનતા હતા. શ્રુતિએ કહ્યું, મેં મારું નાકનો ઈલાજ કરાવ્યો અને સ્પષ્ટ થઈ ગયું કે મારી સર્જરી થઈ છે. ઈજાના કારણે મારું નાક તૂટી ગયું હતું. મેં મારી પહેલી ફિલ્મ સર્જરી વગર કરી હતી, પછી લોકો કહેતા હતા કે હું ડિવિએટેડ સેપ્ટમનું બહાનું બનાવી રહી છું. પણ મારા નાકમાં ખરેખર ડિવિએટેડ સેપ્ટમ (નાકની અંદરનો ભાગ વળેલો હોવો) હતું અને તે ખૂબ જ પીડાદાયક હતું. શ્રુતિ હાસને પણ સ્વીકાર્યું કે તેણે ફિલર્સ કરાવ્યા છે અને કહ્યું કે જો તે ભવિષ્યમાં ફેસલિફ્ટ કરાવવાનું નક્કી કરે છે, તો પણ તે તેનો નિર્ણય હશે. શ્રુતિ હાસનના મતે, આ તેનું શરીર છે અને તેના પર તેનો અધિકાર છે. જોકે, એક્ટ્રેસ આવી સર્જરીનો પ્રચાર કે વિરોધ કરતી નથી. તેમનું માનવું છે કે દરેક વ્યક્તિએ એ જ કરવું જોઈએ જે તેમના માટે યોગ્ય હોય. તે ઇચ્છે છે કે લોકો તેના અંગત નિર્ણયોની ટીકા કરવાને બદલે તેના કામ પર ધ્યાન કેન્દ્રિત કરે. ‘મારો ચહેરો વિદેશી જેવો લાગે છે’
શ્રુતિએ એમ પણ કહ્યું કે શરૂઆતમાં તેને કહેવામાં આવ્યું હતું કે તે હિરોઈન જેવી દેખાતી નથી. લોકો તેના વિશે કહેતાં હતાં કે, શ્રુતિનો ચહેરો વિદેશી જેવો દેખાય છે, તેની પાસે પ્રતિભા છે પણ તે ભારતીય જેવી દેખાતી નથી. જોકે, જ્યારે તેને ફિલ્મો કરવાનું શરૂ કર્યું, ત્યારે તેને ગામડાની છોકરીની વધુ ભૂમિકાઓ મળી. શ્રુતિએ 1999માં પોતાની ફિલ્મી કારકિર્દીની શરૂઆત કરી
શ્રુતિએ 1999માં પોતાની કારકિર્દીની શરૂઆત કરી હતી. તે સાઉથ ઈન્ડિયા સિનેમાની એક ફેમસ એક્ટ્રેસ છે. શ્રુતિએ ‘ડી-ડે’, ‘રમૈયા વસ્તાવૈયા’, ‘ગબ્બર ઇઝ બેક’, ‘વેલકમ બેક’ અને ‘રોકી હેન્ડસમ’ જેવી ફિલ્મોમાં કામ કર્યું છે. તે શોર્ટ ફિલ્મ ‘દેવી’માં પણ જોવા મળી હતી.