મ્યુઝિક કંપોઝર વિશાલ દદલાણીનો અકસ્માત થયો છે. આ કારણે, તેણે પુણેમાં શેખર રવજિયાની સાથેનો તેમનો મ્યુઝિક કોન્સર્ટ મુલતવી રાખ્યો છે. વિશાલ શેખર રવજિયાની સાથે 2 માર્ચ, 2025ના રોજ પુણેમાં પરફોર્મ કરવાનો હતો. જોકે, વિશાલ દદલાણીનો અકસ્માત ક્યારે અને કેવી રીતે થયો તે જાણી શકાયું નથી. પરંતુ હાલ તે હોસ્પિટલમાં સારવાર હેઠળ છે. વિશાલે ગુરુવારે ઇન્સ્ટાગ્રામ સ્ટોરી પર લખ્યું – મારું નસીબ ખરાબ હતું. મારો એક નાનો અકસ્માત થયો. હું જલ્દી પાછો આવીશ. હું તમને બધી અપડેટ આપતો રહીશ. પુણેમાં જલ્દી મળીશું! આ કોન્સર્ટના આયોજક જસ્ટ અર્બનની ટીમનું એક નિવેદન પણ બહાર આવ્યું છે. ટીમે ઇન્સ્ટાગ્રામ પર એક પોસ્ટ શેર કરી અને લખ્યું – વિશાલ અને શેખરનો મ્યુઝિક કોન્સર્ટ મુલતવી રાખવામાં આવ્યો છે. આ વિશે જણાવતા ખૂબ જ દુઃખ થાય છે. વિશાલ દદલાણી સાથે થયેલા એક દુર્ભાગ્યપૂર્ણ અકસ્માતને કારણે મચ-અવેટેડ અર્બન શોઝનો મ્યુઝિક કોન્સર્ટ મુલતવી રાખવામાં આવ્યો છે. વિશાલની સારવાર ચાલી રહી છે. વિશાલની ટીમે માફી માગી
વિશાલની ટીમે કોન્સર્ટ મુલતવી રાખવા બદલ ચાહકોની માફી માગી છે. તેમણે એક નિવેદન બહાર પાડીને કહ્યું – અસુવિધા માટે અમે માફી માગીએ છીએ. અમે ટૂંક સમયમાં નવી તારીખ શેર કરીશું. દરેકના ટિકિટના પૈસા પરત કરવામાં આવશે. તમારા સહકાર બદલ આભાર. વધુ અપડેટ્સ માટે જોડાયેલા રહો. ફેન્સે જલ્દી સાજા થવા માટે કરી પ્રાર્થના
વિશાલ દદલાણીના અકસ્માત પર તેના ફેન્સ ચિંતામાં છે અને જલ્દી સ્વસ્થ થવા માટે પ્રાર્થના કરી રહ્યા છે. ફેન્સ દ્વારા એ પણ પૂછવામાં આવી રહ્યું છે કે વિશાલનો અકસ્માત કેવી રીતે થયો. પરંતુ આ બાબતે હજુ સુધી કોઈ જાણકારી મળી નથી. વિશાલ-શેખર બોલિવૂડના ફેમસ મ્યુઝિક કંપોઝર છે
વિશાલ-શેખર બોલિવૂડના ફેમસ મ્યુઝિક કંપોઝર છે. વિશાલે ઘણા ગીતો પણ ગાયા છે. જેમાં ‘ઝૂમે જો પઠાણ’, ‘રફ્તાર’, ‘કુક્કડ’, ‘ઈન્ડિયા વાલે’, ‘ઓ સાકી સાકી’ અને બીજા ઘણા ગીતોનો સમાવેશ થાય છે. વિશાલ ઘણા શોમાં જજ તરીકે પણ કામ કરી ચૂક્યો છે.
કોન્સર્ટમાં પહોંચતાં પહેલાં જ વિશાલ દદલાણીને નડ્યો અકસ્માત:મ્યુઝિક કંપોઝર હાલ સારવાર હેઠળ; પુણેનો કોન્સર્ટ રદ્દ, ફેન્સે જલ્દી સાજા થવા માટે કરી પ્રાર્થના
