કોંગ્રેસના સાંસદ ગૌરવ ગોગોઈની પત્નીના પાકિસ્તાનની ગુપ્તચર એજન્સી ISI સાથે જોડાણના વિવાદમાં આસામ પોલીસે પાકિસ્તાની નાગરિક અલી તૌકીર શેખ અને અન્ય લોકો વિરુદ્ધ FIR નોંધી છે. અલી પાકિસ્તાન પ્લાનિંગ કમિશનના કાયમી સલાહકાર છે. આસામ કેબિનેટે 16 ફેબ્રુઆરીએ ડીજીપીને પાકિસ્તાની અલી તૌકીર શેખ વિરુદ્ધ એફઆઈઆર નોંધવાનો નિર્દેશ આપ્યો હતો. તેમના પર ભારતની આંતરિક બાબતો અને સંસદીય બાબતો પર પણ કથિત ટિપ્પણી કરવાનો આરોપ છે. જોકે, આસામ કેબિનેટે કોંગ્રેસના સાંસદ અને તેમની બ્રિટિશ પત્ની સામે કેસ દાખલ ન કરવાનો નિર્ણય લીધો હતો. 13 ફેબ્રુઆરીએ સરમાએ ગૌરવ ગોગોઈની પત્ની એલિઝાબેથ કોલબર્ન પર પાકિસ્તાનની ગુપ્તચર એજન્સી ISI સાથે જોડાયેલા હોવાનો આરોપ લગાવ્યો હતો. તેમનો આરોપ હતો કે અલી તૌકીર શેખ સાંસદ ગોગોઈની પત્ની એલિઝાબેથ ગોગોઈના બોસ રહ્યા હતા. ગૌરવ ગોગોઈ, તેમની પત્ની અને અલી તૌકીર પર CM સરમાના આરોપ… ગોગોઈએ કહ્યું- હું ભારતનો RAW એજન્ટ
લોકસભામાં વિપક્ષના નાયબ નેતા ગોગોઈએ આરોપોને ખોટા ગણાવ્યા હતા. તેમણે કહ્યું હતું- જો મારી પત્ની પર ISI એજન્ટ હોવાનો આરોપ છે, તો મને પણ RAW એજન્ટ કહી શકાય. તેમણે કહ્યું કે ભાજપ પાસે કોઈ મુદ્દો નથી તેથી તે આવા પાયાવિહોણા આરોપો લગાવી રહ્યું છે. લોકસભા ચૂંટણી પહેલા પણ ભાજપે મને અને મારા પરિવારને બદનામ કરવા માટે આવું જ અભિયાન ચલાવ્યું હતું. આસામ વિધાનસભાની ચૂંટણીને હજુ એક વર્ષ બાકી છે, પરંતુ એવું લાગે છે કે ભાજપ નબળો પડી ગયો છે. લોકો ભાજપમાંથી વિશ્વાસ ગુમાવી રહ્યા છે, તેથી જ તેમણે મારા પર આ આરોપો લગાવ્યા છે. કોંગ્રેસે કહ્યું- ગોગોઈને બદનામ કરવાનું અભિયાન ચાલી રહ્યું છે
કોંગ્રેસના મહાસચિવ જયરામ રમેશે રવિવારે X પર લખ્યું – આસામના મુખ્યમંત્રી અને ભાજપે મારા સાથી ગૌરવ ગોગોઈને બદનામ કરવાનું અભિયાન શરૂ કર્યું છે. આ ચારિત્ર્યહત્યાનું એક ખરાબ સ્વરૂપ છે. આવું એટલા માટે થઈ રહ્યું છે કારણ કે ભાજપના તમામ પ્રયાસો છતાં, ગૌરવે લોકસભાની ચૂંટણી જીતી લીધી હતી. 12 મહિનામાં રાજ્યના લોકો તેમને (હિમંતા બિસ્વા સરમા) પૂર્વ મુખ્યમંત્રી બનાવશે અને તેમની પાર્ટીને વિપક્ષમાં બેસાડી દેશે. આના જવાબમાં સરમાએ ટ્વિટ કર્યું – મુખ્યમંત્રી કોણ હશે, તે આસામના લોકો નક્કી કરશે, તમે નહીં. હું તમને 2014થી કોંગ્રેસને મળેલી શરમજનક હારની યાદ અપાવવા માંગતો નથી. ભાજપે કહ્યું- રાહુલ ગાંધી અને ગોગોઈ ભારતને નબળું પાડી રહ્યા છે
13 ફેબ્રુઆરીએ ભાજપના પ્રવક્તા ગૌરવ ભાટિયાએ ગૌરવ ગોગોઈની પત્ની પર પાકિસ્તાનની ગુપ્તચર એજન્સી ISI સાથે જોડાયેલા હોવાનો આરોપ લગાવ્યો હતો. ભાટિયાએ કહ્યું હતું- રાહુલ ગાંધીએ થોડા દિવસો પહેલા કહ્યું હતું કે તેમની લડાઈ ઇન્ડિયન સ્ટેટ સાથે છે. હવે ગોગોઈની પત્નીના પાકિસ્તાનની આઈએસઆઈ સાથેના સંબંધો સામે આવ્યા છે. ગોગોઈના પત્ની એલિઝાબેથ કોલબર્ન પાકિસ્તાન પ્લાનિંગ કમિશનના સલાહકાર અલી તૌકીર શેખ સાથે કામ કરતા હતા. રાહુલ ગાંધી અને ગોગોઈ ભારતને નબળું પાડી રહ્યા છે. ,
કોંગ્રેસ સાંસદ ગોગોઈની પત્ની પર ISI કનેક્શનનો આરોપ:પાકિસ્તાની અલી તૌકીર સામે આસામમાં FIR; CMએ કહ્યું- એલિઝાબેથના બોસ હતા તૌકીર
