સાઉથ કોરિયન એક્ટ્રેસ કિમ સે-રોનનું નિધન થયું છે. 24 વર્ષીય એક્ટ્રેસ 16 ફેબ્રુઆરી, રવિવારના રોજ સિઓંગસુ-ડોંગ સ્થિત તેનાં ઘરે મૃત હાલતમાં મળી આવી હતી. જોકે, તેનાં મૃત્યુનું કારણ હજુ સ્પષ્ટ થયું નથી. પોલીસ આ મામલાની તપાસ કરી રહી છે. કોરિયાના એક અહેવાલ મુજબ, કિમ સે-રોન રવિવારે એક મિત્રને મળવાની હતી. જ્યારે તેનો મિત્ર તેનાં એપાર્ટમેન્ટમાં પહોંચ્યો, ત્યારે તેને કિમનો મૃતદેહ મળ્યો. આ પછી, આ મામલાની માહિતી તાત્કાલિક પોલીસને આપવામાં આવી. પોલીસ અધિકારી કહે છે કે હજુ સુધી કોઈ ગેરરીતિના સંકેત નથી, પરંતુ કેસની દરેક ખૂણાથી તપાસ કરવામાં આવી રહી છે. 2009માં તેની શરૂઆત થઈ
કિમ સે-રોને 2009 માં ‘અ બ્રાન્ડ ન્યૂ લાઈફ’ થી પોતાની કારકિર્દીની શરૂઆત કરી હતી. તેમણે ‘ધ મેન ફ્રોમ નોવ્હેર’ (2010) માં એક દમદાર અભિનય આપ્યો. તે ‘ધ નેબર્સ’ (2012), ‘હાય!’ જેવી ફિલ્મોમાં દેખાય છે. તે ‘સ્કૂલ-લવ ઓન’ (2014), ‘સિક્રેટ હીલર’ (2016) અને તાજેતરમાં નેટફ્લિક્સની ‘બ્લડહાઉન્ડ્સ’ (2023)માં જોવા મળી હતી. ડ્રિંક એન્ડ ડ્રાઇવ કેસમાં ફસાઈ હતી કિમ
વર્ષ 2022માં, કિમ પણ એક વિવાદમાં ફસાઈ હતી. તેણે સિઓલમાં એક હાઇ-પ્રોફાઇલ ડ્રિંક એન્ડ ડ્રાઇવ કેસમાં સંડોવાયેલી હતી, જેના કારણે તેણીને 20 મિલિયન વોન ($13,850) નો દંડ ફટકારવામાં આવ્યો હતો. જોકે, બાદમાં કિમે જાહેરમાં માફી માગી અને એક્ટિંગ કારકિર્દીમાંથી પણ વિરામ લીધો.
સાઉથ કોરિયન એક્ટ્રેસનું ભેદી મોત:ઘરમાંથી 24 વર્ષની કિમનો મૃતદેહ મળ્યો; છેલ્લે ‘બ્લડહાઉન્ડ્સ’માં જોવા મળી હતી
