આજે એટલે કે 19 ફેબ્રુઆરીએ સોનું તેના સર્વકાલીન ઉચ્ચતમ સ્તર પર પહોંચી ગયું છે. ઈન્ડિયા બુલિયન એન્ડ જ્વેલર્સ એસોસિએશન (IBJA) અનુસાર, 24 કેરેટ સોનાના 10 ગ્રામનો ભાવ 740 રૂપિયા વધીને 86,430 રૂપિયા થયો છે. અગાઉ સોનું 85,690 રૂપિયા પર હતું. 14 ફેબ્રુઆરીએ સોનાનો ભાવ 86,089 રૂપિયાના સર્વકાલીન ઉચ્ચતમ સ્તર પર પહોંચ્યો હતો. એ જ રીતે, એક કિલો ચાંદીનો ભાવ પણ આજે 967 રૂપિયા વધીને 97,000 રૂપિયા પ્રતિ કિલો થયો છે. ગઈકાલે ચાંદીનો ભાવ 96,023 રૂપિયા પ્રતિ કિલો હતો. 23 ઓક્ટોબર 2024એ ચાંદી તેના સર્વકાલીન ઉચ્ચતમ સ્તર પર પહોંચી ગઈ હતી, જ્યારે તે પ્રતિ કિલો રૂ. 99,151 પર પહોંચી ગઈ હતી. 4 મેટ્રો શહેર અને અમદાવાદમાં સોનાનો ભાવ 1 જાન્યુઆરીથી સોનું 10,268 રૂપિયા મોંઘુ થયું છે .
આ વર્ષે 1 જાન્યુઆરીથી અત્યાર સુધીમાં 24 કેરેટ સોનાના 10 ગ્રામનો ભાવ 76,162 રૂપિયાથી વધીને 86,430 રૂપિયા થયો છે. તે જ સમયે, ચાંદીનો ભાવ પણ 86,017 રૂપિયા પ્રતિ કિલોથી 10,983 રૂપિયા વધીને 97,000 રૂપિયા થયો છે. સોનામાં તેજીના 4 કારણો આ વર્ષે સોનાનો ભાવ 90 હજાર રૂપિયા સુધી પહોંચી શકે છે કેડિયા એડવાઇઝરીના ડિરેક્ટર અજય કેડિયા કહે છે કે મોટી તેજી પછી, સોનામાં ઘટાડો થવાની અપેક્ષા હતી અને તે પહેલાથી જ થઈ ચૂક્યું છે. અમેરિકા પછી યુકે દ્વારા વ્યાજ દરોમાં ઘટાડો અને વધતા જીઓ પોલિટિક્લ ટેન્શનને કારણે સોનાને ટેકો મળી રહ્યો છે. તે જ સમયે, ગોલ્ડ ETFમાં રોકાણ પણ વધી રહ્યું છે. આ કારણે પણ સોનાની માગ વધી રહી છે. આવી સ્થિતિમાં આ વર્ષે સોનું 90 હજાર રૂપિયા પ્રતિ 10 ગ્રામ સુધી પહોંચી શકે છે. સર્ટિફાઇડ સોનું જ ખરીદો
હંમેશા બ્યુરો ઓફ ઇન્ડિયન સ્ટાન્ડર્ડ્સ (BIS) દ્વારા પ્રમાણિત હોલમાર્કવાળું સોનું ખરીદો. સોના પર 6 અંકનો હોલમાર્ક કોડ હોય છે. આને હોલમાર્ક યુનિક આઇડેન્ટિફિકેશન નંબર એટલે કે HUID કહેવામાં આવે છે. આ સંખ્યા આલ્ફાન્યૂમેરિક છે, એટલે કે કંઈક આના જેવી હોય છે.- AZ4524. હોલમાર્કિંગ દ્વારા એ જાણી શકાય છે કે ચોક્કસ સોનું કેટલા કેરેટનું છે.
સોનાનો ભાવ ₹86,430 ઓલટાઇમ હાઇ:આજે ભાવ ₹740 વધ્યો, આ વર્ષે ₹10,268 મોંઘું થયું; ચાંદી ₹967 વધીને ₹97,000 પ્રતિ કિલો થઈ
