હાર્દિક પંડ્યાએ ICC ચેમ્પિયન્સ ટ્રોફી 2025માં પાકિસ્તાન સામે શાનદાર બોલિંગ કરતી વખતે 2 વિકેટ લીધી હતી, પરંતુ મેચમાં બોલિંગ કરતાં પણ વધુ તેના કાંડા પર બાંધેલી કરોડોની ઘડિયાળ સૌથી વધુ ચર્ચામાં રહી છે. ICC ચેમ્પિયન્સ ટ્રોફી 2025માં ભારત અને પાકિસ્તાન વચ્ચેની મેચ આજે 23 ફેબ્રુઆરીના રોજ દુબઈમાં રમાઈ રહી છે. આ મેચમાં ભારતના સ્ટાર ખેલાડી હાર્દિક પંડ્યાએ શાનદાર બોલિંગ કરી છે. તેણે 8 ઓવરમાં માત્ર 31 રન આપીને 2 વિકેટ લીધી હતી. આ મેચ દરમિયાન હાર્દિક એક અનોખી અને મોંઘી ઘડિયાળ પહેરેલો જોવા મળ્યો. જેની તસવીરો સોશિયલ મીડિયા પર ઝડપથી વાઇરલ થઈ રહી છે. આ ઘડિયાળની કિંમત કરોડોમાં હોવાનું કહેવામાં આવી રહ્યું છે. હાર્દિક પંડ્યાની ઘડિયાળની ચર્ચા
પાકિસ્તાન સામેની આ મેચમાં હાર્દિક પંડ્યાએ જે ઘડિયાળ પહેરી હતી તે રિચાર્ડ મિલે દ્વારા બનાવેલ રાફેલ નડાલ સ્કેલેટન ડાયલ એડિશન છે. મીડિયા રિપોર્ટ્સ અનુસાર, આ ઘડિયાળની કિંમત ભારતીય રૂપિયામાં આશરે 7 કરોડ રૂપિયા છે. આ પહેલીવાર નથી જ્યારે હાર્દિક પંડ્યા આટલી મોંઘી ઘડિયાળ પહેરીને જોવા મળ્યો હોય. મેચ દરમિયાન હાર્દિક આ ઘડિયાળ પહેરેલો જોવા મળતાની સાથે જ ચાહકો તેની કિંમત જાણવા માટે ઉત્સુક બન્યા. તમને જણાવી દઈએ કે હાર્દિક પંડ્યા તેની વૈભવી જીવનશૈલી અને મોંઘી ઘડિયાળોના શોખ માટે જાણીતો છે. પાકિસ્તાનની આખી ટીમ 241 રનમાં ઓલઆઉટ
ICC ચેમ્પિયન્સ ટ્રોફી 2025માં પાકિસ્તાનના કેપ્ટન મોહમ્મદ રિઝવાને ટોસ જીતીને પહેલા બેટિંગ કરવાનો નિર્ણય લીધો હતો. પાકિસ્તાની ટીમની શરૂઆત ખૂબ જ ધીમી રહી. રિઝવાન અને સઈદ શકીલની ભાગીદારીએ પાકિસ્તાનને 200 રનની પાર પહોંચાડ્યું હતું. ભારતીય બોલરોએ શાનદાર પ્રદર્શન કર્યું અને આખી પાકિસ્તાની ટીમને 241 રનમાં ઓલઆઉટ કરી દીધી હતી. બોલરોએ શાનદાર પ્રદર્શન કર્યું
ટીમ ઈન્ડિયાની બોલિંગમાં સ્પિનર કુલદીપ યાદવે સૌથી વધુ 3 વિકેટ લીધી, જ્યારે હાર્દિક પંડ્યાએ પણ શાનદાર બોલિંગ કરી અને 2 વિકેટ લીધી. આ ઉપરાંત હર્ષિત રાણા, અક્ષર પટેલ અને રવીન્દ્ર જાડેજાએ પણ બોલિંગ કરતી વખતે 1-1 વિકેટ લીધી હતી. ભારતીય બોલરોની સચોટ લાઇન-લેન્થ અને ઉત્તમ રણનીતિએ પાકિસ્તાનને મોટા સ્કોર સુધી પહોંચતા અટકાવ્યું, જેના કારણે ભારતને મજબૂત સ્થિતિ મળી.
હાર્દિક પાક. સામેની મેચમાં લક્ઝુરીયસ વોચ પહેરીને રમવા ઉતર્યો:ફેન્સે ટ્વીટ કરી કહ્યું- બોસ ઐસા અંધા પૈસા ચાહીએ; તસવીરો સોશિયલ મીડિયામાં વાઇરલ
