સુરત શહેરમાં ટ્રાફિક નિયમોનું ચુસ્ત પાલન કરાવવા માટે સુરત પોલીસ હવે ટેક્નોલોજીનો વધુ ઉપયોગ કરી રહી છે. CCTV કેમેરા અને ‘પબ્લિક એનાઉન્સમેન્ટ સિસ્ટમ’નો ઉપયોગ કરીને હેલ્મેટ વગરના વાહનચાલકોની ઓળખ કરવામાં આવી રહી છે અને તેમની સામે તાત્કાલિક પગલાં લેવામાં આવી રહ્યાં છે. આ નવી વ્યવસ્થા સુરત પોલીસ કમિશનર કચેરીના કંટ્રોલ રૂમથી સંચાલિત થાય છે, જ્યાં પોલીસ કર્મીઓ ત્રણ શિફ્ટમાં કામ કરીને 24×7 ટ્રાફિક પર નજર રાખે છે. કઈ રીતે આ ટેક્નોલોજી કામ કરે છે? ટ્રાફિક પોઇન્ટ પર કેવી રીતે થાય છે એનાઉન્સમેન્ટ? ઉદાહરણ: આ સિસ્ટમ રાત્રે પણ કાર્યરત છે?
હા! સુરત ટ્રાફિક પોલીસ 24×7 આ સિસ્ટમ દ્વારા કામગીરી કરે છે. રાત્રિના સમયે પણ CCTV અને ઇન્ફ્રારેડ કેમેરાઓ હેલ્મેટ વગરના વાહનચાલકોને શોધી શકે છે. ટ્રાફિક પોલીસ ટીમ તાત્કાલિક આવી વ્યક્તિઓની ઓળખ કરીને તેમને દંડ ફટકારે છે. સિસ્ટમના મુખ્ય ફાયદા CCTV કેમેરા અને પબ્લિક એનાઉન્સમેન્ટ સિસ્ટમ
ACP (ટ્રાફિક) એસ. આર. ટંડેલે જણાવ્યું હતું કે, આ ટેક્નોલોજીનો અમલ કરવાનું મુખ્ય ઉદ્દેશ્ય સુરત શહેરના લોકોની સલામતી સુનિશ્ચિત કરવું છે. લગભગ 80% લોકો હવે હેલ્મેટ પહેરીને નીકળે છે, પણ બાકી 20% લોકો હજી પણ આ નિયમનું પાલન કરતા નથી. આ માટે અમે CCTV કેમેરા અને પબ્લિક એનાઉન્સમેન્ટ સિસ્ટમનો ઉપયોગ કરીને નિયમ ભંગ કરનાર સામે પગલાં લઈ રહ્યા છીએ. તેમણે વધુમાં ઉમેર્યું કે, આ વ્યવસ્થાને રાત-દિવસ કાર્યરત રાખવા માટે ટ્રાફિક પોલીસના જવાનો કંટ્રોલ રૂમમાં ત્રણ શિફ્ટમાં કામ કરે છે. આ તમામ જવાનો સતત CCTV ફૂટેજ માધ્યમથી શહેરના દરેક મુખ્ય વિસ્તારો પર નજર રાખે છે અને હેલ્મેટ વગરના વાહન ચાલકો પર તાત્કાલિક કાર્યવાહી કરે છે. હવે સુરતમાં ટ્રાફિક નિયમોનું પાલન ફરજિયાત
જો તમે હેલ્મેટ વગર બાઈક ચલાવશો અને વિચારશો કે તમે ટ્રાફિક પોલીસની નજરમાંથી બચી જશો, તો તે શક્ય નથી. સુરત ટ્રાફિક પોલીસની આ નવી ટેક્નોલોજી સિસ્ટમ 24 કલાક સક્રિય છે અને હેલ્મેટ વગર વાહનચાલકો સામે ત્વરિત કાર્યવાહી કરવા સક્ષમ છે. હવે સુરત શહેરમાં ટ્રાફિક નિયમોનું પાલન કરવું ફરજિયાત બની ગયું છે, લોકોની સુરક્ષા સુનિશ્ચિત થઈ શકે.
હેલ્મેટ પહેર્યા વગર નીકળ્યા તો રોડ પર એનાઉન્સમેન્ટ થશે:સુરત પોલીસ CCTV અને ‘પબ્લિક એનાઉન્સમેન્ટ સિસ્ટમ’થી કરાવશે ટ્રાફિક નિયમોનું પાલન; ત્રણ શિફ્ટમાં 24 કલાક પોલીસકર્મી રહેશે તહેનાત
