મંગળવારે દિલ્હી વિધાનસભા સત્રનો બીજો દિવસ છે. આજે LG વિનય કુમાર સક્સેના વિધાનસભાને સંબોધિત કરશે. આ પછી, ભાજપ સરકાર દ્વારા CAGના તમામ 14 પેન્ડિંગ રિપોર્ટ રજૂ કરવામાં આવશે. રિપોર્ટમાં જણાવાયું છે કે આમ આદમી પાર્ટી (AAP) સરકારની ખોટી લિકર પોલિસીને કારણે દિલ્હીને 2026 કરોડ રૂપિયાનું નુકસાન થયું છે. વિધાનસભામાં LGના સંબોધન પર આભાર પ્રસ્તાવ પર ચર્ચા થશે. સૂત્રોના જણાવ્યા અનુસાર ભાજપ લિકર પોલિસી અંગે જૂની આમ આદમી પાર્ટી (AAP) સરકાર પર હુમલો કરશે. તે જ સમયે, AAP દિલ્હીની મહિલાઓને 2500 રૂપિયા આપવાના વડાપ્રધાન મોદીના વચનને પૂર્ણ કરવામાં વિલંબ અંગે સરકારને ઘેરશે.
