અમેરિકાના રાષ્ટ્રપતિ ડોનાલ્ડ ટ્રમ્પે ‘ટ્રમ્પ ગોલ્ડ કાર્ડ’ નામનો નવો વિઝા કાર્યક્રમ શરૂ કર્યો છે. તેને 5 મિલિયન ડોલર (રૂ. 44 કરોડ)માં ખરીદી શકાય છે. ટ્રમ્પે આને અમેરિકી નાગરિકતા મેળવવાનો માર્ગ ગણાવ્યો છે. યુએસ રાષ્ટ્રપતિએ ‘ટ્રમ્પ ગોલ્ડ કાર્ડ’ને EB-5 વિઝા કાર્યક્રમના વિકલ્પ તરીકે વર્ણવ્યું અને કહ્યું કે ભવિષ્યમાં 10 લાખ ગોલ્ડ કાર્ડ વેચવામાં આવશે. તેમણે કહ્યું કે આ વિઝા કાર્ડ અમેરિકન નાગરિકતાનો માર્ગ ખોલશે. આ કાર્ડ ખરીદીને લોકો અમેરિકા આવશે અને અહીં ઘણો ટેક્સ ચૂકવશે. તેમણે દાવો કર્યો હતો કે આ પહેલથી રાષ્ટ્રીય દેવું ટૂંક સમયમાં ચૂકવાઈ શકે છે. ગ્રીન કાર્ડના લાભ સાથે નાગરિકતા
મંગળવારે વાણિજ્ય સચિવ હોવર્ડ લુટનિક સાથે એક્ઝિક્યુટિવ ઓર્ડર પર હસ્તાક્ષર કરતી વખતે ટ્રમ્પે કહ્યું, અમે ગોલ્ડ કાર્ડ વેચવા જઈ રહ્યા છીએ. અમે તે કાર્ડનું મૂલ્ય લગભગ $5 મિલિયન આંકવા જઈ રહ્યા છીએ. તેમણે આગળ કહ્યું, આનાથી તમને ગ્રીન કાર્ડનો વિશેષાધિકાર મળશે અને તે (અમેરિકન) નાગરિકતા મેળવવાનો માર્ગ પણ બનશે. અમીર લોકો આ કાર્ડ ખરીદશે અને આપણા દેશમાં આવશે. ટ્રમ્પે કહ્યું કે નવી યોજના વિશે વિગતો ટૂંક સમયમાં આવશે. ટ્રમ્પ કયા EB-5 પ્રોગ્રામમાં ફેરફાર કરવાના છે?
USCIS વેબસાઇટ અનુસાર, EB-5 ઇમિગ્રન્ટ રોકાણકાર કાર્યક્રમ 1990માં કોંગ્રેસ દ્વારા વિદેશી રોકાણકારો દ્વારા રોજગાર સર્જન અને મૂડી રોકાણ દ્વારા યુ.એસ. અર્થતંત્રને ઉત્તેજીત કરવા માટે સ્થાપિત કરવામાં આવ્યો હતો. આ કાર્યક્રમ યુ.એસ. સિટિઝનશિપ એન્ડ ઇમિગ્રેશન સર્વિસીસ (USCIS) દ્વારા સંચાલિત છે. USCIS મુજબ, રોકાણકારો તેમના જીવનસાથી અને 21 વર્ષથી ઓછી ઉંમરના અપરિણીત બાળકો EB-5 કાર્યક્રમ હેઠળ કાયમી નિવાસ માટે પાત્ર છે. જો તેઓ બિન-લક્ષિત રોજગાર ક્ષેત્ર (TEA) પ્રોજેક્ટમાં $1.8 મિલિયન અથવા TEA પ્રોજેક્ટમાં ઓછામાં ઓછા $800,000નું રોકાણ કરે છે. રોકાણકારે લાયક યુ.એસ. કામદારો માટે ઓછામાં ઓછી 10 કાયમી, પૂર્ણ-સમયની નોકરીઓ પણ બનાવવી અથવા જાળવી રાખવી આવશ્યક છે. 10 લાખ ગોલ્ડ કાર્ડ વેચવાનો લક્ષ્યાંક
અમેરિકાના રાષ્ટ્રપતિ ડોનાલ્ડ ટ્રમ્પે કહ્યું છે કે, ભવિષ્યમાં 10 લાખ ગોલ્ડ કાર્ડ વેચવામાં આવશે. આ પહેલનો ઉદ્દેશ 35 વર્ષ જૂના EB-5 વિઝા કાર્યક્રમને બદલવાનો છે. જેની શરૂઆત અમેરિકાએ 1990માં વિદેશી રોકાણકારોને પ્રોત્સાહિત કરવા માટે કરી હતી.
ટ્રમ્પની ‘ગોર્લ્ડ કાર્ડ વિઝા ઓફર’:નાગરિકતા મેળવવા માટે અમેરિકાના રાષ્ટ્રપતિની ઓપન ઓફર: 50 લાખ ડોલર આપો અને અમેરિકામાં રહો
