કોરિયોગ્રાફર સરોજ ખાને એક જૂના ઇન્ટરવ્યૂમાં જણાવ્યું હતું કે શરૂઆતમાં તેમણે ગોવિંદાને ફ્રીમાં ડાન્સ શીખવ્યો હતો. તે સમયે ગોવિંદાની આર્થિક સ્થિતિ સારી નહોતી. જોકે, સફળતા મળ્યાં પછી, ગોવિંદાએ કોઈક રીતે સરોજ ખાનને મદદ કરી અને તેમની જૂની ફી પરત કરી. એક વાર સરોજ ખાનની હાલત ખૂબ જ ખરાબ હતી. તેમને હોસ્પિટલમાં દાખલ કરવામાં આવ્યાં હતાં. ત્યારે ગોવિંદાએ તબીબી ખર્ચ માટે 4 લાખ રૂપિયા આપ્યાં હતાં. ‘મારી પાસે પૈસા નથી’
સરોજ ખાને કહ્યું હતું કે, ગોવિંદાજીએ મને શરૂઆતમાં કહ્યું હતું – માસ્ટરજી, હું વિરારથી ટિકિટ વિના આવ્યો છું. મારી પાસે તમને આપવા માટે પૈસા નથી. પછી મેં તેને પૂછ્યું કે શું મેં પૈસા માગ્યાં હતાં. જ્યારે તું સ્ટાર બનીશ, ત્યારે હું માંગીશ અને પછીથી તેને બ્રેક મળ્યો. ગોવિંદાએ પહેલી વાર 24 હજારની ગુરુ દક્ષિણા આપી
સરોજ ખાને એમ પણ કહ્યું હતું કે જ્યારે ગોવિંદાએ કમાવાનું શરૂ કર્યું ત્યારે તેણે તેમને ગુરુ દક્ષિણા આપી હતી. સરોજ ખાને કહ્યું હતું- એક દિવસ એક 10 વર્ષનો છોકરો મારી પાસે આવ્યો અને મને એક પરબિડીયું આપ્યું. હું એક સ્ટુડિયોમાં બેઠી હતી. છોકરાએ પૂછ્યું કે શું તમે સરોજ ખાન છો. જ્યારે મેં હા પાડી, ત્યારે તેણે મને પરબિડીયું આપ્યું અને કહ્યું – આ ચિચી ભૈયાએ આપ્યું છે. પરબિડીયું પર ગુરુ દક્ષિણા લખેલી હતી. તેમાં 24 હજાર રૂપિયા હતા અને એક કાગળ પર લખ્યું હતું- હવે હું ગુરુ દક્ષિણા આપી શકું છું. ગોવિંદાએ સારવાર માટે 4 લાખ રૂપિયાનું આપ્યાં હતાં
ગોવિંદાએ સરોજ ખાનને ગંભીર બીમારીથી પીડાતી વખતે પણ મદદ કરી હતી. સરોજ ખાને આ વિશે કહ્યું હતું કે, ઘણો સમય વીતી ગયો હતો. હું ‘દેવદાસ’ ફિલ્મનું ‘ડોલા રે ડોલા’ ગીત કરી રહી હતી. તે સમયે હું બીમાર પડી. મને હોસ્પિટલમાં દાખલ કરવામાં આવી. ડોક્ટરોએ કહ્યું કે મને બચાવી શકાશે નહીં. પછી એક રાત્રે, ગોવિંદા હોસ્પિટલમાં આવ્યો અને મારી મોટી દીકરીને એક પાર્સલ આપ્યું અને કહ્યું કે સરોજજીને કહો તેનો દીકરો આવ્યો છે. મારી સારવાર માટે તે પાર્સલમાં 4 લાખ રૂપિયા હતા. આ તેમનો ઉછેર છે. મારી એકેડેમી પણ ગોવિંદાના કારણે શરૂ થઈ હતી.
સરોજ ખાને ગોવિંદાને મફતમાં ડાન્સ શીખવ્યો:કહ્યું- તેની પાસે પૈસા નહોતા; બાદમાં એક્ટરે પૈસાની મદદ કરી કોરિયોગ્રાફરનો જીવ બચાવ્યો
