આગ્રામાં અતુલ સુભાષ જેવો કિસ્સો:IT કંપનીના મેનેજરની આત્મહત્યા, વીડિયોમાં યુવકે કહ્યું- પત્નીની હેરાનગતિથી કંટાળી ગયો છું; પ્લીઝ કોઈ તો પુરુષો વિશે વિચારો

આગ્રામાં AI એન્જિનિયર અતુલ સુભાષની આત્મહત્યા જેવો જ એક મામલો સામે આવ્યો છે. આગ્રામાં IT કંપનીના એક મેનેજરે ગળો ફાંસો ખાઈને આત્મહત્યા કરી છે. TCS મેનેજરે પોતાની પત્નીથી નારાજ થઈને વીડિયો બનાવીને આત્મહત્યા કરી છે. વીડિયોમાં મેનેજરે કહ્યું- માફ કરશો મમ્મી-પપ્પા. હું મારી પત્નીથી કંટાળી ગયો છું. કૃપા કરીને કોઈ તો પુરુષો વિશે વાત કરો, તેઓ ખૂબ જ એકલા પડી જાય છે. મારી પત્ની મને ધમકી આપે છે. આ 6.57 મિનિટનો વીડિયો 24 ફેબ્રુઆરીનો છે. મૃતકના પિતાએ સીએમ પોર્ટલ પર ફરિયાદ નોંધાવી છે. આ ઘટનાએ બેંગલુરુના અતુલ સુભાષ આત્મહત્યા કેસની યાદ અપાવી છે. માનવ શર્મા મુંબઈમાં કામ કરતો હતો
સદર વિસ્તારના ડિફેન્સ કોલોનીનો રહેવાસી માનવ શર્મા મુંબઈમાં TCSમાં રિક્રુટમેન્ટ મેનેજર તરીકે કામ કરતો હતો. એરફોર્સમાંથી નિવૃત્ત પિતા નરેન્દ્ર શર્માએ જણાવ્યું – પુત્રના લગ્ન 30 જાન્યુઆરી 2024ના રોજ બરહન સાથે થયા હતા. પિતા નરેન્દ્ર શર્માએ કહ્યું, લગ્ન પછી પુત્રવધૂ પણ તેના દીકરા પાસે મુંબઈ ગઈ હતી. થોડા દિવસો બધું બરાબર ચાલ્યું, પણ તે પછી પુત્રવધૂ દરરોજ ઝઘડવા લાગી. તેણે પરિવારને ખોટા કેસમાં ફસાવવાની ધમકી આપવાનું શરૂ કર્યું. પુત્રવધૂએ તેના બોયફ્રેન્ડ સાથે રહેવાની વાત કરતી હતી. અમને લગ્ન પહેલા કહેવામાં આવ્યું નહોતું કે પુત્રવધૂનું પહેલેથી જ કોઈ અન્ય સાથે અફેર હતું. જો અમને ખબર હોત તો અમે ક્યારેય તેની સાથે પુત્રના લગ્ન ન કરાવ્યા હોત. 23 ફેબ્રુઆરીના રોજ પુત્રવધૂ અને પુત્ર મુંબઈથી ઘરે આવ્યા. તે જ દિવસે, માનવ તેની પત્નીને મુકવા માટે તેના સાસરિયાના ઘરે ગયો હતો. ત્યાં માનવને તેના સાસરિયાઓ દ્વારા ધમકી આપવામાં આવી. બીજા દિવસે (24 ફેબ્રુઆરી) સવારે 5 વાગ્યે દીકરાએ ઘરે ગળે ફાંસી ખાઈને આત્મહત્યા કરી. અમે તેને હોસ્પિટલમાં લઈ ગયા, જ્યાં ડોક્ટરોએ તેને મૃત જાહેર કર્યો. 26 ફેબ્રુઆરીના રોજ, હું ફરિયાદ કરવા પોલીસ સ્ટેશન ગયો. ત્યાંના પોલીસકર્મીઓએ કેસ નોંધવાનો ઇનકાર કર્યો. કહ્યું કે અધિકારીઓ મહાશિવરાત્રીવની ડ્યુટી પર છે. હું ઘરે પાછો ફર્યો. પછી મેં સીએમ પોર્ટલ પર ફરિયાદ પત્ર લખ્યો. ‘પપ્પા માફ કરજો, મમ્મી માફ કરજો, અક્કુ સોરી’
માનવે વીડિયોમાં કહ્યું- હું તો જતો રહીશ. પણ પુરુષો વિશે વિચારજો, કૃપા કરીને કોઈ તો પુરુષો વિશે વાત કરો. બિચારા ખૂબ જ એકલા હોય છે. પપ્પા માફ કરશો, મમ્મી માફ કરશો, અક્કુ સોરી. મારા ગયા પછી બધું ઠીક થઈ જશે. માનવે કહ્યું- મેં પહેલા પણ આત્મહત્યા કરવાનો પ્રયાસ કર્યો હતો. આ પછી તે રડવા લાગે છે. છેલ્લી ઘડીએ હસે છે. છેલ્લી ઘડીએ પોતાના આંસુ લૂછતા- લૂછતા તે કહે છે, ડોન્ટ ટચ માય પેરેન્ટ. ઇન્સ્પેક્ટરે કહ્યું- પરિવારના સભ્યોએ કોઈ ફરિયાદ આપી ન હતી
ઇન્સ્પેક્ટર સદર વિરેશ પાલ ગિરીએ જણાવ્યું હતું કે પોસ્ટમોર્ટમ સમયે પરિવારે કોઈ ફરિયાદ નોંધાવી ન હતી. ગુરુવારે મોડી રાત્રે વોટ્સએપ પર ફરિયાદ મળી હતી. આ મામલે કેસ નોંધવામાં આવી રહ્યો છે. 9 ડિસેમ્બરના રોજ, AI એન્જિનિયર અતુલ સુભાષે આત્મહત્યા કરી હતી
આ પહેલા 9 ડિસેમ્બરે, AI એન્જિનિયર અતુલ સુભાષે બેંગલુરુમાં તેમના ફ્લેટમાં એક સુસાઇડ નોટ અને વીડિયો બનાવીને આત્મહત્યા કરી હતી. આ પછી, અતુલના પરિવારે તેની પત્ની નિકિતા સિંઘાનિયા અને તેના પરિવાર પર અતુલને આત્મહત્યા માટે ઉશ્કેરવાનો આરોપ લગાવ્યો હતો.