આ મહિને ખતમ થઈ રહી SBIની બે ખાસ ડિપોઝિટ સ્કીમ:તેમાં મળી રહેલાં 7.75% સુધી વાર્ષિક વ્યાજ, જાણો તેનાથી સંબંધિત ખાસ વાતો

સ્ટેટ બેંક ઓફ ઈન્ડિયા (SBI) ની ખાસ ફિક્સ્ડ ડિપોઝિટ યોજનાઓ ‘અમૃત કળશ’ અને ‘અમૃત વૃષ્ટિ’ આ મહિને 31 માર્ચે સમાપ્ત થઈ રહી છે. અમૃત કળશમાં, વરિષ્ઠ નાગરિકોને 7.60% વાર્ષિક વ્યાજ અને અન્ય લોકોને 7.10% વાર્ષિક વ્યાજ આપવામાં આવી રહ્યું છે. આ ફિક્સ્ડ ડિપોઝિટ સ્કીમમાં 400 દિવસ માટે રોકાણ કરવાનું રહેશે. SBI ‘અમૃત વૃષ્ટિ’ યોજના હેઠળ, 444 દિવસ માટે FD પર 7.25% વાર્ષિક વ્યાજ આપવામાં આવી રહ્યું છે. જ્યારે વરિષ્ઠ નાગરિકોને વાર્ષિક 7.75% ના દરે વ્યાજ આપવામાં આવી રહ્યું છે. તમે આ યોજનામાં 31 માર્ચ, 2025 સુધી રોકાણ પણ કરી શકો છો. તમે ઓનલાઈન અથવા ઓફલાઈન રોકાણ કરી શકો છો
આ યોજનામાં રોકાણ કરવા માટે તમે બેંક શાખાની મુલાકાત લઈને પણ રોકાણ કરી શકો છો. તેમાં નેટબેંકિંગ અને SBI YONO એપ દ્વારા પણ રોકાણ કરી શકાય છે. સામાન્ય FD ની જેમ, અમૃત કળશ પર પણ લોન લેવાની સુવિધા ઉપલબ્ધ છે. SBI ‘WeCare’ યોજનામાં રોકાણ કરવાની તક
SBI બીજી એક ખાસ ટર્મ ડિપોઝિટ (FD) યોજના ‘WeCare’ પણ ચલાવે છે. SBIની આ યોજનામાં વરિષ્ઠ નાગરિકોને 5 વર્ષ કે તેથી વધુ સમયગાળાની થાપણો (FD) પર 50 બેસિસ પોઈન્ટનું વધારાનું વ્યાજ મળશે. 5 વર્ષથી ઓછી મુદતની રિટેલ ટર્મ ડિપોઝિટ પર વરિષ્ઠ નાગરિકોને સામાન્ય લોકો કરતા 0.50% વધુ વ્યાજ મળે છે. આવી સ્થિતિમાં, ‘વી કેર ડિપોઝિટ’ યોજના હેઠળ, સામાન્ય નાગરિકોની તુલનામાં 5 વર્ષ કે તેથી વધુ સમયગાળાની FD પર 1% વધુ વ્યાજ મળશે. આ મુજબ, વરિષ્ઠ નાગરિકોને 5 વર્ષ કે તેથી વધુ સમય માટે FD પર 7.50% વ્યાજ મળી રહ્યું છે.