શ્રીદેવીની મરજી વિરુદ્ધ ફિલ્મોમાં આવી:જાન્હવીએ ‘ધડક’ના સેટ મમ્મીને આવવા ન દીધી; ડેબ્યુ પહેલા જ ખાનગી ફોટા લીક થયા

આજે જાન્હવી કપૂરનો 28મો જન્મદિવસ છે, તે તેની એક્ટિંગ સાથે સાથે સ્ટાઇલિશ અને ગ્લેમરસ લુક માટે પણ જાણીતી છે. તે હંમેશા તેના ડ્રેસિંગ સેન્સથી એક અલગ ફેશન ટ્રેન્ડ સેટ કરે છે. આ જ કારણ છે કે તે ઘણીવાર તેના દરેક લૂકમાં અદભુત લાગે છે, પછી ભલે તે પશ્ચિમી ડ્રેસ હોય કે એથનિક. ફિલ્મ ‘ધડક’થી પોતાનું ફિલ્મી કરિયર શરૂ કરનારી જાન્હવી બાળપણથી જ એક્ટ્રેસ બનવા માગતી હતી, પરંતુ તેની માતા અને દિગ્ગજ દિવંગત એક્ટ્રેસ શ્રીદેવી ક્યારેય ઇચ્છતી ન હતી કે તે ફિલ્મી દુનિયામાં પ્રવેશ કરે. પરંતુ તેના પિતાની મદદથી, તેણે કોઈક રીતે શ્રીદેવીને મનાવી લીધી અને વર્ષ 2018 માં ડેબ્યૂ કર્યું. જોકે, આ એ વર્ષ હતું જ્યારે શ્રીદેવીનું તેમની પુત્રીની પહેલી ફિલ્મ રિલીઝ થવાના પાંચ મહિના પહેલા જ અવસાન થયું હતું. તે તેની દીકરીની પહેલી ફિલ્મ જોઈ શકી નહીં. આજે જાન્હવી કપૂર પોતાનો 28મો જન્મદિવસ ઉજવી રહી છે. આ ખાસ પ્રસંગે, ચાલો તેના જીવન સાથે જોડાયેલી કેટલીક રસપ્રદ વાતો જાણીએ. શ્રીદેવી જાન્હવીના એક્ટિંગ કરિયરની વિરુદ્ધ હતી જાન્હવીને બાળપણથી જ એક્ટિંગનો ખૂબ શોખ હતો. તે શાળાના દિવસોથી જ મોડેલિંગ અને ડાન્સ કોમ્પિટિશનમાં ભાગ લેતી હતી, પરંતુ તેની માતા શ્રીદેવી ક્યારેય ઇચ્છતી ન હતી કે તે ફિલ્મ ઇન્ડસ્ટ્રીમાં આવે. જાન્હવીએ એક ઇન્ટરવ્યૂમાં આ વાતનો ખુલાસો કર્યો હતો. તેણે કહ્યું કે તેના માતા-પિતા બંને ફિલ્મ ઉદ્યોગ સાથે સંકળાયેલા હતા. તેથી, તેણીને બાળપણથી જ એક્ટિંગમાં રસ પડ્યો, પરંતુ માતા શ્રીદેવી ઇચ્છતી ન હતી કે તેની પુત્રી સંઘર્ષ અને તણાવથી ભરેલા જીવનનો સામનો કરે. શ્રીદેવી ઇચ્છતી હતી કે જ્હાન્વી ડૉક્ટર બને પરંતુ જ્હાન્વી એક્ટિંગમાં કરિયર બનાવવા માગતી હતી. તેણે પોતાની માતાને મનાવવા માટે તેના પિતા બોની કપૂરની મદદ લીધી, ત્યારબાદ તેણે શ્રીદેવી પાસેથી બોલિવૂડમાં પ્રવેશ માટે સંમતિ મેળવી. શ્રીદેવીએ બાળકોના બાથરૂમમાંથી લોક કઢાવવી નાખ્યા હતા શ્રીદેવી હંમેશા બાળકોની ચિંતા કરતી હતી. એકવાર, જ્હાન્વી ચેન્નાઈમાં તેની માતા (શ્રીદેવી) ના ઘરે ગઈ. આ દરમિયાન તેણે જણાવ્યું કે શ્રીદેવીએ ક્યારેય તેમને અને તેમની નાની બહેન ખુશીને બાથરૂમ બંધ કરવા દીધા નહીં. બાળકો પોતાની મરજી મુજબ ન કરે તે માટે, શ્રીદેવીએ બાથરૂમના લોક કઢાવી નાખ્યા હતા.આનું એક કારણ એ હતું કે બાળકો બાથરૂમમાં મોબાઈલ ફોનનો ઉપયોગ ન કરે. બોલિવૂડમાં ડેબ્યૂ પહેલાં મહેશ બાબૂની ફિલ્મ ઠુકરાવી હતી.
‘ગજની’ અને ‘સ્પાઇડર’ જેવી સુપરહિટ ફિલ્મો બનાવી ચૂકેલા દિગ્દર્શક એ.આર. મુરુગદાસ એક સમયે જાન્હવી કપૂરને દક્ષિણ સિનેમામાં લોન્ચ કરવા માગતા હતા. તેણે મહેશ બાબુની સામે જાન્હવીને કાસ્ટ કરવાની પણ ઓફર કરી, પરંતુ જાન્હવીએ આ ઓફર નકારી કાઢી. બોલિવૂડ લાઈફ સાથેના એક ઈન્ટરવ્યૂમાં જાન્હવીએ કહ્યું કે તે સમયે તેને સમજાતું નહોતું કે તેણે શું જવાબ આપવો જોઈએ. આવી સ્થિતિમાં, તેણે ડિરેક્ટરને તેના માતાપિતા સાથે વાત કરવા કહ્યું. પહેલી ફિલ્મના શૂટિંગ દરમિયાન માતા હાજર રહેતી હતી, રિલીઝના 5 મહિના પહેલા જ તેમનું અવસાન થયું હતું સાઉથની ફિલ્મ નકારી કાઢ્યા પછી, જાન્હવી કપૂરે કરણ જોહરના પ્રોડક્શનની ફિલ્મ ‘ધડક’ સાઇન કરી. આ ફિલ્મના શૂટિંગ દરમિયાન શ્રીદેવી ઘણીવાર સેટ પર હાજર રહેતી હતી. આ શાહિદ કપૂરના સાવકા ભાઈ ઈશાન ખટ્ટરની પણ પહેલી ફિલ્મ હતી. ફિલ્મના શૂટિંગના છેલ્લા થોડા દિવસો બાકી હતા. તે જુલાઈ 2018 માં રિલીઝ થવાની હતી અને તેની બધી તૈયારીઓ પૂરજોશમાં ચાલી રહી હતી, પરંતુ તેના બરાબર 5 મહિના પહેલા, 24 ફેબ્રુઆરી, 2018 ના રોજ, શ્રીદેવીનું દુબઈની એક હોટલમાં અવસાન થયું. જાન્હવીએ એક ઇન્ટરવ્યૂમાં કહ્યું હતું કે, ‘જ્યારે મેં મારી પહેલી ફિલ્મ માટે કામ કરવાનું શરૂ કર્યું, ત્યારે હું એટલી સભાન હતી કે હું મારી માતાથી સંપૂર્ણપણે અલગ થવા માગતી હતી, કારણ કે લોકો એવું માનતા હતા કે મને મારી પહેલી ફિલ્મ એટલા માટે મળી કારણ કે હું શ્રીદેવી કપૂરની પુત્રી છું.’ ‘તે સમયે, હું એક અલગ જ દુનિયામાં ચાલી ગઈ હતી અને મેં નક્કી કર્યું હતું કે હું મારી માતા પાસેથી કોઈ મદદ નહીં લઉં. હું મારી માતાની એક્ટિંગથી બિલકુલ અલગ રીતે અભિનય કરીશ. એટલા માટે હું તેને સેટ પર ન આવવા કહેતો.’ ‘હું તે સમયે નાસમજ હતી. હું તેમની પુત્રી છું અને હું આ સત્યથી ભાગી શકતી નથી. હવે જ્યારે તે નથી, તો આ મારો સૌથી મોટો અફસોસ છે. મને લાગે છે કે મારી માતાને ગુમાવવી એ મારા જીવનની સૌથી મોટી લડાઈ હતી. હું ‘ધડક’નું શૂટિંગ કરી રહી હતી અને તે સમયે મારી માતાની વિદાય મારા માટે ખૂબ જ મોટો આઘાત હતો. આ દુ:ખ દૂર કરવું મારા માટે ખૂબ જ મુશ્કેલ હતું. મારી માતા ક્યારેય ઇચ્છતી નહોતી કે હું ફિલ્મોમાં જોડાઉં. દુ:ખના પહાડને પાર કરીને ઇચ્છાશક્તિને કામમાં લાવવી એ એક મોટું કામ હતું, પરંતુ પછી ફિલ્મોના કારણે જ મેં મારી જાતને મજબૂત બનાવી.’ શ્રીદેવી પછી, તે રેખા પાસેથી કરિયર અંગે સલાહ લે છે
જાન્હવી કપૂર અને દિગ્ગજ એક્ટ્રેસ રેખા વચ્ચે ગાઢ સંબંધ છે. એક ઇન્ટરવ્યૂમાં જાન્હવીએ કહ્યું હતું કે જ્યારે તેની માતાએ પહેલીવાર હિન્દી ફિલ્મ ઇન્ડસ્ટ્રીમાં પગ મૂક્યો હતો. તે સમયે તે ખોવાઈ ગયાનો અનુભવ કરતી હતી. આવી સ્થિતિમાં રેખાએ તેને મદદ કરી. તેમનો સંબંધ ખૂબ જ ખાસ હતો. બાળકો સમજી ન શકે તે માટે બંને ઘણીવાર તમિલમાં વાત કરતા હતા. જો જાન્હવીનું માનીએ તો, તેના જન્મ પછી, શ્રીદેવીએ પરિવાર પર ધ્યાન કેન્દ્રિત કરવાનું શરૂ કર્યું અને થોડા સમય માટે ફિલ્મી દુનિયાથી દૂર રહી. તે સમય દરમિયાન રેખા અને શ્રીદેવી વચ્ચે કોઈ સંપર્ક નહોતો. પણ જ્યારે એક દિવસ રેખા તેના ઘરે લંચ માટે આવી ત્યારે જ્હાન્વી લગભગ 14 વર્ષની હતી. પછી રેખાએ તેને કહ્યું હતું કે તે તેને ‘પેદ્દામ્મા’ કહે . તમિલમાં તેનો અર્થ ‘મોટી માતા’ થાય છે. તેણે કહ્યું કે શ્રીદેવીના મૃત્યુ પછી તે (રેખા) જ પાસેથી જ કરિયર અંગે સલાહ લે છે. જાન્હવીએ ઇન્ડસ્ટ્રીમાં 7 વર્ષ પૂર્ણ કર્યા
2018માં, તેણે ફિલ્મ ધડકથી ફિલ્મી કરિયરની શરૂઆત કરી. હવે તેણે બોલિવૂડ ઇન્ડસ્ટ્રીમાં સાત વર્ષ પૂર્ણ કર્યા છે. જોકે, કોવિડ-19 રોગચાળા અને લોકડાઉનને કારણે તેની થિયેટર ફિલ્મ થોડા વર્ષો સુધી રિલીઝ થઈ ન હતી. આજ સુધી, તેણે કુલ દસ ફિલ્મો કરી છે, જેમાંથી છ થિયેટરોમાં રિલીઝ થઈ હતી અને બાકીની પ્લેટફોર્મ પર સ્ટ્રીમ થઈ હતી. સાઉથમાં ડેબ્યૂ કર્યું, ત્યારે માતાનો સંઘર્ષ સમજાયો – જાન્હવી
જાન્હવીએ ફિલ્મ ‘દેવરા: પાર્ટ 1’ થી સાઉથ ઇન્ડસ્ટ્રીમાં ડેબ્યૂ કર્યું હતું. આ ફિલ્મમાં તેની સાથે જુનિયર એનટીઆર જોવા મળ્યો હતો. એક ઇન્ટરવ્યૂમાં, જાહ્નવીએ તેના સાઉથ ડેબ્યૂની તુલના તેની માતા શ્રીદેવીના બોલિવૂડ ડેબ્યૂ સાથે કરી. તેણે કહ્યું હતું કે, ‘આ ખૂબ જ આઇકોનિક છે કારણ કે જ્યારે (શ્રીદેવી) બોલિવૂડમાં કામ કરવાનું શરૂ કરતી હતી, ત્યારે તેને હિન્દી આવડતી નહોતી.’ લોકો તેને ‘પોપટ’ કહેતા. તે ડાયલોગ સાંભળતી અને તેને રટતી હતી. શરૂઆતમાં, તેને ઘણું વિચિત્ર લાગતું હતું. ‘જ્યારે મેં તેલુગુ સિનેમામાં ડેબ્યુ કર્યું ત્યારે મને તે ભાષા બિલકુલ આવડતી નહોતી. હું ફક્ત તમિલ ભાષા જ જાણું છું. હું મારા સંવાદો રેકોર્ડ કરતી હતી, પણ આ ફિલ્મ કર્યા પછી મને એવું લાગ્યું કે હું ઘરે પાછી ફરી રહી છું.’ શિખર પહાડિયા સાથેની તસવીર વાયરલ થતાં માતા શ્રીદેવી ગુસ્સે થઈ ગઈ હતી જાન્હવી ઘણીવાર તેના અંગત જીવનને લઈને પણ સમાચારમાં રહે છે. હાલમાં તે શિખર પહાડિયાને ડેટ કરી રહી છે. જોકે, બંનેએ ક્યારેય પોતાના સંબંધો વિશે સત્તાવાર નિવેદન આપ્યું નથી. તેઓ ઘણી વખત સાથે જોવા મળે છે. જાન્હવીના જીવનમાં એક એવો સમય આવ્યો જ્યારે શિખર સાથેનો તેનો સંબંધ સમાપ્ત થઈ ગયો. કારણ તેમનો વાયરલ થયેલો ફોટો હતો. મીડિયા રિપોર્ટ્સ અનુસાર, જ્યારે જાન્હવી બોલિવૂડમાં ડેબ્યૂ કરવાની હતી. તે સમયે પણ તે શિખરને ડેટ કરી રહી હતી, પરંતુ શ્રીદેવી આ સંબંધની વિરુદ્ધ હતી. આ દરમિયાન, બંનેનો એક ફોટો વાયરલ થયો જેમાં તેઓ એકબીજાને કિસ કરી રહ્યા હતા. અહેવાલો અનુસાર, શિખર અને જહાન્વનો કિસિંગ ફોટો વાયરલ થયા પછી તરત જ તેમના સંબંધોનો અંત આવી ગયો હતો કારણ કે જાન્હવી કપૂર ફિલ્મ ‘ધડક’થી બોલિવૂડમાં ડેબ્યૂ કરવા માટે તૈયાર હતી. આવી સ્થિતિમાં, તેની માતા શ્રીદેવી ઇચ્છતી હતી કે તેની પુત્રી તેના કરિયર પર સંપૂર્ણ ધ્યાન કેન્દ્રિત કરે. તેથી, જાન્હવી અને શિખર પહાડિયાએ આ સંબંધનો અંત લાવીને અલગ થવાનું શ્રેષ્ઠ માન્યું. શિખર દિલ્હીનો છે અને ભૂતપૂર્વ કેન્દ્રીય મંત્રી સુશીલ કુમાર શિંદેનો પૌત્ર છે. જ્હાન્વી અને ખુશી એક જ છોકરાને ડેટ કરી રહી હતી જાન્હવી કપૂરનું નામ અક્ષત રંજન સાથે પણ જોડાયું છે. ઘણી વખત બંનેને સાથે ક્વોલિટી ટાઈમ વિતાવતા જોવા મળ્યા હતા. અક્ષતે બોસ્ટનની ટફ્ટ્સ યુનિવર્સિટીમાંથી અભ્યાસ કર્યો છે. જાન્હવીએ પણ ત્યાંથી જ અભ્યાસ કર્યો. અક્ષત ઘણા પારિવારિક કાર્યક્રમોમાં જાન્હવી સાથે જોવા મળ્યો હતો. જોકે, બંનેએ ક્યારેય પોતાના સંબંધોને સત્તાવાર રીતે જાહેર કર્યા નહીં. અક્ષતનું શ્રીદેવી સાથે પણ ખૂબ સારું બોન્ડિંગ હતું. તે જ સમયે, એવા સમાચાર પણ બહાર આવ્યા કે જાન્હવી અને બહેન ખુશી કપૂર અક્ષત રંજનને ડેટ કરી રહ્યા છે. એક ઇન્ટરવ્યૂમાં, એક્ટ્રેસે કહ્યું હતું કે, ‘મેં સાંભળેલી સૌથી ખરાબ અફવા એ હતી કે હું અક્ષત રંજનને ડેટ કરી રહી હતી, જે મારો બાળપણનો મિત્ર છે, અને તેની સાથે બ્રેકઅપ થયા પછી, ખુશી તેને ડેટ કરી રહી હતી, જ્યારે એવું કંઈ નથી.’ અમે ત્રણેય ખૂબ સારા મિત્રો છીએ અને બાળપણથી એકબીજાને જાણીએ છીએ’ માતા શ્રીદેવીની યાદમાં જ્હાન્વી તિરુમાલા જાય છે જ્હાન્વી કપૂર હંમેશા તેની માતા અને પિતા બોની કપૂરના જન્મદિવસ પર તિરુમાલા તિરુપતિના દર્શન કરવા જાય છે. જાન્હવીએ એક ઇન્ટરવ્યૂમાં એ પણ જણાવ્યું હતું કે તે ત્યાં કેમ જાય છે. ખરેખર, આ મંદિર જાન્હવી માટે ખૂબ જ ખાસ છે. શ્રીદેવી પણ ઘણીવાર આ મંદિરમાં દર્શન માટે જતા હતા અને એવું કહેવાય છે કે જાન્હવી પણ તેની માતાની આ પરંપરા જાળવી રાખવા માગે છે.