આ સપ્તાહે સોના અને ચાંદીના ભાવમાં વધારો થયો હતો. ઈન્ડિયા બુલિયન એન્ડ જ્વેલર્સ એસોસિએશન (IBJA) મુજબ, ગયા અઠવાડિયાના છેલ્લા ટ્રેડિંગ દિવસે એટલે કે શુક્રવાર (28 ફેબ્રુઆરી)ના રોજ, 24 કેરેટ સોનાના 10 ગ્રામનો ભાવ 85,056 રૂપિયા હતો, જે હવે 1,003 રૂપિયા વધીને 86,059 રૂપિયા થઈ ગયો છે. અમદાવાદમાં 24 કેરેટ 10 ગ્રામ સોનાનો ભાવ 87,210 રૂપિયા પહોંચ્યો છે. ચાંદીના ભાવ 3,244 રૂપિયા વધીને 96,724 રૂપિયા પ્રતિ કિલો થયો છે. પાછલા ટ્રેડિંગ દિવસે (28 ફેબ્રુઆરી) તે 93,480 રૂપિયા પ્રતિ કિલો હતો. બીજી તરફ, ચાંદી 23 ઓક્ટોબર 2024ના રોજ ઓલ ટાઈમ હાઈ પર પહોંચી હતી, ત્યારે તે 99,151 રૂપિયા પ્રતિ કિલોગ્રામ પર પહોંચી ગઈ હતી. કેરેટ મુજબ સોનાનો ભાવ (10 ગ્રામ) 4 મેટ્રો શહેરોમાં સોનાનો ભાવ 1 જાન્યુઆરીથી સોનું 9,897 રૂપિયા મોંઘુ થયું છે આ વર્ષે, 1 જાન્યુઆરીથી અત્યાર સુધીમાં, 24 કેરેટ સોનાના 10 ગ્રામના ભાવમાં 9,897 રૂપિયાનો વધારો થયો છે જે 76,162 રૂપિયા હતો. તેમજ, ચાંદીનો ભાવ પણ 86,017 રૂપિયા પ્રતિ કિલોથી 10,707 રૂપિયા વધીને 96,724 રૂપિયા થયો છે. ગયા વર્ષે એટલે કે 2024માં, સોનું 12,810 રૂપિયા મોંઘુ થયું હતું. આ વર્ષે સોનાનો ભાવ 90 હજાર રૂપિયા સુધી પહોંચી શકે છે કેડિયા એડવાઇઝરીના ડિરેક્ટર અજય કેડિયા કહે છે કે મોટી તેજી પછી, સોનામાં ઘટાડો થવાની અપેક્ષા હતી અને તે પહેલાથી જ થઈ ગયો છે. અમેરિકા પછી યુકે દ્વારા વ્યાજ દરોમાં ઘટાડો અને વધતા ભૂ-રાજકીય તણાવને કારણે સોનાને ટેકો મળી રહ્યો છે. તે જ સમયે, ગોલ્ડ ETFમાં રોકાણ પણ વધી રહ્યું છે. આ કારણે પણ સોનાની માંગ વધી રહી છે. આવી સ્થિતિમાં, આ વર્ષે સોનું 90 હજાર રૂપિયા પ્રતિ 10 ગ્રામ સુધી પહોંચી શકે છે. સોનું ખરીદતી વખતે આ 3 બાબતોનું ધ્યાન રાખો 1. ફક્ત પ્રમાણિત સોનું ખરીદો: હંમેશા બ્યુરો ઓફ ઇન્ડિયન સ્ટાન્ડર્ડ્સ (BIS) દ્વારા હોલમાર્ક થયેલ પ્રમાણિત સોનું ખરીદો. સોના પર 6 અંકનો હોલમાર્ક કોડ હોય છે. આને હોલમાર્ક યુનિક આઇડેન્ટિફિકેશન નંબર એટલે કે HUID કહેવામાં આવે છે. આ સંખ્યા આલ્ફાન્યૂમેરિક છે, એટલે કે કંઈક આના જેવી – AZ4524. હોલમાર્કિંગ દ્વારા એ જાણી શકાય છે કે કોઈ ચોક્કસ સોનું કેટલા કેરેટનું છે. 2. કિંમત ક્રોસ ચેક કરો: ખરીદીના દિવસે બહુવિધ સ્ત્રોતો (જેમ કે ઇન્ડિયા બુલિયન એન્ડ જ્વેલર્સ એસોસિએશન વેબસાઇટ) પરથી સોનાનું સાચું વજન અને તેની કિંમત ક્રોસ ચેક કરો. સોનાની કિંમત 24 કેરેટ, 22 કેરેટ અને 18 કેરેટ પ્રમાણે બદલાય છે. 24 કેરેટ સોનાને સૌથી શુદ્ધ સોનું માનવામાં આવે છે, પરંતુ તેમાંથી ઘરેણાં બનાવવામાં આવતા નથી કારણ કે તે ખૂબ જ નરમ હોય છે. 3. રોકડ ચુકવણી ન કરો, બિલ લો: સોનું ખરીદતી વખતે, રોકડ ચુકવણીને બદલે UPI (જેમ કે BHIM એપ) અને ડિજિટલ બેંકિંગ દ્વારા ચુકવણી કરવી વધુ સારું છે. જો તમે ઈચ્છો તો, તમે ડેબિટ અથવા ક્રેડિટ કાર્ડ દ્વારા પણ ચુકવણી કરી શકો છો. આ પછી બિલ લેવાનું ભૂલશો નહીં. જો તમે ઓનલાઈન ઓર્ડર કર્યો હોય તો પેકેજિંગ ચોક્કસ તપાસો.
