ગોવિંદાની પત્ની સુનિતા આહુજા ટૂંક સમયમાં OTT દુનિયામાં પ્રવેશ કરી શકે છે. મીડિયા રિપોર્ટ્સ અનુસાર, સુનિતા કરણ જોહરના રિયાલિટી શો ‘ફેબ્યુલસ લાઈવ્સ ઓફ બોલિવૂડ વાઇવ્સ’ની આગામી સીઝનમાં જોવા મળી શકે છે. જોકે, આ અંગે હજુ સુધી કોઈ સત્તાવાર માહિતી જાહેર કરવામાં આવી નથી. ફ્રી પ્રેસ જર્નલ અનુસાર, ઉદ્યોગના સૂત્રો કહે છે કે સુનિતા આહુજાની વધતી જતી લોકપ્રિયતાને કારણે, તેમને ‘ધ ફેબ્યુલસ હાઉસવાઇવ્સ’ની આગામી સિઝનનો ભાગ બનાવવામાં આવી રહી છે. સુનિતાને શોમાં જોડાવા માટે સંપર્ક કરવામાં આવ્યો છે કારણ કે દર્શકો તેને ખૂબ પસંદ કરી રહ્યા છે અને તેના ફોલોઅર્સ દિવસેને દિવસે વધી રહ્યા છે. છૂટાછેડા માટે સમાચારમાં હતી વાસ્તવમાં, ગોવિંદા અને સુનિતા આહુજા વિશે કેટલાક સમાચાર બહાર આવ્યા હતા કે બંને છૂટાછેડા લઈ શકે છે. મીડિયા રિપોર્ટ્સ અનુસાર, 61 વર્ષીય ગોવિંદાનું 30 વર્ષીય મરાઠી એક્ટ્રેસ સાથે અફેર છે, જેના કારણે સુનિતા 37 વર્ષના લગ્નજીવન પછી છૂટાછેડા માંગે છે. દંપતીના વકીલનું એક નિવેદન પણ બહાર આવ્યું, જેમાં કહેવામાં આવ્યું કે છૂટાછેડાની અરજી 6 મહિના પહેલા દાખલ કરવામાં આવી હતી. જોકે, બંનેએ પોતાના મતભેદો ઉકેલી લીધા છે અને હવે છૂટાછેડા નથી લઈ રહ્યા. છૂટાછેડાના સમાચાર કેવી રીતે શરૂ થયા? સુનિતા આહુજાએ થોડા સમય પહેલા હિન્દી રશને આપેલા ઇન્ટરવ્યૂમાં કહ્યું હતું કે તે અને ગોવિંદા છેલ્લા 12 વર્ષથી અલગ રહી રહ્યા છે. જ્યારે, બીજા એક ઇન્ટરવ્યૂમાં તેણીએ કહ્યું કે તે એકલા દારૂ પીને પોતાનો જન્મદિવસ ઉજવે છે. સુનિતાના આ નિવેદનો વાયરલ થયા અને છૂટાછેડાના સમાચાર હેડલાઇન્સ બન્યા હતા. ‘ફેબ્યુલસ લાઈવ્સ વર્સિસ બોલિવૂડ વાઇવ્સ’ શો શું છે? કરણ જોહર વર્ષ 2020 માં ‘ફેબ્યુલસ લાઈવ્સ વર્સિસ બોલીવૂડ વાઇવ્સ’ શો લઈને આવ્યા હતા. તેનો ખ્યાલ તદ્દન અલગ હતો. બોલિવૂડના પ્રખ્યાત સ્ટાર્સ, જેમનું જીવન દૂરથી ખૂબ જ રંગીન લાગે છે, પરંતુ તેમની પત્નીઓનું જીવન કેવું છે, તેઓ શું કરે છે અને તેઓ કેવી રીતે જીવે છે. આ બધું આ શોમાં બતાવવામાં આવે છે.
