રોશની નાદર HCL ટેક્નોલોજીના સ્થાપક શિવ નાદરની પુત્રી છે. જે રાતોરાત માત્ર ભારતની જ નહીં પણ એશિયાની સૌથી ધનિક ઉદ્યોગપતિ બની ગઈ. તેણે આ સિદ્ધિ તેના પિતાના કારણે મેળવી છે. HCL ગ્રુપના સ્થાપક શિવ નાદારે હાલમાં કંપનીમાં 47% હિસ્સો તેમની પુત્રી રોશની નાદાર મલ્હોત્રાને ટ્રાન્સફર કર્યો છે. ‘બ્લૂમબર્ગ બિલિયોનેર્સ ઇન્ડેક્સ’ અનુસાર, રોશની હવે 3.13 લાખ કરોડ રૂપિયાની નેટવર્થ સાથે ત્રીજા સૌથી ધનિક ભારતીય મહિલા બની ગઈ છે. તેમના કરતાં વધુ સંપત્તિ ફક્ત મુકેશ અંબાણી અને ગૌતમ અદાણી પાસે જ છે. રોશની પહેલાં, તેના પિતા શિવ નાદર ભારતના ત્રીજા સૌથી ધનિક વ્યક્તિ હતા. તેમના નેતૃત્વ હેઠળની HCL ટેક્નોલોજી દેશની ત્રીજી સૌથી મોટી IT કંપની છે. તેની માર્કેટ કેપ 4.20 લાખ કરોડ રૂપિયા છે. હવે તેમાં અડધાથી વધુ હિસ્સો શિવ નાદારની પુત્રી પાસે છે. રોશની યુકેની નોર્થવેસ્ટર્ન યુનિવર્સિટીમાંથી કોમ્યુનિકેશનમાં સ્નાતક છે. તેમણે કેલોગ સ્કૂલ ઓફ મેનેજમેન્ટમાંથી MBA પણ કર્યું છે. રોશનીએ બ્રિટનમાં સ્કાય ન્યૂઝમાં પ્રોડ્યુસર તરીકે પોતાની કારકિર્દીની શરૂઆત કરી હતી. રોશનીએ સાવિત્રી જિંદાલને પાછળ ધકેલી દીધાં રોશની નાદર હવે દેશની સૌથી ધનિક મહિલા પણ છે. આ બાબતમાં તેમણે સાવિત્રી જિંદાલને પાછળ ધકેલી દીધાં છે, જેમની પાસે 2.63 લાખ કરોડ રૂપિયાની સંપત્તિ છે. જિંદાલ પાંચમા સૌથી ધનિક વ્યક્તિ છે. બ્લૂમબર્ગ બિલિયોનેર્સ-ઈન્ડિયાની યાદી અનુસાર, મુકેશ અંબાણી 7.7 લાખ કરોડ રૂપિયાની નેટવર્થ સાથે સૌથી ધનિક ભારતીય છે. ગૌતમ અદાણી લગભગ 6 લાખ કરોડ રૂપિયાની સંપત્તિ સાથે બીજા સ્થાને છે. અમેરિકા સાથે ભાગીદારીમાં ભૂમિકા રોશની યુએસ-ઇન્ડિયા સ્ટ્રેટેજિક પાર્ટનરશિપ ફોરમના બોર્ડ ઓફ ડિરેક્ટર્સમાં સેવા આપે છે. તેઓ ધ નેચર કન્ઝર્વન્સીના ગ્લોબલ બોર્ડ ઓફ ડિરેક્ટર્સમાં પણ સેવા આપે છે. આ ઉપરાંત, તેઓ HDFC એસેટ મેનેજમેન્ટ કંપનીના બોર્ડમાં સ્વતંત્ર ડિરેક્ટર પણ છે. રોશની શિવ નાદાર ફાઉન્ડેશનની ટ્રસ્ટી છે. બિઝનેસ અને સમાજમાં તેમના યોગદાન બદલ તેમને ફોર્ચ્યુન ઈન્ડિયાની સૌથી શક્તિશાળી મહિલાઓની યાદીમાં ઘણી વખત સ્થાન મળ્યું છે. રોશનીના વૈભવી બંગલો અને મોંઘી કાર રોશની નાદર એશિયાની સૌથી અમીર બિઝનેસવુમન બની ગઈ છે અને હાલના દિવસોમાં હેડલાઈન્સમાં છે. લોકો તેની સ્ટાઇલિશ લાઈફસ્ટાઈલ વિશે જાણવા માંગે છે. તે સફળ બિઝનેસવુમન અને HCL ટેક્નોલોજીસની ચેરપર્સન છે. રોશની નાદર પાસે આલીશાન બંગલા, લક્ઝરી કાર અને અદ્ભુત લાઈફસ્ટાઈલના ઘણા ઉદાહરણો છે જે તેની નેટવર્થને દર્શાવે છે. રોશની પાસે દિલ્હીમાં એક આલીશાન બંગલો છે, જેની કિંમત લગભગ 115 કરોડ રૂપિયા છે. તેના આલીશાન બંગલામાં દરેક સુવિધા ઉપલબ્ધ છે, જેમાં શાનદાર બગીચો અને ખૂબ જ સુંદર ઈન્ટીરિયર્સ સામેલ છે. આ સિવાય તેમનું કાર કલેક્શન પણ એટલું જ અદભૂત છે, જેમાં BMW, Audi અને રેન્જ રોવર જેવી ઘણી લક્ઝરી કારનો સમાવેશ થાય છે. રોશની નાદર પણ વાઈલ્ડલાઈફ કંઝર્વેશનિસ્ટ પણ છે રોશની નાદર પણ વાઈલ્ડલાઈફ કંઝર્વેશનિસ્ટ પણ છે અને તેણે એનિમલ પ્લેનેટ અને ડિસ્કવરી ચેનલ માટે “ધ બ્રિંક” નામની ટીવી સિરીઝ પણ બનાવી છે. 2022માં, આ સિરીઝ ચામાચીડિયા પર આધારિત એક એપિસોડને નેશનલ ફિલ્મ એવોર્ડ મળ્યો હતો. આ સિવાય તેણે “હલકા” નામની ચાઈલ્ડ ફિલ્મ પણ બનાવી છે. સામાજિક કાર્યોમાં પણ અગ્રેસર છે રોશની નાદરે પણ સમાજ સેવામાં મોટું યોગદાન આપ્યું છે. તે શિવ નાદર ફાઉન્ડેશનની ટ્રસ્ટી છે, જે શિવ નાદર યુનિવર્સિટી, વિદ્યા જ્ઞાન સ્કૂલ અને SSN કોલેજ ઑફ એન્જિનિયરિંગ જેવી પ્રતિષ્ઠિત શૈક્ષણિક સંસ્થા ચલાવે છે. આ ઉપરાંત, તે પર્યાવરણની સુરક્ષા માટે “The Habitats Trust” નામની સંસ્થા પણ ચલાવે છે. રોશની નાદર યોગ પર પણ ઘણું ધ્યાન આપે છે રોશની નાદરે યોગને તેની દિનચર્યાનો ભાગ પણ બનાવે છે. શારીરિક અને માનસિક સ્વાસ્થ્ય માટે તે નિયમિત રીતે યોગનું ધ્યાન કરે છે. તેમનું માનવું છે કે યોગ શરીર અને મન બંનેને શાંતિ આપે છે. ક્લાસિકલ સંગીતમાં પણ રસ છે રોશની નાદર મલ્હોત્રા ક્લાસિકલ સંગીતમાં પણ પારંગત છે. તેણે દિલ્હીની વસંત વેલી સ્કૂલમાંથી અભ્યાસ કર્યો છે. આ પછી, તેણે કોમ્યુનિકેશનમાં ગ્રેજ્યુએશન કર્યું અને પછી કેલોગ સ્કૂલ ઓફ મેનેજમેન્ટમાંથી એમબીએની ડિગ્રી પણ મેળવી છે. IBMના 7 પ્રોડક્ટ્સ હસ્તગત કરી રોશની 2009માં તેના પિતાની કંપની HCL ટેક્નોલોજીસ અને HCL ઇન્ફોસિસ્ટમ્સની હોલ્ડિંગ કંપની HCL કોર્પોરેશનમાં જોડાઈ. 2020 માં HCL ટેકના અધ્યક્ષ બની. તેમના નેતૃત્વ હેઠળ, HCL એ IBM પાસેથી 13,740 કરોડ રૂપિયામાં 7 પ્રોડક્ટ્સ હસ્તગત કર્યા. આ HCLના ઇતિહાસમાં સૌથી મોટું સંપાદન હતું. શિવ નાદર વિશ્વના 52મા સૌથી ધનિક વ્યક્તિ છે 79 વર્ષીય શિવ નાદર એચસીએલ ટેક્નોલોજીસ લિમિટેડ, શિવ નાદર ફાઉન્ડેશનના સ્થાપક અને ચેરમેન એમેરિટસ છે. શિવ નાદર વિશ્વના 52મા સૌથી ધનિક વ્યક્તિ છે. ફોર્બ્સની રિયલ ટાઇમ બિલિયોનેર્સ લિસ્ટ અનુસાર, તેમની કુલ સંપત્તિ $34.4 બિલિયન (રૂ. 2.99 લાખ કરોડ) છે. HCL ટેકની શરૂઆત 1976માં થઈ હતી HCL ટેકના સ્થાપક શિવ નાદર છે. તેમણે 1976માં HCLની સ્થાપના કરી. તેના મુખ્ય કાર્યકારી અધિકારી (CEO) અને મેનેજિંગ ડિરેક્ટર સી વિજયકુમાર છે. આ કંપની ડિજિટલ, એન્જિનિયરિંગ, ક્લાઉડ અને સોફ્ટવેરમાં કામ કરે છે. HCLમાં 2,27,481થી વધુ કર્મચારીઓ કામ કરે છે. ……………………… રોશની નાદર સંબંધિત આ સમાચાર પણ વાંચો… શિવ નાદર HCL-કોર્પમાં 47% હિસ્સો પુત્રીને આપે છે: આ પગલું ઉત્તરાધિકાર યોજનાનો એક ભાગ છે, રોશની હવે સૌથી મોટી શેરહોલ્ડર છે HCLના સ્થાપક શિવ નાદરે HCL કોર્પ અને વામા દિલ્હીમાં તેમનો 47% હિસ્સો તેમની પુત્રી રોશની નાદર મલ્હોત્રાને ભેટમાં આપ્યો છે. આ ટ્રાન્સફર 6 માર્ચે કરવામાં આવ્યું હતું. ભેટ પહેલાં, શિવ નાદર પાસે 51% શેરહોલ્ડિંગ હતું અને રોશની પાસે 10.33% શેરહોલ્ડિંગ હતું. આ સમાચાર આગળ વાંચવા માટે અહીં ક્લિક કરો
