વુમન્સ પ્રીમિયર લીગની 20મી મેચમાં, રોયલ ચેલેન્જર્સ બેંગલુરુએ મુંબઈ ઈન્ડિયન્સને 11 રને હરાવ્યું હતું. બ્રેબોર્ન સ્ટેડિયમમાં પહેલી બેટિંગ કરતા બેંગલુરુએ 3 વિકેટે 199 રન બનાવ્યા. કેપ્ટન સ્મૃતિ મંધાનાએ 53 રનની ઇનિંગ રમી. મંગળવારે, મુંબઈ ઈન્ડિયન્સ 200 રનના ટાર્ગેટને ચેઝ કરી રહી હતી અને 20 ઓવરમાં 9 વિકેટ ગુમાવીને માત્ર 199 રન જ બનાવી શકી. નતાલી સિવર બ્રન્ટે સૌથી વધુ 69 રન બનાવ્યા. બેંગલુરુ તરફથી ઓલરાઉન્ડર સ્નેહ રાણાએ 3 વિકેટ લીધી. તેને પ્લેયર ઓફ ધ મેચ પણ જાહેર કરવામાં આવી. આ હાર છતાં, મુંબઈ હજુ પણ ટાઇટલની રેસમાં છે. જ્યારે ડિફેન્ડિંગ ચેમ્પિયન RCB જીતવા છતાં ટુર્નામેન્ટમાંથી બહાર થઈ ગયું છે. મંધાનાની ફિફ્ટી, RCBએ છેલ્લી 5 ઓવરમાં 70 રન બનાવ્યા
પ્રથમ બેટિંગ કરતા બેંગલુરુની ટીમે 3 વિકેટે 199 રન બનાવ્યા. ટીમ તરફથી કેપ્ટન સ્મૃતિ મંધાનાએ સૌથી વધુ 53 રન બનાવ્યા. 37 બોલની પોતાની ઇનિંગમાં તેણે 6 ચોગ્ગા અને 3 છગ્ગા પણ ફટકાર્યા. એલિસ પેરીએ 38 બોલમાં 49 રનની અણનમ ઇનિંગ રમી. રિચા ઘોષે 22 બોલમાં 36 રન બનાવ્યા. જ્યારે જ્યોર્જિયા વેરહામ 10 બોલમાં 31 રન બનાવીને અણનમ રહી. ઓપનર સબનેની મેઘનાએ 13 બોલમાં 26 રન બનાવ્યા. મુંબઈ ઇન્ડિયન્સ તરફથી હેલી મેથ્યુઝે 2 અને અમેલિયા કેરે 1 વિકેટ લીધી. RCBએ છેલ્લી 5 ઓવરમાં 70 રન ઉમેર્યા. સિવર બ્રન્ટને કોઈ સપોર્ટ ન મળ્યો
ટાર્ગેટને ચેઝ કરતા, મુંબઈ ઈન્ડિયન્સ માટે સીવર બ્રન્ટે 69 રનની શાનદાર ઇનિંગ રમી પરંતુ તેને બીજા છેડેથી કોઈ ટેકો મળ્યો નહીં. અંતિમ ઓવરોમાં, સજીવન સંજના (23 રન), કેપ્ટન હરમનપ્રીત કૌર (20 રન), હેલી મેથ્યુઝ (19 રન) અને અમનજોત કૌર (17 રન) એ સારી શરૂઆત કરી હતી પરંતુ તેઓ તેમની ઇનિંગને લંબાવી શક્યા નહીં. સ્નેહા રાણાએ સૌથી વધુ 3 વિકેટ લીધી. કિમ ગાર્થ અને એલિસ પેરીએ 2-2 વિકેટ લીધી. મુંબઈ એલિમિનેટર મેચ રમશે
જો મુંબઈ ઈન્ડિયન્સ આ મેચ જીતી ગયું હોત તો તેઓ સીધા ફાઈનલમાં પ્રવેશ કરી શક્યા હોત, પરંતુ હારના કારણે ટીમ પોઈન્ટ ટેબલમાં બીજા સ્થાને રહી. આવી સ્થિતિમાં, દિલ્હી કેપિટલ્સે પોઈન્ટ ટેબલમાં પ્રથમ સ્થાન મેળવીને ફાઈનલમાં પ્રવેશ મેળવ્યો છે. બીજી ફાઇનલિસ્ટ ટીમનો નિર્ણય મુંબઈ ઇન્ડિયન્સ અને ગુજરાત જાયન્ટ્સ વચ્ચેના એલિમિનેટર મેચમાં થશે. આ મેચ 13 માર્ચે રમાશે. એલિમિનેટર મેચ જીતનારી ટીમ 15 માર્ચે ફાઈનલમાં દિલ્હી કેપિટલ્સ સામે ટકરાશે.
WPL: બેંગલુરુએ મુંબઈને 11 રને હરાવ્યું:સ્મૃતિ મંધાનાની ફિફ્ટી, સ્નેહ રાણાએ 3 વિકેટ લીધી; સીવર બ્રન્ટે 69 રન બનાવ્યા
