11 માર્ચે પાકિસ્તાનના બલૂચિસ્તાનમાં બલૂચ લિબરેશન આર્મી (BLA) દ્વારા જાફર એક્સપ્રેસને હાઈજેક કરવામાં આવી હતી. આ ટ્રેનના કેટલાક વીડિયો સામે આવ્યા છે. એવો દાવો કરવામાં આવી રહ્યો છે કે આ વીડિયો ટ્રેનના મુસાફરો દ્વારા રેકોર્ડ કરવામાં આવ્યા છે. આમાં ઘણી જગ્યાએ મૃતદેહો અને શસ્ત્રો પડેલા જોવા મળે છે. આ મૃતદેહો BLA લડવૈયાઓના હોવાનું માનવામાં આવે છે. પાકિસ્તાની સૈન્યના જણાવ્યા મુજબ, અપહરણની કટોકટી લગભગ 36 કલાક ચાલી હતી. સેનાનો દાવો છે કે બધા બલૂચ વિદ્રોહીઓ માર્યા ગયા હતા અને બંધકોને બચાવી લેવામાં આવ્યા હતા. દાવાઓ અનુસાર, સમગ્ર કાર્યવાહીમાં 28 પાકિસ્તાની સેનાના સૈનિકો અને 33 બલૂચ લડવૈયાઓ માર્યા ગયા છે. ફોટામાં જુઓ આર્મી અને BLA વચ્ચેની લડાઈ પછીની પરિસ્થિતિ… સંપૂર્ણ વીડિઓ જોવા માટે ઉપરના ફોટા પર ક્લિક કરો… હવે મેપમાં જુઓ બલૂચ લડવૈયાઓની હુમલાવાળી જગ્યા… ‘તમામ 214 બંધકને મારી નાખ્યા’:બલૂચ વિદ્રોહીઓનો દાવો, કહ્યું- યુદ્ધ હજુ ચાલુ; પણ પાક. સેનાએ ટ્રેન હાઇજેક પૂર્ણ થયાનો દાવો કર્યો હતો પાકિસ્તાનમાં ટ્રેન હાઇજેક કરનાર બલૂચિસ્તાન લિબરેશન આર્મી (BLA)એ દાવો કર્યો છે કે તેણે તમામ 214 બંધકોને મારી નાખ્યા છે. આજે BLAએ એક નિવેદનમાં જણાવ્યું હતું કે, અમે પાકિસ્તાની સેનાને બંધકોના વિનિમય માટે 48 કલાકનો સમય આપ્યો હતો, પરંતુ પાકિસ્તાનની જીદને કારણે ઘણા લોકોએ જીવ ગુમાવ્યા. સંપૂર્ણ સમાચાર અહીં વાંચો…
