અમેરિકાના રાષ્ટ્રપતિ ડોનાલ્ડ ટ્રમ્પે રવિવારે વેનેઝુએલાના 261 ઇમિગ્રન્ટ્સને અલ સાલ્વાડોરની સુપરમેક્સ જેલમાં મોકલ્યા છે. અમેરિકાએ તેમને ડ્રગ્સ વેચતી ગેંગના સભ્યો હોવાનું જણાવીને આ કાર્યવાહી કરી છે. અલ સાલ્વાડોરના રાષ્ટ્રપતિ નાયબ બુકેલે સોશિયલ મીડિયા પર જણાવ્યું હતું કે વેનેઝુએલાના ગેંગ ‘ટ્રેન ડી અરાગુઆ’ના 238 સભ્યો અને આંતરરાષ્ટ્રીય ગેંગ MS-13ના 23 સભ્યો રવિવારે સવારે ત્યાં પહોંચ્યા હતા. આ લોકોને દેશનિકાલ કરવાના આદેશ પર અમેરિકન કોર્ટે રોક લગાવી દીધી હતી. આ પછી પણ અમેરિકાએ આ લોકોને ડિપોર્ટ કર્યા. ટ્રમ્પ સરકારના અધિકારીઓના જણાવ્યા અનુસાર, કોર્ટનો આદેશ આવ્યો ત્યાં સુધીમાં ફ્લાઇટ્સ ઉડાન ભરી ચૂકી હતી. ડિપોર્ટેશનની તસવીરો જુઓ… જજે ફ્લાઇટ્સ પાછી બોલાવવા કહ્યું, ટ્રમ્પ વહીવટીતંત્ર માન્યું નહીં ડિસ્ટ્રિક્ટ જજ જેમ્સ ઇ. બોઆસબર્ગે શનિવારે આ લોકોના દેશનિકાલને કામચલાઉ રોકવાનો આદેશ જારી કર્યો. પરંતુ સરકારી વકીલોએ તેમને કહ્યું કે તે સમયે બે વિમાનો ઉડાન ભરી ચૂક્યા હતા. આમાંથી એક અલ સાલ્વાડોર અને બીજું હોન્ડુરાસ જવા રવાના થયું હતું. ત્યારબાદ જજે બંને વિમાનોને પાછા બોલાવવાનો આદેશ પણ આપ્યો પરંતુ તેમના લેખિત આદેશમાં તેનો સમાવેશ કર્યો નહીં. આ કારણે વહીવટીતંત્રે તેની અવગણના કરી. વ્હાઇટ હાઉસના પ્રેસ સેક્રેટરી કેરોલિન લેવિટે રવિવારે જણાવ્યું હતું કે વહીવટીતંત્રે કોર્ટના કોઈપણ આદેશોની અવગણના કરી નથી. આ આદેશ કાયદેસર રીતે પાયાવિહોણો હતો અને તે જાહેર કરવામાં આવ્યો ત્યાં સુધીમાં, શંકાસ્પદ આતંકવાદીઓને યુનાઇટેડ સ્ટેટ્સમાંથી કાઢી મુકવામાં આવ્યા હતા.
